Sam 91:1-16
91 Ɛnibɔdi we de na di Wan We De Pantap Ɔlman in sikrit plesGo lɔj ɔnda di Ɔlmayti in shado.
2 A go tɛl Jiova se: “Na to yu a de ayd, ɛn na yu na mi sef ples.Yu na mi Gɔd we a abop pan.”
3 I go sev yu frɔm di trap we di wan we de kech bɔd dɔn sɛt,Frɔm di bad bad sik we de prɛd.
4 I go yuz in wiŋ dɛn fɔ kɔba yu,Ɛn yu go ayd ɔnda in wiŋ dɛn.
Di we aw i fetful go tan lɛk big shild ɛn wɔl we de protɛkt yu.
5 Yu nɔ go fred di bad tin dɛn we de apin na nɛt,Ɛn yu nɔ go fred di aro we dɛn de sɛn sɛn dyurin di de.
6 Yu nɔ go fred sik we de prɛd di tɛm we ples rili dak,Yu nɔ go fred we dɛn de dɔnawe wit tin dɛn santɛm.
7 Wan tawzin pipul dɛn go fɔdɔm bay yu saydƐn tɛn tawzin pipul dɛn go fɔdɔm bay yu raytan,Bɔt bad tin nɔ go apin to yu.
8 Na si nɔmɔ yu go siWe dɛn de pɔnish di wikɛd wan dɛn.
9 Bikɔs yu dɔn tɔk se: “Jiova, na to yu a de ayd,”
Yu dɔn mek di Wan We De Pantap Ɔlman yu sef ples fɔ de;
10 No trɔbul nɔ go mit yu,Ɛn no bad tin nɔ go kam nia yu tɛnt,
11 Bikɔs i go sɛn in enjɛl dɛn to yuFɔ protɛkt yu ɛnisay we yu go.
12 Dɛn go ol yu na dɛn an,So dat yu nɔ go nak yu fut pan ston.
13 Yu go waka pan yɔŋ layɔn ɛn kobra;Yu go mas strɔng layɔn ɛn big snek.
14 Gɔd se: “Bikɔs i lɛk mi,* a go sev am.
A go protɛkt am, bikɔs i sabi mi nem.
15 I go kɔl mi, ɛn a go ansa am.
A go de wit am we i gɛt prɔblɛm.
A go sev am ɛn gi am glori.
16 A go mek i satisfay wit lɔng layf,Ɛn a go mek i si we a de sev am.”
Futnot Dɛn
^ Insay Ibru, “i dɔn jɔyn insɛf to mi.”
