Prɔvabs 31:1-31
31 Di wɔd dɛn we Kiŋ Lɛmuɛl bin tɔk; di impɔtant mɛsej we in mama bin tɛl am fɔ tich am:
2 Wetin a fɔ tɛl yu, mi pikin,Wetin a fɔ tɛl yu, mi pikin we kɔmɔt na mi bɛlɛ,Wetin, mi pikin we a bin tek vaw fɔ?
3 Nɔ mek lɛ uman dɛn dɔn yu trɛnk,Nɔ fala di tin dɛn we de dɔnawe wit kiŋ dɛn.
4 O Lɛmuɛl, wayn nɔto fɔ kiŋ dɛn,Kiŋ dɛn nɔ fɔ drink wayn,Ɛn rula dɛn nɔ fɔ tɔk se, “We mi drink?”
5 So dat dɛn nɔ go drink ɛn fɔgɛt di lɔƐn mek di wan dɛn we pipul dɛn nɔ tek mek natin nɔ gɛt rayt.
6 Gi rɔm to di wan dɛn we de dayƐn wayn to di wan dɛn we gɛt siriɔs pwɛlat.*
7 Lɛ dɛn drink ɛn fɔgɛt bɔt dɛn po;Lɛ dɛn nɔ mɛmba dɛn prɔblɛm igen.
8 Tɔk fɔ di wan dɛn we nɔ ebul tɔk,Ɛn tinap fɔ ɔl di wan dɛn we de day, dɛn rayt.
9 Tɔk ɛn jɔj di rayt we;Tinap fɔ di wan dɛn we pipul dɛn nɔ tek mek natin ɛn di po wan dɛn rayt.
א [Alɛf]
10 Udat ebul fɛn gud wɛf?
Gud wɛf valyu fa fawe pas koral* dɛn.
ב [Bɛt]
11 In man trɔst am wit ɔl in at,Ɛn in man gɛt ɔl wetin i nid.
ג [Gimɛl]
12 Ɔl di tɛm we i de alayv,I de pe in man wit gud, nɔto bad.
ד [Dalɛt]
13 I de gɛda wul ɛn linin;I de gladi fɔ wok wit in an.
ה [I]
14 I tan lɛk biznɛsman dɛn ship,I de kam wit tin fɔ it frɔm fa say.
ו [Wa]
15 Apat frɔm dat, i de grap we di ples stil dak,I de gi it to di wan dɛn we de na in os,Ɛn i de gi sɔm to in uman savant dɛn.
ז [Zayin]
16 I de mek-ɔp in maynd fɔ bay land, ɛn i de bay am;I de wok tranga wan fɔ plant vayn gadin.*
ח [Ɛt]
17 I de rɛdi insɛf fɔ wok tranga wan,*Ɛn i de wok tranga wan wit in an.
ט [Tɛt]
18 I de mek shɔ se in biznɛs de mek prɔfit;In lamp nɔ de ɔt na nɛt.
י [Yɔd]
19 I de yuz distaf,Ɛn spindul* fɔ mek klos.
כ [Kaf]
20 I de tret in an to di wan dɛn we pipul dɛn nɔ tek mek natin,Ɛn i de opin in an to di po wan dɛn.
ל [Lemɛd]
21 We sno de, i nɔ de wɔri bɔt di wan dɛn we de na in os,Bikɔs ɔlman na in os gɛt klos we de mek dɛn nɔ fil kol.*
מ [Mɛm]
22 Na insɛf de mek in yon bɛdsprɛd.
I de wɛr klos dɛn we dɛn mek wit linin ɛn pɔpul wul.
נ [Nɔn]
23 Pipul dɛn sabi in man na di siti get dɛn,Usay i kin sidɔm wit di bigman dɛn na di land.
ס [Samɛk]
24 I de mek ɛn sɛl linin klos dɛn,*Ɛn i de sɔplay bɛlt to biznɛsman dɛn.
ע [Ayin]
25 I gɛt maynd, ɛn pipul dɛn de rɛspɛkt am,Ɛn i nɔ de wɔri bɔt wetin go apin tumara bambay.
פ [Pe]
26 Na wɔd dɛn we mek sɛns de kɔmɔt na in mɔt;Na gud wɔd dɛn i de tɔk we i de tich.
צ [Sada]
27 In yay de pan di tin dɛn we de apin na in os,Ɛn i nɔ lezi wan.
ק [Kof]
28 In pikin dɛn go grap ɛn tɔk fayn bɔt am;In man go grap ɛn prez am.
ר [Resh]
29 Bɔku gud wɛf dɛn de,Bɔt yu, yu pas dɛn ɔl.
ש [Shin]
30 Pɔsin go luk nays bɔt nɔto so i rili bi, ɛn faynɛs kin dɔn kwik kwik wan,Bɔt di uman we de fred Jiova go gɛt prez.
תת [Tɔ]
31 Gi am di pemɛnt fɔ wetin i de du,Ɛn lɛ i gɛt prez fɔ in wok dɛn na di siti get dɛn.
Futnot Dɛn
^ Ɔ “di wan dɛn we dɛn sol bita.”
^ Rid Baybul Wɔd dɛn Minin.
^ Ɔ “I de yuz wetin i gɛt fɔ plant vayn gadin.”
^ Insay Ibru, “I de tay in ɔja fɔ wok.”
^ Distaf ɛn spindul na tik dɛn we dɛn bin de yuz fɔ mek trɛd.
^ Insay Ibru, “ɔlman na in os dɔbul dɛn klos.”
^ Ɔ “klos dɛn we dɛn de wɛr ɔnda.”
