Sam 5:1-12
To di wan we de dayrɛkt fɔ Niilɔt.* Devid in siŋ.
5 E Jiova, lisin to di tin dɛn we a de tɔk;Pe atɛnshɔn to di pini we a de pini.
2 E mi Kiŋ ɛn mi Gɔd, pe atɛnshɔn to di kray we a de kray to yu fɔ ɛp mi,Bikɔs na to yu a de pre.
3 Yu go yɛri mi vɔys na mɔnin, E Jiova;Na mɔnin a go tɛl yu bɔt di tin dɛn we de mɔna mi, ɛn a go peshɛnt wet.
4 Yu na Gɔd we nɔ de gladi fɔ wikɛd tin dɛn;No bad pɔsin nɔ go kɔntinyu fɔ de wit yu.
5 No prawd pɔsin nɔ go tinap usay yu de.
Yu et ɔl di wan dɛn we de du wikɛd tin dɛn;
6 Yu go dɔnawe wit di wan dɛn we de lay.
Jiova et fɛt-fɛt ɛn pipul dɛn we de ful dɛn kɔmpin.
7 Bɔt a go kam na yu os bikɔs yu dɔn rili sho mi lɔv we nɔ de chenj;A go butu bifo yu oli tɛmpul fɔ sho se a rili rɛspɛkt yu.
8 E Jiova, yu de du wetin rayt. Lid mi bikɔs ɔf mi ɛnimi dɛn;Mek yu we klia fɔ mi.
9 Pɔsin nɔ go biliv ɛnitin we dɛn tɔk;Na soso wikɛd tin dɛn ful-ɔp dɛn at;Dɛn trot na grev we opin;Dɛn de yuz dɛn tɔŋ fɔ tɔk swit tɔk dɛn.
10 Bɔt Gɔd go se dɛn gilti;Dɛn yon plan dɛn go mek dɛn fɔdɔm.
Lɛ dɛn drɛb dɛn bikɔs dɛn sin dɛn dɔn bɔkuƐn bikɔs dɛn dɔn tɔn dɛn bak pan yu.
11 Bɔt ɔl di wan dɛn we de kam to yu fɔ lɛ yu protɛkt dɛn go gladi;Dɛn go ala wit gladi-at ɔltɛm.
Yu go blɔk di wan dɛn we want fɔ du bad to dɛn,Ɛn di wan dɛn we lɛk yu nem go gladi bikɔs ɔf yu.
12 E Jiova, yu de blɛs ɛnibɔdi we de du wetin rayt;Di gladi we yu gladi fɔ dɛn, tan lɛk big shild.
Futnot Dɛn
^ Rid Baybul Wɔd dɛn Minin.
