Psalm 57:1-11
[Psalm lal David, Tukun el Kaing lukel Saul in Luf se]
Sie Pre In Suk Kasru*
57 Pakomutuk, O God, pakomutuk,
Tuh nga tuku nu yurum in moulla.
Ye lulin poum nga konauk misla
Nwe ke pacl se paka lun ma koluk uh wanginla.
2 Nga pang nu sin God, El Su Fulatlana,
Su ase mwe enenu luk nukewa.
3 El ac fah topukyu inkusrao me ac moliyula;
El ac fah kutangulosla su akkeokyeyu.
God El ac fah akkalemye nu sik lungse kawil ac oaru lal.
4 Mwet lokoalok elos rauniyula.
Elos oana lion su mongo mwet.
Wihselos oana osra in fakfuk ac sukan pisr;
Lohulos kosroh oana cutlass.
5 O God, akkalemye fulat lom yen engyeng uh,
Ac wolana lom fin faclu nufon.
6 Mwet lokoalok luk elos oakiya sie mwe kwasrip in sruokyu;
Fosrnga apinyula.
Elos pukanak sie luf inkanek luk,
Tusruktu elos sifacna putatyang nu loac.
7 Arulana pulaik insiuk, O God;
Nga fah on ac kaksakin kom!
8 Ngutalik, O ngunik!
Ngutalik, harp ac lyre nutik!
Nga ac fah okasak faht uh.
9 Nga fah sot kulo nu sum, O Leum, inmasrlon mutunfacl uh.
Nga fah kaksakin kom inmasrlon mwet uh.
10 Lungse kawil lom sun inkusrao,
Ac oaru lom sun pukunyeng uh.
11 O God, akkalemye fulat lom yen engyeng uh,
Ac wolana lom fin faclu nufon.
Footnotes
^ Sifa 1 Sam 22:1; 24:3
