Jeova el sie God suc luhngse ohiyac ma tahklac wo. (1 Corinth 14:33, 40) Pwacnacng, mwet lal uh enenuh pac in oasr ohiyac ma tahklac wo. Oakwuck fuhkah orekmakihnyuck nuhke congregation luhn mwet Christian? Kuht ac sang kahsruh fuhkah nuhke karihngihnyen tahklac wo ke congregation?

1. Suc sifen congregation uh?

“Christ el sifen congregation.” (Ephesus 5:23, NW) Jesus suc muhta inkuhsrao, el kol orekma nuhkewa luhn mwet luhn Jeova fin facluh nohfohn. El srihsrngiyac “mwet kuhlwacnsap oaru ac lahlmwetmwet”​—sie u srihsrihk luhn mwet elder suc etweyuck pac oacna Governing Body. (Riti Matthew 24:45-47.) In oacna mwet sap ac mwet elder in Jerusalem in pacl meet ah, Governing Body sang kahs in kolyuck nuh sin congregation nuhkewa fin facluh nohfohn. (Orekma 15:2) Tuhsruhktuh, mukul lili inge tiac elos pa leum ke u lasr uh. Elos orekma ye kolyuck luhn Jeova ac ke Kahs lal, ac elos ahkos masap lal Jesus.

2. Meac orekma luhn mwet elder uh?

Mwet elder uh elos mwet Christian oaru suc kuhlwacnsuhpuh Jeova ke lusen pacl loeloes. Elos luti mwet luhn Jeova orekmakihnyen Bible, kahsrelos ac ahkkweyelos pac. Elos tiac eis mol nuhke orekma lalos. A, elos ‘insewowo in oruh, mweyen pa inge ma God El luhngse, . . . tiac tuh in moul nuh selos, a ke luhngse na lalos in kuhlwacnsap.’ (1 Peter 5:1, 2) Ministerial servant pa mukul lili ke congregation suc kahsruh mwet elder. Tukun kuhtuh pacl, eltahl kuh pac in srihsrngiyucki oacna mwet elder.

Governing Body srihsrngiyac kuhtuh sin mwet elder in kuhlwacnsap oacna circuit overseer. Elos muhtwacta nuhke congregation pucspucs in kol ac ahkkweye mwet lili. Circuit overseer elos srihsrngiyac mukul lili suc sun tari mwe enenweyuck ma oasr in Bible tuh elos in kuhlwacnsap oacna mwet elder ac ministerial servant.​—1 Timothy 3:1-10, 12; Titus 1:5-9.

3. Meac orekma luhn kais sie Mwet Loh?

Mwet nuhkewa ke congregation elos in ‘kaksakihn inen Jeova’ ke elos wi sang top, oruh mwe sramsram kuh mwe luhmahlah ac wi onkihn on, ac in wi nuhke orekma in fahkwack pweng wo.​—Riti Psalm 148:12, 13.

 AHKYOHKYE LUTLUT LOM

4. Jesus el sie mwet kol na kuhlwacng

Oasr mwe solsol na wowo lal Jesus nuh sesr. Riti Matthew 11:28-30, ac tohkohyang siyuck kihsen siyuck se inge:

• Jesus el kain in mwet kol fuhkah, ac meac el luhngse kuht in puhla?

5. Mwet elder uh ahkkahlwemye mwe srihkasrak wo

1. Mwet elder elos kwacfeacng in ahkkweye fototo lalos nuh sin Jeova, ac elos kahsruh sucu lalos in oruh oacpacna

2. Mwet elder elos karihngihn congregation

3.   Mwet elder elos fahkwack pweng wo pacl nuhkewa

4. Mwet elder elos luti. Elos kahsruh pac ahknwacsnwacs ac oruh kuhtuh orekma sahyac

6. Kuht akacsruhi nuh sin mwet elder

Bible uh fahk lah efuh kuht enenuh in akacsruhi nuh sin mwet elder. Riti Hebrew 13:17, ac tohkohyang sramsramkihn kihsen siyuck inge:

• Efuh kuh Bible uh fahk kuht in inse muhlahlah in ahkos mwet suc kol kuht? Meac kom nuhnkuh kac?

Riti Luke 16:10, ac tohkohyang sramsramkihn kihsen siyuck se inge:

• Efuh yohk srihpac kuht in ahkos mwet elder finne ke ma ma kuht nuhnkuh muh tiac arlac yohk srihpac?

 MA KUHT LOTWELAH

Jesus el sifen congregation uh. Kuht engan in akacsruhi nuh sin mwet elder suc el srihsrngiyac. Elos ahkkahlwemye mwe srihkasrak wo ac elos ahkkweye kuht.

Kalweni

• Suc sifen congregation uh?

• Mwet elder uh kahsruh fuhkah congregation?

• Orekma fuhkah kais sie mwet suc alu nuh sin Jeova oruh?