MWE LUTLUT 53

Sulaclah Mwe Ahkengan Ma Ahkinsewowoye Jeova

PLAY

Jeova el “God suc insewowo.” (1 Timothy 1:11, BMK) El luhngse kuht in insewowo ac engankihn moul lasr uh. El engan kuht fin orekmakihn kuhtuh pacl lasr uh in monglac. Ke mwe lutlut se inge, kuht ac fah sramsramkihn lah fuhkah kuht kuh in sulaclah mwe ahkengan ma ahkenganye kuht ac ahkenganye Jeova pac.

1. Meac kuht enenuh in nuhnkuh ke kuht sulaclah mwe ahkengan?

Meac kom luhngse in oruh ke pacl kom monglac? Kuhtuh mwet uh luhngse na in muhta ke lohm selos—rit puk, lohngyuck on, liyeyuck movie, kuh orekmakihn Internet. Kuhtuh mwet uh luhngse in wi kawuck lalos—som fan finohl, kofkof, kuh sritacl. Ke kuhtwena ma kom luhngse in oruh inge, kom in ahkpwacyeye lah mwe ahkengan ma kom sulaclah “ma ac ahkinsewowoye Leum.” (Ephesus 5:10) Arlac yohk srihpac kuht in kahlwem kac mweyen inkaiyen mwe ahkengan ma pwengpweng ke pacl inge ahkkahlwemye ke ma Jeova el kwase, oacna orekma suhlallacl, orekma in kosro, kuh inutnut. (Riti Psalm 11:5.) Meac ac fah kahsre kuht tuh kuht kuh in sulaclah mwe ahkengan wo ac fal?

Kuht fin sulaclah kawuck suc luhngse Jeova, elos kuh in mwe srihkasrak wo nuh sesr ac kahsre kuht ke sulaclah lasr ke mwe ahkengan. In oacna ma kuht lotwelah tari, kom fin ac “kuhpahsr nuh sin mwet lahlmwetmwet, ac kom fah lahlmwetmwet.” Ke inkacnek se sahyac an, kuht fin asruoki pacl nuhkewa nuh sin mwet suc tiac ahkos oakwuck luhn God, kuht “ac fah sun ongaiyac.”—Soakas 13:20.

2. Efuh yohk srihpac in nuhnkuh ke luhpan pacl ma kuht orekmakihn nuhke mwe ahkengan?

Finne mwe ahkengan kuht sulaclah ahkinsewowoye Jeova, kuht srackna enenuh in taran in tiac orekmakihn pacl yohk nuh kac. Kuht fin tiac oruh ma inge, sahp ac wacngihnlac pacl lasr nuhke orekma ma yohk srihpac liki. Bible uh ahkkweye kuht in ‘orekmakihn pacl lasr nuhke inkacnek wo emeet.’—Riti Ephesus 5:15, 16, NW.

AHKYOHKYE LUTLUT LOM

Lotwelah lah kom kuh in sulaclah fuhkah mwe ahkengan wo.

3. Fahsr liki mwe ahkengan koluk

Efuh kuht enenuh in sulaclah ahkwoyac mwe ahkengan lasr? Liye VIDEO se, ac tohkohyang sramsramkihn kihsen siyuck inge.

VIDEO: What Entertainment Should I Choose? (4:39)

Alein luhn gladiator fin acn Rome in pacl meet ah oacna sie fuhkah nuhke kuhtuh mwe ahkengan ma oasr ke pacl inge uh?
Ke video, meac Danny el lotwelah ke mwe ahkengan uh?

Riti Rome 12:9, ac tohkohyang sramsramkihn kihsen siyuck se inge:

Fuhs se inge kahsre kom fuhkah in sulaclah kain in mwe ahkengan wo ac fal?

Meac kuhtuh ma suc Jeova el sruhnga? Riti Soakas 6:16, 17 ac Galatia 5:19-21. Tukun ritiyuck kais sie ma suhmuhslah, sramsramkihn kihsen siyuck se inge:

Piyac kac ohiyac ma ahkkahlwemyeyuck ke fuhs inge kom kuh in liye ke mwe ahkengan ke pacl inge?

Ke kom sulaclah mwe ahkengan wo ac fal

Siyuck sum sifacna:

Meac? Yac oasr ma Jeova el sruhnga ke mwe ahkengan se inge?
Ngac? Yac ma inge eislah pacl yohk luhk ke orekma ma yohk srihpac?
Suc? Yac ma inge oruh nga in fototo nuh sin mwet suc tiac luhngse Jeova?

Tuh kuht in tiac sun ongaiyac kuht ac som liki acn ma sensen na pwacye. Pa inge srihpac pwacnacng kuht enenuh in fahsr liki mwe ahkengan nuhkewa ma kuht liye muh tiac wo nuh sesr

4. Orekmakihn pacl lom ke inkacnek wo

Liye VIDEO se, ac tohkohyang sramsramkihn kihsen siyuck se inge.

VIDEO: What Controls Your Time? (2:45)

Finne tiac koluk ma brother se ke video sac el liye, tuhsruhktuh meac sikyak nuh sel ke el orekmakihn pacl yohk ke mwe ahkengan?

In Philippi 1:10, NW, Bible uh fahk: “Tuh kom in etuh na pwacye ma yohk srihpac liki.”

Fuhs se inge kahsre kom fuhkah in sulaclah luhpan pacl ma kuht kuh in orekmakihn ke mwe ahkengan?

5. Sulaclah mwe ahkengan ma ac wo nuh sum

Oasr kuhtuh mwe ahkengan ma Jeova el sruhnga, tuhsruhktuh oasr mwe ahkengan pucspucs ma fal nuhke oakwuck lal. Riti Ecclesiastes 8:15 ac Philippi 4:8, ac tohkohyang sramsramkihn kihsen siyuck se inge:

Mwe ahkengan wo fuhkah kom engankihn na pwacye?

Kom kuh in engankihn mwe ahkengan wo

KUHTUH MWET UH FAHK: “Wacngihn ma koluk ke mwe ahkengan ma oasr orekma suhlallacl, orekma in kosro, kuh inutnut kac, kom taran na in tiac etahi ma inge.”