Prɔvabs 7:1-27
7 Mi pikin, du wetin a de seƐn valyu mi kɔmandmɛnt dɛn.
2 Obe mi kɔmandmɛnt dɛn ɛn liv;Protɛkt wetin a de tɛl yu* lɛk yu bɔlyay.
3 Tay dɛn rawnd yu finga dɛn;Rayt dɛn na yu at.
4 Tɛl sɛns se, “Yu na mi sista,”
Ɛn kɔl ɔndastandin “mi fambul,”
5 Fɔ protɛkt yu frɔm wewɔd* uman,Ɛn frɔm bambot* uman ɛn in swit wɔd dɛn.
6 A bin de luk na di winda na mi os,Dɔn a luk dɔŋ,
7 Ɛn as a bin de wach di wan dɛn we nɔ gɛt ɛkspiriɛns,A notis pan di yɔŋ wan dɛn wan yɔŋman we nɔ gɛt sɛns.
8 I pas na di strit nia di uman in kɔna,Ɛn i waka go na di say usay in os de.
9 I pas de we di san go dɔŋ, we ivintɛm dɔn rich,We nɛt de kam ɛn di ples dɔn bigin dak.
10 Dɔn a si wan uman go mit am,I drɛs lɛk raregal, ɛn i kɔni.
11 I de tɔk tumɔs, i gɛt nɔys, ɛn i nɔ gɛt wan trenin.
I nɔ de ɛva de* na os.
12 Wan minit i de na do, di ɔda minit i de na pɔblik ples* dɛn;I lɛk fɔ tinap nia dɛn kɔna dɛn.
13 I grip am ɛn kis am;I nɔ shem fɔ tɛl am se:
14 “A bin nid fɔ mek pis sakrifays dɛn.
Tide, a dɔn du ɔl di tin dɛn we a prɔmis.
15 Na dat mek a kam fɔ mit yu,Fɔ luk fɔ yu, ɛn a dɔn si yu!
16 A dɔn prɛd mi bed wit fayn klos,Linin we gɛt difrɛn difrɛn kɔlɔ dɛn frɔm Ijipt.
17 A dɔn skata ma, alo, ɛn sinamɔn* na mi bed.
18 Kam, lɛ wi satisfay wit wi lɔv te mɔnin;Lɛ wi ɛnjɔy swit lɔv togɛda.
19 Mi man nɔ de na os;I dɔn travul go fa.
20 I go wit wan bag mɔni,Ɛn i nɔ go kam bak te leta insay di mɔnt.”
21 I yuz sabi tɔk fɔ ful am.
I mek i fɔl fɔ am wit swit wɔd dɛn.
22 Wantɛm wantɛm, i bigin fɔ fala am lɛk man kaw we dɛn de go kil,Lɛk fulman we dɛn tay wit chen fɔ pɔnish am,
23 Te aro chuk in liva;Lɛk bɔd we de rɔsh go insay trap, i nɔ no se na de i go lɔs in layf.*
24 So naw, mi pikin dɛn, una lisin to mi;Una pe atɛnshɔn to wetin a de tɔk.
25 Nɔ alaw yu at fɔ du wetin i se.
Nɔ mistek go usay i de,
26 Bikɔs i dɔn mek bɔku pipul dɛn dɔn dayƐn di wan dɛn we i dɔn kil rili bɔku.
27 In os de go to di Grev;*I de go na di ples* usay dayman dɛn de.
Futnot Dɛn
^ Ɔ “Protɛkt mi lɔ.”
^ Insay Ibru, “In fut nɔ de ɛva de.”
^ Rid Baybul Wɔd dɛn Minin.
^ Ma, alo, ɛn sinamɔn na tin dɛn we gɛt fayn sɛnt.
^ Ɔ “sol.”
^ Ɔ “Shiol.” Dis tinap fɔ ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Insay Ibru, “rum dɛn.”
