ಒಬ್ಬ ಹೊಸ ಪ್ರಚಾರಕನಿಗೆ ಸೇವೆಯಲ್ಲಿ ಕ್ರಮವಾಗಿ ಮತ್ತು ಹರುಪಿನಿಂದ ಭಾಗವಹಿಸಲು ಆರಂಭದಿಂದಲೇ ತರಬೇತಿ ನೀಡಬೇಕು. ಆಗ ಅವನು ನಿಪುಣ ಪ್ರಚಾರಕನಾಗುತ್ತಾನೆ ಎಂದು ಅನೇಕ ಅನುಭವಗಳಿಂದ ಗೊತ್ತಾಗಿದೆ. (ಜ್ಞಾನೋ 22:6; ಫಿಲಿ 3:16) ಉತ್ತಮ ರೀತಿಯಲ್ಲಿ ಸೇವೆ ಮಾಡುವುದನ್ನು ವಿದ್ಯಾರ್ಥಿಗೆ ಕಲಿಸಲು ನಿಮಗೆ ಈ ಸಲಹೆಗಳು ಸಹಾಯಮಾಡುತ್ತವೆ:

• ನಿಮ್ಮ ವಿದ್ಯಾರ್ಥಿಯು ಯಾವಾಗ ಪ್ರಚಾರಕನಾಗುವ ಅರ್ಹತೆ ಪಡೆಯುತ್ತಾನೋ ಆಗಿನಿಂದಲೇ ತರಬೇತಿ ಕೊಡಲು ಆರಂಭಿಸಿ. (km 8/15 ಪು. 1) ಪ್ರತಿ ವಾರ ಸೇವೆಯಲ್ಲಿ ಭಾಗವಹಿಸುವ ರೂಢಿಯನ್ನು ಬೆಳೆಸಿಕೊಳ್ಳುವುದರ ಪ್ರಾಮುಖ್ಯತೆಯನ್ನು ಅವನಿಗೆ ಅರ್ಥ ಮಾಡಿಸಿ. (ಫಿಲಿ 1:10) ಟೆರಿಟೊರಿಯ ಬಗ್ಗೆ ಯಾವಾಗಲೂ ಸಕಾರಾತ್ಮಕವಾಗಿ ಮಾತಾಡಿ. (ಫಿಲಿ 4:8) ಗುಂಪು ಮೇಲ್ವಿಚಾರಕನೊಂದಿಗೆ ಮತ್ತು ಇತರ ಪ್ರಚಾರಕರೊಂದಿಗೆ ಸೇವೆಮಾಡಲು ಅವನಿಗೆ ಪ್ರೋತ್ಸಾಹ ನೀಡಿ. ಹೀಗೆ ಅವರ ಅನುಭವಗಳಿಂದ ನಿಮ್ಮ ವಿದ್ಯಾರ್ಥಿ ಪ್ರಯೋಜನ ಪಡೆಯಬಹುದು.—ಜ್ಞಾನೋ 1:5; km 10/12 ಪು. 6, ಪ್ಯಾ. 3

• ನಿಮ್ಮ ವಿದ್ಯಾರ್ಥಿ ದೀಕ್ಷಾಸ್ನಾನ ಪಡೆದ ನಂತರ ಸೇವೆಯಲ್ಲಿ ಪ್ರೋತ್ಸಾಹ ಮತ್ತು ತರಬೇತಿ ಕೊಡುವುದನ್ನು ನಿಲ್ಲಿಸಬೇಡಿ. ಅದರಲ್ಲೂ ವಿಶೇಷವಾಗಿ “ದೇವರ ಪ್ರೀತಿ” ಪುಸ್ತಕದ ಅಧ್ಯಯನ ಮುಗಿಯದಿದ್ದರೆ ಇದನ್ನು ತಪ್ಪದೇ ಮಾಡಿ. —km 12/13 ಪು. 7

• ಹೊಸ ಪ್ರಚಾರಕನೊಂದಿಗೆ ಸೇವೆಮಾಡುವಾಗ ಸರಳ ನಿರೂಪಣೆಯನ್ನು ಬಳಸಿ. ಅವನ ನಿರೂಪಣೆಯನ್ನು ಕೇಳಿದ ನಂತರ ಉದಾರವಾಗಿ ಶ್ಲಾಘಿಸಿ. ಇನ್ನೂ ಹೆಚ್ಚು ನಿಪುಣನಾಗಲು ಸಲಹೆಗಳನ್ನು ಕೊಡಿ.—km 5/10 ಪು. 7