Sam 30:1-12
-
Kray chenj to gladi gladi
-
We Gɔd gladi fɔ pɔsin, na fɔ sote go (5)
-
Wan siŋ we dɛn siŋ fɔ dɛdiket di os. Devid in siŋ.
30 E Jiova, a go prez yu bikɔs yu es mi ɔp;Yu nɔ alaw mi ɛnimi dɛn fɔ gladi bikɔs ɔf di bad tin dɛn we apin to mi.
2 E Jiova mi Gɔd, a kray to yu fɔ ɛp, ɛn yu mek a wɛl.
3 E Jiova, yu dɔn pul mi na di Grev.*
Yu mek a kɔntinyu fɔ liv, yu nɔ mek a go dɔŋ na di ol.*
4 Una we nɔ de kɔmɔt biɛn Jiova, una siŋ fɔ prez* am.Una prez in oli nem,
5 Bikɔs we i vɛks pan pɔsin na fɔ shɔt tɛm nɔmɔ,Bɔt we i gladi fɔ pɔsin na te di pɔsin day.
Kray kin de ivintɛm, bɔt mɔnintɛm na gladi gladi.
6 We a nɔ bin gɛt prɔblɛm, a bin de tɔk se:
“Natin nɔ go ɛva shek mi.”*
7 E Jiova, we yu bin gladi fɔ mi, yu bin mek a strɔng lɛk mawntin.
Bɔt we yu ayd yu fes pan mi, a fred bad bad wan.
8 E Jiova, na to yu a kɔntinyu fɔ kray;Na yu, Jiova, a bin de beg fɔ ɛp.
9 Us bɛnifit go de we a day ɛn go na di ol?*
Fɔ se di dɔti go prez yu? Fɔ se i go tɔk bɔt aw yu fetful?
10 E Jiova, yɛri mi ɛn sɔri fɔ mi.
E Jiova, ɛp mi.
11 Yu dɔn chenj di kray we a de kray to dans dans;Yu dɔn pul pan mi di klos we pɔsin de wɛr bikɔs in at pwɛl,
Ɛn yu dɔn mek a gladi lɛk se yu drɛs mi wit klos we pɔsin de wɛr fɔ fɛstival.
12 So dat a go siŋ fɔ prez yu, ɛn a nɔ go sɛt mɔt.
E Jiova, mi Gɔd, a go prez yu sote go.
Futnot Dɛn
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Ɔ “grev.”
^ Ɔ “mek myuzik fɔ.”
^ Ɔ “A nɔ go ɛva staga.”
^ Ɔ “grev.”
