SIŊ 159
Gi Jiova di Glori
(Sam 96:8)
1. O Gɔd, na yu nɔmɔ wi gɛt.
Nɔbɔdi nɔ tan lɛk yu.
Aw a go ebul fɔ pe yu
Fɔ ɔl di fayn tin we yu du?
A kin de tink bɔt yu pawa
We a luk wetin yu mek.
Udat a bi, O Jiova
We yu de ɛp mi ɛvride?
(KORƆS)
Jiova Gɔd, a beg lisin dis siŋ.
Dis na siŋ fɔ prez yu nem.
Yu na mi Gɔd; yu pas ɔl ɔda kiŋ.
So di tin we a fɔ du,
Na fɔ gi di prez to yu.
2. A gi yu mi layf, Jiova.
A go du tin yu yon we.
A go de tɔk bɔt yu gudnɛs,
Ɛn prez yu gud nem ɛvride.
A gɛt di ɔnɔ fɔ sav yu.
Yu na mi sef ples fɔ ayd.
Yu de ɛp mi mek a gɛt trɛnk,
Ɛn yu ɔlwez de bay mi sayd.
(KORƆS)
Jiova Gɔd, a beg lisin dis siŋ.
Dis na siŋ fɔ prez yu nem.
Yu na mi Gɔd; yu pas ɔl ɔda kiŋ.
So di tin we a fɔ du,
Na fɔ gi di prez to yu.
3. We a kin luk ɔp di il dɛn,
We a kin luk dɔŋ di si,
Ivin di san, mun, ɛn sta dɛn
Kin mek a no aw yu lɛk mi.
Yu gɛt bɔku sɛns ɛn pawa;
Ɔl dis de mek a lɛk yu.
A go de prez yu Jiova
Ɛn mek pipul no bɔt di tru.
(KORƆS)
Jiova Gɔd, a beg lisin dis siŋ.
Dis na siŋ fɔ prez yu nem.
Yu na mi Gɔd; yu pas ɔl ɔda kiŋ.
So di tin we a fɔ du,
Na fɔ gi di prez to yu.
(Luk bak Sam 96:1-10; 148:3, 7.)
