Di buk we nem “See the Good Land” na Baybul Atlas we go ɛp yu fɔ ɛnjɔy yu pasɔnal Baybul stɔdi. Di Baybul tɔk bɔku bɔt difrɛn ples dɛn, siti dɛn, ɛn land dɛn. If yu yuz dis Atlas, i go mek yu Baybul ridin ɛn stɔdi kam to layf. “See the Good Land” go ɛp yu fɔ imajin ɛn fɛn di ples dɛn usay di tin dɛn we dɛn rayt na di Baybul, bin apin. I go ɛp yu fɔ ɔndastand bak aw sɔm ples gɛt sɔntin fɔ du wit wetin de na di Baybul.

“See the Good Land” ful-ɔp wit map dɛn ɛn chat dɛn we de sho difrɛn eria dɛn usay tin dɛn bin de apin insay Baybul tɛm. Dis Baybul atlas gɛt drɔin dɛn ɛn bɔku ɔda tin dɛn we go ɛp yu fɔ ɛnjɔy yu pasɔnal stɔdi.

Dis Baybul atlas go mek yu

• ɔndastand di say dɛn we Ebraam, Ayzak, ɛn Jekɔp bin travul

• si di say dɛn we di Izrɛlayt dɛn bin pas we dɛn kɔmɔt na Ijipt fɔ go na di Prɔmis Land

• kɔmpia di say we di Izrɛlayt dɛn bin de to di say we dɛn ɛnimi dɛn bin de

• si di say dɛn we Jizɔs bin du in prichin wok

• ɔndastand aw big Babilɔn, Gris, ɛn Roman ɛmpaya dɛn bin bi we di Baybul tɔk bɔt

Yu kin ebul fɔ gɛt dis fri Baybul atlas ɔnlayn na Watchtawa ONLINE LIBRARY.