PAT 7
Frɔm we Jizɔs Gɛt Layf Bak te Dɛn Put Pɔl na Jel
Afta Jizɔs day, i gɛt layf bak di de we mek tri. Da de de, i apia fayv tɛm to di wan dɛn we bin de fala am. Jizɔs kɔntinyu fɔ apia to dɛn fɔ 40 dez. Dɔn we sɔm pan in disaypul dɛn bin de wach, i go ɔp na ɛvin. Afta tɛn dez, Gɔd gi oli spirit to di wan dɛn we bin de fala Jizɔs. Dɛn pipul ya bin de wet na Jerusɛlɛm fɔ di oli spirit.
Leta, pipul dɛn we nɔ lɛk Gɔd put di apɔsul dɛn na jel, bɔt wan enjɛl fri dɛn. Ɛn bad pipul dɛn ston wan pan Jizɔs in disaypul dɛn we nem Stivin, te i day. Wi go lan bɔt aw Jizɔs pik wan pan dɛn bad pipul ya fɔ bi in spɛshal savant. Na in na di apɔsul we dɛn kin kɔl Pɔl. Dɔn afta tri ɛn af ia we Jizɔs dɔn day, Gɔd sɛn Pita fɔ go prich to wan man we nɔto Ju. Di man in nem na Kɔnilyɔs.
Afta lɛk 13 ia so, Pɔl bigin in fɔs patrol fɔ go prich na dɛn fa fa kɔntri dɛn. Di sɛkɔn tɛm, na in ɛn Timoti go. Wi go lan bɔt di fayn fayn tin dɛn we Pɔl ɛn di wan dɛn we bin de wit am, bin de du. Afta ɔl dis, dɛn kɛr Pɔl na Rom, ɛn put am na jel. Dɛn fri am afta tu ia, bɔt leta dɛn put am bak na jel, ɛn dɛn kil am. Ɔltin we apin na PAT 7 tek lɛk 32 ia so.
INSAY DIS SƐKSHƆN
STORI 102
Jizɔs Gɛt Layf Bak
Afta we wan enjɛl pul di ston kɔmɔt frɔm Jizɔs in grev, wetin di sojaman dɛn si bin mek dɛn sɔprayz.
STORI 103
Jizɔs Apia to in Disaypul Dɛn
Wetin mek Jizɔs in disaypul dɛn na bin sabi am we I gɛt layf bak?
STORI 105
Dɛn Wet na Jerusɛlɛm
Wetin mek oli spirit bin kam pan di disaypul dɛn wan ɔlide we dɛn kɔl Pɛntikɔst?
STORI 106
Wan Enjɛl Fri di Apɔsul Dɛn
Di Ju bigman dɛn pan gɔd biznɛs, bin put di apɔsul dɛn na jel fɔ mek dɛn go lɛf fɔ prich, bɔt Gɔd bin gɛt in yon plan.
STORI 109
Pita Go to Kɔnilyɔs
Fɔ se Gɔd de tek wan pɔsin bɛtɛ pas ɔda pɔsin ɔ wan neshɔn bɛtɛ pas ɔda neshɔn?
STORI 111
Wan Bɔbɔ we Bin De Slip
Yutikɔs bin de slip we Pɔl bin de gi in fɔs tɔk, bɔt I nɔ bin de slip we I bin de gi in sɛkɔn tɔk. Di tin we bin apin bitwit Pɔl in fɔs ɛn sɛkɔn tɔk, na bin mirekul.
STORI 112
Di Big Bot we Skata
Jɔs we I tan lɛk se dɛn de kam day, na in Pɔl gɛt mɛsej frɔm Gɔd we mek I gɛt op.
