Smɔl Tin bɔt Sɛkshɔn 8
Jiova bin blɛs Sɔlɔmɔn wit bɔku sɛns, ɛn i bin gi am di ɔnɔ fɔ bil di tɛmpul, bɔt smɔl smɔl, i bin kɔmɔt biɛn Jiova. If yu na mama ɔ papa, ɛp yu pikin fɔ ɔndastand aw pipul dɛn we bin de wɔship lay lay gɔd dɛn bin mek Sɔlɔmɔn kɔmɔt biɛn Jiova. Di kiŋdɔm bin sheb, ɛn bad kiŋ dɛn bin mek di pipul dɛn tɔn agens Gɔd ɛn bigin fɔ wɔship lay lay gɔd dɛn. Insay dɛn tɛm dɛn de, dɛn bin de mek Jiova in prɔfɛt dɛn we nɔ bin kɔmɔt biɛn am sɔfa, ɛn dɛn bin ivin kil sɔm pan dɛn. Kwin Jezibɛl bin mek di pipul dɛn we bin de liv na di nɔt pat na Izrɛl tɔn agens Gɔd mɔ ɛn mɔ. Dis na bin bad tɛm insay di Izrɛlayt dɛn istri. Bɔt bɔku Izrɛlayt dɛn bin stil de we de wɔship Jiova, lɛk Kiŋ Jɛoshafat ɛn prɔfɛt Ilayja.
INSAY DIS SƐKSHƆN
LƐSIN 44
Wan Tɛmpul fɔ Jiova
Gɔd bin du wetin Kiŋ Sɔlɔmɔn aks am fɔ du, ɛn i gi am bɔku ɔda tin dɛn.
LƐSIN 49
Dɛn Pɔnish Wan Wikɛd Kwin
Jezibɛl mek plan fɔ kil wan Izrɛlayt man we nem Nebɔt so dat i go tif Nebɔt in vayn gadin! Jiova bin si ɔl di bad tin dɛn we Jezibɛl bin du.
LƐSIN 50
Jiova Fɛt fɔ Jɛoshafat
Kiŋ Jɛoshafat pre to Gɔd we dɛn ɛnimi dɛn bin want fɔ kam atak Juda.
