Mayka 5:1-15
5 “E di wan dɛn we de na siti we dɛn dɔn atak,Una de wund wund unasɛf;Sojaman dɛn dɔn sɔrawnd wi.
Dɛn nak di jɔj na Izrɛl in jɔ wit stik.
2 E Bɛtliɛm Ɛfrata,Pan ɔl we yu tu smɔl fɔ de midul di famili dɛn na Juda,Na frɔm yu di wan we go bi rula na Izrɛl fɔ mi go kɔmɔt,We dɔn de frɔm tɛm, frɔm trade trade.
3 So Gɔd go lɛf dɛnTe di tɛm we di uman we fɔ bɔn dɔn bɔn.
Ɛn di balans wan dɛn pan di rula in brɔda dɛn go tɔn bak to di pipul dɛn na Izrɛl.
4 I go tinap ɛn bi shɛpad wit di trɛnk we Jiova de gi am,Ɛn wit di pawa we in Gɔd, Jiova, in gret nem gɛt.
Dɛn go de sef wan,Bikɔs i go rul ɔlsay na di wɔl.
5 Ɛn i go mek pis de.
If di Asirian dɛn atak wi land ɛn mas mas wi strɔng tawa dɛn,Wi go pik sɛvin shɛpad dɛn, infakt, et man dɛn we na prins* dɛn fɔ fɛt dɛn.
6 Dɛn go yuz dɛn sɔd fɔ pɔnish di Asirian dɛn,Ɛn di pipul dɛn we de na di bɔda dɛn na Nimrɔd in land.
Ɛn i go sev wi frɔm di Asirian dɛnWe dɛn atak wi land ɛn mas na wi tɛritri.
7 Di wan dɛn we lɛf pan Jekɔp in pikin dɛn go de midul bɔku pipul dɛnLɛk dyu frɔm Jiova,Lɛk ren we de fɔdɔm pan plantWe nɔ de abop pan mɔtalmanƆ wet fɔ mɔtalman.
8 Di wan dɛn we lɛf pan Jekɔp in pikin dɛn go de midul di neshɔn dɛn,Dɛn go de midul bɔku pipul dɛn,Lɛk layɔn we de midul wayl animal dɛn na di fɔrɛst,Lɛk yɔŋ layɔn we de midul ship dɛn,We de pas midul dɛn, jomp pan dɛn, ɛn chɛr chɛr dɛn;Ɛn nɔbɔdi nɔ de we go sev dɛn.
9 Una go ebul una ɛnimi dɛn,Ɛn una go dɔnawe wit ɔl una ɛnimi dɛn.”
10 Jiova tɔk se: “Da de de,A go dɔnawe wit una ɔs dɛn ɛn a go dɔnawe wit una chariɔt dɛn.
11 A go dɔnawe wit di siti dɛn na una land,Ɛn a go pwɛl ɔl di ples dɛn we una gɛt fɔ protɛkt unasɛf.
12 A go stɔp di juju biznɛs we una de put an pan,Ɛn ɛnibɔdi we de ple wit majik nɔ go de wit una.
13 A go dɔnawe wit di imej dɛn we una kavƐn wit di pila dɛn we una bil,
Ɛn una nɔ go butu igen to di tin dɛn we una mek wit una an.
14 A go rut una oli pol* dɛn,Ɛn a go dɔnawe wit una siti dɛn.
15 A go vɛks pan di neshɔn dɛnWe nɔ obe mi ɛn tɔn-am-gi dɛn wit wamat.”
