Kom kuh in wuhlelah moul lom kom fin ac puhruhe nuh sin Jeova. Kom ac fah fahk nuh sel lah kom ac alu nuh sel ac kom oruh meet ma luhngse lal ke moul lom. (Psalm 40:8) Tukun ma inge, kom kuh in eis bacptais. Ma inge ahkkahlwemye lah kom wuhlelah tari moul lom nuh sin Jeova. Wuhlelah lasr nuh sin Jeova pa sulaclah se ma yohk srihpac emeet ma kuht kuh in oruh. Efuh kom ac oruh sulaclah se inge ma kuh in ekuhllah moul lom?

1. Efuh kuh sie mwet el ac wuhlelah moul lal nuh sin God?

Kuht wuhlelah moul lasr nuh sin Jeova mweyen kuht luhngse el. (1 John 4:10, 19) Bible uh fahk ohinge: “Kom fah luhngse Leum God lom ke insiom kewa, ac ke ngunum kewa, ac ke nuhnkom kewa, ac ke kuh lom kewa.” (Mark 12:30) Kuht ahkkahlwemye lah kuht luhngse God ke ma kuht fahk ac ke ma kuht oruh. In oacna ke mukul se ac muhtwacn se suc luhngse na pwacye sie sin sie, ac pahyuckyak. Pwacnacng, kuht fin luhngse na pwacye Jeova, ma inge ac mokle kuht in wuhlelah moul lasr ac eis bacptais.

2. Mwe insewowo fuhkah Jeova el ac sang nuh sin Mwet Loh lal suc bacptais?

Ke pacl se ma kom eis bacptais, kom wi ke sie u luhn mukul lili ac muhtwacn lili suc oacna sucu insewowo luhn Jeova. Kom ac fah puhla luhngse lal nuh sum ke inkacnek pucspucs, ac kom ac fototo na pwacye nuh sel. (Riti Malachi 3:16-18.) Jeova el ac fah Pahpah tomom, ac ac fah oasr mwet lili wiom fin facluh nohfohn suc luhngse Jeova ac luhngse kom. (Riti Mark 10:29, 30.) Tuhsruhktuh, oasr ma kom enenuh in oruh tuh kom in eis bacptais. Kom enenuh in lotwelah kacl Jeova, in luhngse el, ac in luhlahlfongi Wen nahtuhl. Ac sahflahiyac, kom enenuh in wuhlelah moul lom nuh sin Jeova. Kom fin oruh ma inge ac kom eis bacptais, ac fah oasr finsrak lom in moul ma pahtpaht. Kahs luhn God fahk: “Bacptais, suc pa mwe molwelah nuh suwos in pacl inge uh.”​—1 Peter 3:21.

 AHKYOHKYE LUTLUT LOM

3. Kuht enenuh in sulaclah lah suc kuht ac kuhlwacnsap nuh se

In Israel in pacl meet ah, kuhtuh mwet uh nuhnkuh muh elos kuh in alu nuh sin Jeova ac nuh sin god kikiacp se inge Baal. Tuhsruhktuh, Jeova el suhpwaclah mwet pahluh se lal inge Elijah in ahksuwohsye nuhnak suhtuhuh inge. Riti 1 Tohkohsrah 18:21, ac tohkohyang sramsramkihn kihsen siyuck se inge:

• Sulaclah fuhkah mwet Israel uh enenuh in oruh?

In oacna mwet Israel, kuht enenuh pac in sulaclah lah suc kuht ac kuhlwacnsuhpuh. Riti Luke 16:13, ac tohkohyang sramsramkihn kihsen siyuck inge:

• Efuh kuht tiac kuh in alu nuh sin kewana Jeova ac ma sruhloaclah kuh kuhtuh ma sahyac?

• Kuht ahkkahlwemye fuhkah lah kuht sulacllah Jeova in alu nuh sel?

4. Nuhnkuh yohk ke luhngse luhn Jeova nuh sum

 5. Mwe insewowo pucspucs ma tuhkuh ke wuhlelah

 MA KUHT LOTWELAH

Ke srihpen kuht luhngse Jeova, pwacnacng kuht ac wuhlelah moul lasr nuh sel ac eis bacptais.

Kalweni

• Efuh kuh kuht in luhngse Jeova ac alu nuh sel muhkwena ke insiacsr kewa?

• Mwe insewowo fuhkah Jeova el sang nuh sin Mwet Loh lal suc bacptaislac?

• Yac kom luhngse in wuhlelah moul lom nuh sin Jeova?