Dis sɛkshɔn de tich wi bɔt yɔŋ pipul dɛn, prɔfɛt dɛn, ɛn kiŋ dɛn we bin sho se dɛn rili gɛt fet pan Jiova. Na Siria, wan Izrɛlayt titi bin gɛt fet se Jiova in prɔfɛt go mɛn Neman. Prɔfɛt Ilaysha bin biliv tranga wan se Jiova go protɛkt am frɔm in ɛnimi dɛn we na sojaman dɛn. Ay Prist Jɛoayda bin put in layf pan denja fɔ protɛkt Jɛoash di tɛm we i bin smɔl frɔm in wikɛd grani we nem Atalaya. Kiŋ Ɛzikaya bin abop pan Jiova se i go sev Jerusɛlɛm, ɛn i nɔ bin du wetin di Asirian dɛn se bikɔs dɛn trɛtin am. Kiŋ Josaya bin pul lay lay wɔship kɔmɔt na di land, i bil di tɛmpul, ɛn i mek di pipul dɛn bigin wɔship Jiova bak di rayt we.