LIV YU LAYF LƐK KRISTIAN
Jiova De Protɛkt In Pipul Dɛn
Di fɔs Pasova bin rili impɔtant. Da nɛt de, afta we Fɛro dɔn kam fɔ no se in fɔs pikin dɔn day, i bin tɛl Mozis se: “Una kɔmɔt na ya, una ɛn dɛn Izrɛlayt dɛn. Una kɔmɔt na dis kɔntri ɛn go wɔship una PAPA GƆD [“Jiova,” NWT] as una bin se.” (Ɛks 12:31, 32) Jiova dɔn sho wi se i de protɛkt in pipul dɛn ɔltɛm.
We wi tink bak bɔt di istri bɔt Jiova in pipul dɛn tide, wi de si klia wan se i dɔn de gayd ɛn protɛkt dɛn. Dɛn sho dis na di myuziɔm na di wɔl ɛdkwata, ɛn in taytul na: “Pipul dɛn We De fɔ Jiova in Nem.”
WACH DI FIM WE GƐT DI TAYTUL, WƆWIK MYUZIƆM TƆ DƐN: “PIPUL DƐN WE DE FƆ JIOVA IN NEM,” DƆN UNA ANSA DI KWƐSTYƆN DƐN WE DE DƆŊ:
-
Us tul di Baybul Studɛnt dɛn bin de yuz insay 1914 fɔ ɛp dɛn fɔ gɛt fet pan di Baybul? Aw dat bin ɛp dɛn?
-
Us prɔblɛm dɛn bin gɛt insay 1916 ɛn 1918? Wetin sho se na Jiova bin de dayrɛkt di ɔganayzeshɔn?
-
Aw Jiova in pipul dɛn dɔn tinap tranga wan fɔ wetin dɛn biliv pan ɔl we ɔda pipul dɛn de agens dɛn?
-
Us nyu tin Jiova in pipul dɛn bin ɔndastand insay 1935? Aw dat bin afɛkt dɛn?
-
If yu dɔn go waka na dis myuziɔm, wetin yu si we mek yu biliv tranga wan se Jiova de gayd ɛn protɛkt in pipul dɛn?
