Tɛnki fɔ we yu fɛn tɛm fɔ stɔdi dis buk. Wi no se i dɔn ɛp yu fɔ no mɔ bɔt wi, wetin wi de du, ɛn aw wi ɔganayz. Wi op se dis buk dɔn ɛp yu fɔ no se na wi na di pipul dɛn we de du wetin Jiova want. Wi want lɛ yu kɔntinyu fɔ lan bɔt Gɔd, fɔ tɛl yu fambul ɛn padi dɛn bɔt di tin dɛn we yu de lan, ɛn fɔ de kam wi mitin dɛn.—Di Ibru Pipul Dɛn 10:23-25.

Di mɔ yu lan bɔt Jiova, na di mɔ yu go no se i rili lɛk yu. Dis go mek yu du di tin dɛn we i want fɔ sho se yusɛf lɛk am. (Jɔn In Fɔs Lɛta 4:8-10, 19) Bɔt aw yu go de sho se yu lɛk Jiova? Wetin mek i fayn fɔ du wetin Jiova want? Ɛn wetin go ɛp yu fɔ jɔyn wi fɔ du wetin Gɔd want? Di pɔsin we de stɔdi yu di Baybul go ɛp yu fɔ fɛn di ansa dɛn fɔ dɛn kwɛstyɔn ya. Dat go mek yu ɛn yu fambul dɛn go de “du dɛn tin we go mek Gɔd stil de . . . lɛk una,” ɛn i go “gi una layf we go de sote go.”—Jud In Lɛta 21.

Duya, wi want mek yu kɔntinyu fɔ lan mɔ bɔt wetin Gɔd want. So, na fɔ bigin stɔdi wan buk we wi kɔl “Kɔntinyu fɔ Du Wetin Go Mek Gɔd Lɛk Yu”.