Sam 29:1-11
Devid in siŋ.
29 Una di pawaful wan dɛn pikin dɛn, una gi Jiova wetin i fit fɔ gɛt.Una gi Jiova wetin i fit fɔ gɛt bikɔs ɔf in glori ɛn trɛnk.
2 Gi Jiova di glori we in nem fit fɔ gɛt.
Una butu bifo* Jiova wit una oli klos.*
3 Dɛn de yɛri Jiova in vɔys oba di wata dɛn;Di wɔndaful Gɔd de ala lɛk tɛnda.
Jiova de oba bɔku wata dɛn.
4 Jiova in vɔys pawaful;Jiova in vɔys wɔndaful.
5 Jiova in vɔys de brok brok di sida stik dɛn;Fɔ tru, Jiova de skata di sida stik dɛn na Libanɔn.
6 I de mek Libanɔn* jomp jomp lɛk yɔŋ kaw,Ɛn Siriɔn lɛk yɔŋ bush kaw.
7 Jiova in vɔys de mek laytnin flash;
8 Jiova in vɔys de mek di wildanɛs* shek;Jiova de mek di wildanɛs* na Kedɛsh shek.
9 Jiova in vɔys de mek dia trimbul ɛn bɔn pikin;I de mek natin nɔ lɛf na di fɔrɛst dɛn.
Ɛn ɔlman na in tɛmpul go se: “Lɛ Gɔd gɛt glori!”
10 Jiova sidɔm na in tron oba bɔku bɔku wata dɛn;Jiova sidɔm na in tron as Kiŋ sote go.
11 Jiova go gi trɛnk to in pipul dɛn.
Jiova go blɛs in pipul dɛn wit pis.
Futnot Dɛn
^ Ɔ “Wɔship.”
^ Ɔ i kin bi, “bikɔs i oli pasmak.”
^ I go mɔs bi se na di mawntin dɛn na Libanɔn.
^ I kin min ples we wanwan pipul dɛn ɔ plant de. Rid Baybul Wɔd dɛn Minin.
^ Rid Baybul Wɔd dɛn Minin.
