LIV YU LAYF LƐK KRISTIAN
Mama ɛn Papa dɛn, Una Gi Una Pikin dɛn di Bɛst Chans fɔ Sav Gɔd
Mama ɛn papa dɛn we lɛk Gɔd biznɛs kin rili want fɔ si se dɛn pikin dɛn kɔntinyu fɔ sav Jiova fetful wan. Mama ɛn papa dɛn kin ɛp dɛn fɔ du dat bay we dɛn bigin tich dɛn bɔt di Baybul frɔm we dɛn smɔl. (Dit 6:7; Prɔ 22:6) Yu tink se dis min se mama ɛn papa dɛn nɔ fɔ jɔs de du wetin dɛn want? Yɛs, na dat i min! Bɔt di blɛsin dɛn pas di wok.—3Jɔ 4.
Mama ɛn papa dɛn kin lan bɔku tin frɔm Josɛf ɛn Meri. “Ɛvri ia Jizɔs in mama ɛn papa kin go na Jerusɛlɛm wɛn di tɛm rich fɔ wan Ju ɔlide we nem Pasova,” pan ɔl we dis min se dɛn fɔ wok tranga wan ɛn dɛn nid mɔni. (Lyu 2:41) Fɔ Josɛf ɛn Meri, i impɔtant fɔ mek dɛn famili gɛt tayt padi biznɛs wit Jiova. Semweso, mama ɛn papa dɛn kin gayd dɛn pikin dɛn bay we dɛn de yuz ɛni chans we dɛn gɛt fɔ tich dɛn pikin dɛn bay wetin dɛn de tɔk ɛn bay dɛn ɛgzampul.—Sam 127:3-5.
WACH DI FIM WE GƐT DI TAYTUL, DƐN YUZ ƆL DI CHANS WE DƐN GƐT, DƆN UNA ANSA DƐN KWƐSTYƆN DƐN YA:
-
Aw Jɔn ɛn Sharɔn Shila bin kɔntinyu fɔ put di Kiŋdɔm fɔs we dɛn stil de mɛn dɛn pikin dɛn?
-
Wetin mek mama ɛn papa dɛn fɔ yuz difrɛn we dɛn fɔ tich, gayd, ɛn kɔrɛkt dɛn pikin dɛn?
-
Wetin mama ɛn papa dɛn go du fɔ mek dɛn pikin dɛn ebul fɔ bia tɛst?
-
Wetin na sɔm pan di tin dɛn we Jiova in ɔganayzeshɔn dɔn yuz fɔ ɛp pikin dɛn fɔ bi Jiova in padi?
Una put Jiova fɔs na una famili
