Sam 16:1-11
Devid in miktam.*
16 E Gɔd, protɛkt mi, bikɔs na yu a de rɔn to fɔ ayd.
2 A dɔn tɛl Jiova se: “Yu na Jiova, di Wan we de du gud to mi.
3 Di oli wan dɛn na di wɔlƐn di wan dɛn we gret, kin mek a rili gladi.”
4 Di wan dɛn we de wɔship ɔda gɔd dɛn de ad pwɛlat pan dɛnsɛf.
A nɔ go ɛva tɔn dɛn drink sakrifays we na blɔd,Ɛn a nɔ go yuz mi mɔt fɔ kɔl dɛn nem.
5 Na Jiova de gi mi ɔl wetin a de gɛt* ɛn di kɔp we a de drink pan.
Na yu de protɛkt mi prɔpati.
6 Yu dɔn gi mi fayn fayn ples dɛn.
Fɔ tru, a satisfay wit mi prɔpati.
7 A go prez Jiova we dɔn gi mi advays.
Ivin na nɛt, di tin dɛn we a de tink bɔt* kin kɔrɛkt mi.
8 A go de luk to Jiova ɔltɛm.
Natin nɔ go ɛva shek mi* bikɔs i de na mi raytan.
9 Mi at gladi, a rili gladi,
Ɛn a de na say we sef.
10 Yu nɔ go lɛf mi na di Grev.*
Yu nɔ go alaw di wan we nɔ de kɔmɔt biɛn yu fɔ si di ol.*
11 Yu dɔn mek a no di we fɔ waka na layf.
Gladi gladi de usay yu de;Gladi-at de na yu raytan sote go.
Futnot Dɛn
^ Rid Baybul Wɔd dɛn Minin.
^ Ɔ “mi pat pan di tin we dɛn de sheb.”
^ Ɔ “di we we a de fil dip insay.” Insay Ibru, “mi kidni dɛn.”
^ Ɔ “Natin nɔ go ɛva mek a staga.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Ɔ i kin bi, “fɔ si tin we kɔrɔpt.”
