Sam 45:1-17
To di wan we de dayrɛkt; di myuzik we nem “Di Lili Dɛn.” Korah in bɔypikin dɛn siŋ. Maskil.* Wan lɔv siŋ.
45 Gud tin dɔn mek mi at rili gladi.
A tɔk se: “Mi siŋ na bɔt wan kiŋ.”
Lɛ mi tɔŋ tan lɛk di tin* we pɔsin we sabi kɔpi de yuz fɔ rayt.
2 Yu fayn pas ɔl di man dɛn.
Na gud wɔd dɛn de kɔmɔt na yu mɔt.
Na dat mek Gɔd dɔn blɛs yu sote go.
3 E di Wan we pawaful, fiks yu sɔd na yu sayd.Yu gɛt ɔnɔ ɛn glori.
4 Sho yu glori ɛn go win;Rayd yu ɔs ɛn fɛt fɔ tru, fɔ wetin rayt, ɛn fɔ di wan dɛn we ɔmbul.Yu raytan go du* wɔndaful tin dɛn.
5 Yu aro dɛn shap. Dɛn de mek pipul dɛn fɔdɔm bifo yu;Dɛn de chuk di kiŋ in ɛnimi dɛn na dɛn at.
6 Gɔd de gi yu pawa fɔ rul* sote go;Di staf fɔ yu kiŋdɔm na staf fɔ du wetin rayt.*
7 Yu lɛk fɔ du wetin rayt, ɛn yu et wikɛd tin dɛn.
Na dat mek Gɔd, we na yu Gɔd, dɔn anɔynt yu wit ɔyl
Ɛn gi yu gladi-at pas yu kɔmpin dɛn.
8 Ɔl yu klos dɛn gɛt ma, alo, ɛn kasia* dɛn sɛnt;Di sawnd we di myuzik instrumɛnt dɛn we gɛt string de pul
Na di big ayvri pales, de mek yu gladi.
9 Di kiŋ in galpikin dɛn de wit yu ledi dɛn we gɛt ɔnɔ.
Di kwin tinap na yu raytan, ɛn i drɛs wit gold we dɛn pul na Ofia.
10 E mi galpikin, lisin. Opin yu yes ɛn pe atɛnshɔn.Fɔgɛt yu pipul dɛn ɛn yu papa in famili.
11 Di kiŋ go rili want yu bikɔs yu fayn.In na yu masta,So butu bifo am.
12 Di pipul* dɛn na Taya go kam wit gift.Di wan dɛn we jɛntri pas ɔl go tray fɔ mek yu gladi fɔ dɛn.
13 Na di pales,* di kiŋ in galpikin rili fayn pasmak.Dɛn mek in klos wit gold.
14 We dɛn de kam wit am to di kiŋ, i go wɛr fayn fayn klos we dɛn wiv.
Dɛn kam wit in ɛn in kɔmpin vajin dɛn we de biɛn am to yu.
15 Dɛn go kam wit dɛn insay wit gladi-at ɛn gladi gladi;Dɛn go ɛnta insay di kiŋ in pales.
16 Yu bɔypikin dɛn go tek yu gret gret granpa dɛn ples.
Yu go pik dɛn fɔ bi prins dɛn ɔlsay na di wɔl.
17 A go mek ɔl di jɛnɛreshɔn dɛn we go kam, no yu nem.
Na dat mek pipul dɛn go prez yu sote go.
Futnot Dɛn
^ Rid Baybul Wɔd dɛn Minin.
^ Ɔ “di pɛn.”
^ Insay Ibru, “tich yu.”
^ Insay Ibru, “Gɔd na yu tron.”
^ Ɔ “fɔ du tin fia wan.”
^ Ma, alo, ɛn kasia na tin dɛn we gɛt fayn sɛnt.
^ Insay Ibru, “galpikin.”
^ Insay Ibru, “os.”
