၁. လဲၤ​ဆူညါ, လဲၤ​ဆူညါ တုၤ​ဒိၣ်တုာ်ခိၣ်ပှဲၤ,

ယွၤ​အဲၣ်ဒိး လၢ​ပ​က အိၣ်ဒီး​တၢ်ကူၣ်သ့​လၢပှဲၤ.

ဂုာ်ကျဲးစၢး အါထီၣ်​လၢ တၢ်သးခု​ကစီၣ်,

ယွၤ​က​ဆိၣ်ဂ့ၤ​န​တၢ်မၤ.

ဘီမုၢ်​ဂီၢ် ပ​အိၣ်ဒီး တၢ်ခွဲးယာ်.

သ့ၣ်နီၣ်​ထီၣ် တၢ်​လၢ​ယ့ၣ်ၡူး​ခရံာ်​မၤ.

ထီဘိ​န့ၣ် သန့ၤ​သး လၢ​ယဟိဝၤ​ယွၤ,

တီလိၤ​ဂၢၢ်ကျၢၤ​လၢ တၢ်နာ်.

၂. လဲၤ​ဆူညါ, လဲၤ​ဆူညါ အုၣ်​န​သး​ဒူဒူ

ပ​လဲၤ​ဆူ ကိး​ကလုာ် စိာ်​သးခု​ကစီၣ်​ဒူဒူ.

စံးပတြၢၤ ယဟိဝၤ, ပ​ယွၤ​ဒီး​စီၤပၤ,

ခီဖျိ​ဘီမုၢ်​အ​တၢ်ပၢ.

ဒုၣ်ဒါ​န့ၣ် ဂုာ်ကျဲးစၢး မၤပျံၤ​ပှၤ,

ပ​တဘၣ် ဂုၤက့ၤ​လၢ လီၢ်ခံ​ဘၣ်.

ယွၤ​ဘီမုၢ် သူၣ်ထီၣ်​သး အ​တၢ်ကစီၣ်​ဒီး.

တၢ်မ့ၢ်​တီ​သိၣ်လိ​အါထီၣ်.

၃. လဲၤ​ဆူညါ, လဲၤ​ဆူညါ လဲၤ​ဆူညါ​ထီဘိ,

ဂုာ်ကျဲးစၢး မၤ​သပှၢ် တၢ်မၤ​အိၣ်​အါ​ဒံး​အဃိ.

ပျဲ​ယွၤ​အ သးစီဆှံ ကထိၣ်ဂဲၤ​ထီၣ်​နၤ.

တၢ်သးခု​ဟဲဝဲ​လၢ​ယွၤ.

ကျဲးစၢး​ဃု ပှၤဂၤ​လၢ တၢ်အဲၣ်​အီၤ,

က့ၤဟး​လၢ က​ထုးန့ၢ် အသး​ဂီၢ်.

မၤစၢၤ​လၢ ပှၤဂၤ​က လဲၤထီၣ်​လဲၤထီ​ဂီၢ်,

တၢ်မ့ၢ်​တၢ်တီ​က​ဖျါထီၣ်.