STƆDI 6
Aplay di Skripchɔ dɛn Klia Wan
Jɔn 10:33-36
WETIN FƆ DU: Nɔ jɔs rid di skripchɔ ɛn go to di nɛks pɔynt. Mek shɔ se di wan dɛn we de lisin to yu ɔndastand klia wan wetin di skripchɔ we yu de rid gɛt fɔ du wit di pɔynt we yu de mek.
AW FƆ DU AM:
-
Pe atɛnshɔn mɔ pan di men wɔd dɛn. Afta we yu dɔn rid di skripchɔ, tɔk bɔt di wɔd dɛn we gɛt fɔ du wit di men pɔynt. Yu go du dis bay we yu de ripit di wɔd dɛn, ɔ bay we yu de aks kwɛstyɔn we go mek di wan dɛn we de lisin to yu ɔndastand di men pɔynt dɛn.
-
Tɔk mɔ bɔt di men pɔynt. If yu gɛt klia rizin fɔ rid ɛni skripchɔ, ɛksplen wetin di men pɔynt dɛn na di skripchɔ gɛt fɔ du wit di rizin we yu gɛt.
-
Aplay di pɔynt simpul wan. Nɔ tɔk bɔt tin dɛn we nɔ impɔtant ɛn we nɔ de sɔpɔt di men pɔynt. Frɔm wetin di pipul dɛn no bɔt di tɔpik, disayd wetin yu nid fɔ tɔk bɔt fɔ mek di men pɔynt klia ɛn tɔk am di kayn we we dɛn go ɔndastand.
