ಯೆಶಾಯ 11:1-16
11 ಇಷಯನ+ ಸಣ್ಣ ಕೊಂಬೆಯಿಂದ ಕುಡಿಯೊಂದು+ ಒಡೆಯುತ್ತೆ,ಅವನ ಬೇರುಗಳಿಂದ ಒಂದು ಚಿಗುರೊಡೆದು+ ಅದು ಫಲ ಕೊಡುತ್ತೆ.
2 ಆತನ ಮೇಲೆ ಯೆಹೋವನ ಪವಿತ್ರಶಕ್ತಿ ನೆಲೆಸುತ್ತೆ,+ಹಾಗಾಗಿ ಆತನು ವಿವೇಕಿ ಆಗಿರ್ತಾನೆ+ ಮತ್ತು ಆತನಿಗೆ ಅಪಾರ ತಿಳುವಳಿಕೆ ಇರುತ್ತೆ,ಆತನು ಒಳ್ಳೇ ಸಲಹೆ ಕೊಡ್ತಾನೆ ಮತ್ತು ಶಕ್ತಿಶಾಲಿ ಆಗಿರ್ತಾನೆ,+ಆತನಲ್ಲಿ ಅಪಾರ ಜ್ಞಾನ ಇರುತ್ತೆ ಮತ್ತು ಯೆಹೋವನ ಕಡೆ ತುಂಬ ಗೌರವ ಇರುತ್ತೆ.
3 ಆತನು ಯೆಹೋವನ ಭಯದಲ್ಲಿ ಖುಷಿಪಡ್ತಾನೆ,+ಆತನು ಕಣ್ಣಿಗೆ ಕಂಡಿದ್ದನ್ನ ಆಧಾರವಾಗಿ ಇಟ್ಕೊಂಡು ನ್ಯಾಯತೀರಿಸಲ್ಲ,ಕಿವಿಗೆ ಬಿದ್ದ ಮಾತುಗಳ ಪ್ರಕಾರ ಖಂಡಿಸಲ್ಲ.+
4 ಆತನು ದೀನರಿಗೆ ಪಕ್ಷಪಾತಮಾಡದೆ* ನ್ಯಾಯತೀರಿಸ್ತಾನೆ,ಭೂಮಿ ಮೇಲಿರೋ ಸೌಮ್ಯ ಸ್ವಭಾವದವರ ಪರವಾಗಿ ಜನ್ರನ್ನ ನೀತಿನಿಷ್ಠೆಯಿಂದ ಖಂಡಿಸ್ತಾನೆ.
ಕೋಲಿನ ತರ ಇರೋ ತನ್ನ ಮಾತುಗಳಿಂದ ಆತನು ಭೂಮಿಯನ್ನ ಹೊಡಿತಾನೆ,+ತನ್ನ ತುಟಿಗಳ ಉಸಿರಿಂದ ಕೆಟ್ಟವರನ್ನ ಸಂಹರಿಸ್ತಾನೆ.+
5 ನೀತಿ ಆತನ ನಡುಕಟ್ಟಾಗಿರುತ್ತೆ,ನಂಬಿಗಸ್ತಿಕೆ ಆತನ ಸೊಂಟಪಟ್ಟಿ ಆಗಿರುತ್ತೆ.+
6 ತೋಳ ಕುರಿಮರಿಯ ಜೊತೆ ವಾಸಿಸುತ್ತೆ,+ಚಿರತೆ ಎಳೇ ಆಡಿನ ಜೊತೆ ಮಲಗುತ್ತೆ,ಕರು, ಸಿಂಹ* ಮತ್ತು ಕೊಬ್ಬಿದ ಪ್ರಾಣಿ ಎಲ್ಲಾ ಒಟ್ಟಿಗೆ ಇರುತ್ತೆ,*+ಇವೆಲ್ಲವುಗಳನ್ನ ಒಬ್ಬ ಚಿಕ್ಕ ಹುಡುಗ ಮುಂದೆ ನಿಂತು ನಡಿಸ್ತಾನೆ.
7 ಹಸು ಮತ್ತು ಕರಡಿ ಒಟ್ಟಿಗೆ ಮೇಯುತ್ತೆ,ಅವುಗಳ ಮರಿಗಳು ಒಟ್ಟಿಗೆ ಮಲುಗುತ್ತೆ.
ಸಿಂಹ ಹೋರಿ ತರ ಹುಲ್ಲು ತಿನ್ನುತ್ತೆ.+
8 ಹಾಲು ಕುಡಿಯೋ ಮಗು ನಾಗರಹಾವಿನ ಹುತ್ತದ ಮೇಲೆ ಆಟ ಆಡುತ್ತೆ,ಎದೆಹಾಲು ಬಿಟ್ಟಿರೋ ಮಗು ವಿಷಸರ್ಪದ ಹುತ್ತಕ್ಕೆ ಕೈಹಾಕುತ್ತೆ.
9 ನನ್ನ ಇಡೀ ಪವಿತ್ರ ಬೆಟ್ಟದಲ್ಲಿಅವು ಯಾವ ಹಾನಿನೂ ಮಾಡಲ್ಲ,+ ಯಾವುದನ್ನೂ ಹಾಳುಮಾಡಲ್ಲ,+ಯಾಕಂದ್ರೆ ಸಮುದ್ರ ನೀರಿಂದ ತುಂಬಿರೋ ತರ,ಭೂಮಿ ಯೆಹೋವನ ಜ್ಞಾನದಿಂದ ತುಂಬಿಕೊಳ್ಳುತ್ತೆ.+
10 ಆ ದಿನ ಇಷಯನ ಬೇರು+ ಜನಾಂಗಗಳಿಗೆ ಒಂದು ಧ್ವಜದ ತರ* ಎದ್ದುನಿಲ್ಲುತ್ತೆ,+ಜನಾಂಗಗಳ ಜನ್ರು ಮಾರ್ಗದರ್ಶನಕ್ಕಾಗಿ ಆತನ ಹತ್ರ ಬರ್ತಾರೆ,*+ಆತನ ನಿವಾಸ* ಮಹಿಮೆಯಿಂದ ತುಂಬುತ್ತೆ.
11 ಆ ದಿನ ಯೆಹೋವ ಮತ್ತೊಮ್ಮೆ ತನ್ನ ಕೈ ಚಾಚ್ತಾನೆ. ಉಳಿದಿರೋ ತನ್ನ ಜನ್ರನ್ನ ವಾಪಸ್‌ ಕರ್ಕೊಂಡು ಬರ್ತಾನೆ. ಆತನು ಅವ್ರನ್ನ ಅಶ್ಶೂರ್‌,+ ಈಜಿಪ್ಟ್‌,+ ಪತ್ರೋಸ್‌,+ ಕೂಷ್‌,+ ಏಲಾಮ್‌,+ ಶಿನಾರ್‌,* ಹಾಮಾತ್‌ ಅನ್ನೋ ಸ್ಥಳಗಳಿಂದ ಮತ್ತು ಸಮುದ್ರದ ದ್ವೀಪಗಳಿಂದ ಒಟ್ಟುಗೂಡಿಸ್ತಾನೆ.+
12 ಆತನು ಜನಾಂಗಗಳಿಗಾಗಿ ಒಂದು ಧ್ವಜವನ್ನ* ಎತ್ತಿ ನಿಲ್ಲಿಸಿ ಚೆದರಿ ಹೋಗಿರೋ ಇಸ್ರಾಯೇಲ್‌ ಜನ್ರನ್ನ ಒಟ್ಟುಗೂಡಿಸ್ತಾನೆ.+ ಅಷ್ಟೇ ಅಲ್ಲ ಭೂಮಿಯ ನಾಲ್ಕೂ ಮೂಲೆಗಳಿಗೆ ಚೆದರಿಹೋಗಿರೋ ಯೆಹೂದದ ಜನ್ರನ್ನ ಒಟ್ಟುಗೂಡಿಸ್ತಾನೆ.+
13 ಎಫ್ರಾಯೀಮಿನ ಹೊಟ್ಟೆಕಿಚ್ಚು ಇಲ್ಲದಂತಾಗುತ್ತೆ,+ಯೆಹೂದದ ಕಡೆ ದ್ವೇಷ ಇಟ್ಟುಕೊಂಡಿರುವವರು ಅಳಿದುಹೋಗ್ತಾರೆ.
ಎಫ್ರಾಯೀಮ್‌ ಯೆಹೂದದ ಮೇಲೆ ಹೊಟ್ಟೆಕಿಚ್ಚು ಪಡಲ್ಲ,ಯೆಹೂದ ಎಫ್ರಾಯೀಮಿನ ಮೇಲೆ ದ್ವೇಷವನ್ನ ಇಟ್ಕೊಳ್ಳಲ್ಲ.+
14 ಅವರು ಪಶ್ಚಿಮದಲ್ಲಿರೋ ಫಿಲಿಷ್ಟಿಯರ ಇಳಿಜಾರು ಪ್ರದೇಶಗಳ* ಮೇಲೆ ಹಠಾತ್ತನೆ ಆಕ್ರಮಣ ಮಾಡ್ತಾರೆ,ಅವರಿಬ್ರೂ ಪೂರ್ವದಲ್ಲಿರೋ ಜನ್ರನ್ನ ಕೊಳ್ಳೆಹೊಡಿತಾರೆ.
ಅವರು ಎದೋಮಿನ+ ಮತ್ತು ಮೋವಾಬಿನ+ ವಿರುದ್ಧ ತಮ್ಮ ಕೈಯನ್ನ ಚಾಚ್ತಾರೆ,*ಅಮ್ಮೋನಿಯರು ಅವ್ರಿಗೆ ಶರಣಾಗ್ತಾರೆ.+
15 ಯೆಹೋವ ಈಜಿಪ್ಟಿನ ಸಮುದ್ರ ಕೊಲ್ಲಿಯನ್ನ* ಇಬ್ಬಾಗ ಮಾಡ್ತಾನೆ,*+ನದಿ* ಮೇಲೆ ಕೈ ಆಡಿಸ್ತಾನೆ.+
ಸುಡೋ ಉಸಿರಿಂದ ರಭಸವಾಗಿ ಹರಿಯೋ ಏಳು ಪ್ರವಾಹಗಳನ್ನ ಹೊಡಿತಾನೆ,ಜನ ಕೆರಗಳನ್ನ ಹಾಕೊಂಡು ಅದನ್ನ ದಾಟೋ ತರ ಮಾಡ್ತಾನೆ.
16 ಇಸ್ರಾಯೇಲ್ಯರನ್ನ ಈಜಿಪ್ಟ್‌ ದೇಶದಿಂದ ಬಿಡಿಸ್ಕೊಂಡು ಬಂದಾಗ ಇದ್ದ ಹಾಗೇ,ಆತನ ಜನ್ರಲ್ಲಿ ಉಳಿದಿರುವವರಿಗಾಗಿ ಅಶ್ಶೂರದಲ್ಲಿ ಒಂದು ಹೆದ್ದಾರಿ ಇರುತ್ತೆ.+
ಪಾದಟಿಪ್ಪಣಿ
^ ಅಥವಾ “ನೀತಿಯಿಂದ.”
^ ಅಥವಾ “ಪ್ರಾಯದ ಸಿಂಹ.”
^ ಬಹುಶಃ, “ಕರು ಮತ್ತು ಸಿಂಹ ಒಟ್ಟಿಗೆ ಮೇಯ್ತವೆ.”
^ ಅಕ್ಷ. “ವಿಶ್ರಾಂತಿಯ ಸ್ಥಳ.”
^ ಅಥವಾ “ಜನಾಂಗಗಳ ಜನರು ಅವನನ್ನ ಹುಡುಕ್ತಾರೆ.”
^ ಅಥವಾ “ಸೂಚನಾ ಸ್ತಂಭದ ತರ.”
^ ಅದು, ಬ್ಯಾಬಿಲೋನಿಯ.
^ ಅಥವಾ “ಸೂಚನಾ ಸ್ತಂಭವನ್ನ.”
^ ಅಕ್ಷ. “ಭುಜದ.”
^ ಅಥವಾ “ತಮ್ಮ ಅಧಿಕಾರವನ್ನ ವಿಸ್ತರಿಸ್ತಾರೆ.”
^ ಅಕ್ಷ. “ನಾಲಿಗೆ.”
^ ಬಹುಶಃ, “ಒಣಗಿಸಿ ಬಿಡ್ತಾನೆ.”
^ ಅದು, ಯೂಫ್ರೆಟಿಸ್‌ ನದಿ.
