ಯೆರೆಮೀಯ 46:1-28
46 ಯೆಹೋವ ದೇಶಗಳ ಬಗ್ಗೆ ಪ್ರವಾದಿ ಯೆರೆಮೀಯನಿಗೆ ಹೇಳಿದ ಮಾತುಗಳು+
2 ಯೋಷೀಯನ ಮಗ ಯೆಹೂದದ ರಾಜ ಯೆಹೋಯಾಕೀಮ+ ಆಳ್ತಿದ್ದ ನಾಲ್ಕನೇ ವರ್ಷದಲ್ಲಿ ಬಾಬೆಲಿನ ರಾಜ ನೆಬೂಕದ್ನೆಚ್ಚರ* ಈಜಿಪ್ಟಿನ+ ರಾಜ ಫರೋಹ ನೆಕೋನನ್ನ+ ಸೋಲಿಸಿದ್ದ. ಯೂಫ್ರೆಟಿಸ್‌ ನದಿ ಹತ್ರ ಕರ್ಕೆಮೀಷಲ್ಲಿ ಇದು ನಡಿತು. ಆ ಫರೋಹನ ಸೈನ್ಯದ ಬಗ್ಗೆ, ಅವನ ದೇಶವಾದ ಈಜಿಪ್ಟ್‌ ಬಗ್ಗೆ ದೇವರು ಹೇಳಿದ ಮಾತುಗಳು ಏನಂದ್ರೆ
3 “ನಿಮ್ಮ ಚಿಕ್ಕ ಗುರಾಣಿಗಳನ್ನ,* ದೊಡ್ಡ ಗುರಾಣಿಗಳನ್ನ ತಯಾರಿ ಮಾಡಿ ಇಟ್ಕೊಳ್ಳಿ,ಯುದ್ಧಕ್ಕೆ ಹೊರಡಿ.
4 ಕುದುರೆ ಸವಾರರೇ, ಕುದುರೆಗಳನ್ನ ತಯಾರು ಮಾಡಿಸಿ ಅವುಗಳ ಮೇಲೆ ಹತ್ತಿ,ಶಿರಸ್ತ್ರಾಣಗಳನ್ನ ಹಾಕೊಂಡು ತಯಾರಾಗಿ,ಉದ್ದ ಈಟಿಗಳನ್ನ ಉಜ್ಜಿ ಚೂಪು ಮಾಡ್ಕೊಳ್ಳಿ, ಯುದ್ಧಕವಚ ಹಾಕೊಳ್ಳಿ.
5 ಯೆಹೋವ ಹೀಗೆ ಹೇಳ್ತಾನೆ ‘ಆ ಸೈನಿಕರು ಯಾಕೆ ಭಯ ಹಿಡಿದವರ ತರ ಕಾಣ್ತಿದ್ದಾರೆ?
ಅವರು ಹಿಂದೆ ಸರಿತಾ ಇದ್ದಾರೆ, ಯುದ್ಧಶೂರರು ಸೋತು ಹೋಗಿದ್ದಾರೆ.
ಏನು ಮಾಡಬೇಕಂತ ಗೊತ್ತಾಗದೆ ಓಡಿಹೋಗಿದ್ದಾರೆ, ವೀರ ಸೈನಿಕರು ತಿರುಗಿನೂ ನೋಡಲಿಲ್ಲ.
ಎಲ್ಲಿ ನೋಡಿದ್ರೂ ಬರೀ ಭಯ ಭೀತಿ.’
6 ‘ವೇಗವಾಗಿ ಓಡೋನಿಗೆ ಓಡಕ್ಕಾಗ್ತಿಲ್ಲ, ಯುದ್ಧಶೂರರಿಗೆ ತಪ್ಪಿಸ್ಕೊಳ್ಳೋಕೆ ಆಗ್ತಿಲ್ಲ.
ಉತ್ತರದಲ್ಲಿ, ಯೂಫ್ರೆಟಿಸ್‌ ನದಿ ದಡದಲ್ಲಿಅವರು ಎಡವಿ ಬಿದ್ದಿದ್ದಾರೆ.’+
7 ನೈಲ್‌ ನದಿ ತರ ಉಕ್ಕಿ ಮೇಲೆ ಬರ್ತಿರೋ ಇವರು ಯಾರು?
ಉಕ್ಕೇರೋ ನದಿ ತರ ಬರ್ತಿರೋ ಇವರು ಯಾರು?
8 ನೈಲ್‌ ನದಿ ತರ ಈಜಿಪ್ಟ್‌ ನುಗ್ಗಿ ಮೇಲೆ ಬರ್ತಿದೆ,+ಅದು ಉಕ್ಕಿ ಹರಿಯೋ ನದಿಗಳ ತರ ಬರ್ತಿದೆ,‘ನಾನು ಉಕ್ಕಿ ಹರಿದು ಇಡೀ ಭೂಮಿ ತುಂಬ್ಕೊಳ್ತೀನಿ.
ಆ ಪಟ್ಟಣವನ್ನ ಅದ್ರಲ್ಲಿ ವಾಸ ಮಾಡೋರನ್ನ ನಾಶ ಮಾಡ್ತೀನಿ’ ಅಂತ ಅದು ಹೇಳ್ತಿದೆ.
9 ಕುದುರೆಗಳೇ, ನುಗ್ಗಿ ಮುಂದೆ ಓಡಿ!
ರಥಗಳೇ, ತುಂಬ ರಭಸವಾಗಿ ಹೋಗಿ!
ರಣವೀರರು ಮುಂದೆ ಹೋಗ್ಲಿ,ಗುರಾಣಿ ಹಿಡಿದಿರೋ ಕೂಷ್‌, ಪೂಟ್‌ ಮುಂದೆ ನಡಿಲಿ,+ಬಿಲ್ಲನ್ನ ಕೌಶಲದಿಂದ ಬಳಸೋ, ಅದನ್ನ ಬಗ್ಗಿಸೋ ಲೂದ್ಯರು+ ನುಗ್ಗಿ ಮುಂದೆ ಹೋಗ್ಲಿ.+
10 ಯುದ್ಧದ ಆ ದಿನ ವಿಶ್ವದ ರಾಜನು ಸೈನ್ಯಗಳ ದೇವರು ಆದ ಯೆಹೋವನ ದಿನ. ಆ ದಿನ ಆತನು ತನ್ನ ಶತ್ರುಗಳ ಮೇಲೆ ಸೇಡು ತೀರಿಸ್ಕೊಳ್ತಾನೆ. ಹಾಗಾಗಿ ಅದು ಸೇಡು ತೀರಿಸೋ ದಿನ. ಆಗ ಕತ್ತಿಗೆ ತೃಪ್ತಿ ಆಗೋ ತನಕ ಅದು ಅವ್ರನ್ನ ಕೊಲ್ಲುತ್ತೆ, ಅವ್ರ ರಕ್ತ ಕುಡಿದು ದಾಹ ತೀರಿಸ್ಕೊಳ್ಳುತ್ತೆ. ಯಾಕಂದ್ರೆ ವಿಶ್ವದ ರಾಜನು ಸೈನ್ಯಗಳ ದೇವರು ಆದ ಯೆಹೋವ ಉತ್ತರದ ದೇಶದಲ್ಲಿ, ಯೂಫ್ರೆಟಿಸ್‌ ನದಿ+ ಹತ್ರ ಒಂದು ಬಲಿ ಅರ್ಪಿಸ್ತಾನೆ.*
11 ಕನ್ಯೆಯಾದ ಈಜಿಪ್ಟ್‌,ಸುಗಂಧ ತೈಲ ತರೋಕೆ ಎತ್ರದಲ್ಲಿರೋ ಗಿಲ್ಯಾದಿಗೆ ಹೋಗು.+
ನೀನು ಬೇರೆಬೇರೆ ಔಷಧಿಗಳನ್ನ ಉಪಯೋಗಿಸಿದ್ದು ವ್ಯರ್ಥ,ಯಾಕಂದ್ರೆ ಅದ್ರಿಂದ ನಿನಗೆ ವಾಸಿನೇ ಆಗಲ್ಲ.+
12 ನಿನಗಾದ ಅವಮಾನದ ಬಗ್ಗೆ ದೇಶಗಳು ಕೇಳಿಸ್ಕೊಂಡಿವೆ,+ನೀನು ಗೋಳಾಡೋದು ಇಡೀ ದೇಶಕ್ಕೇ ಕೇಳ್ತಿದೆ.
ಯಾಕಂದ್ರೆ ವೀರ ಸೈನಿಕರು ಒಬ್ಬರಿಂದಾಗಿ ಇನ್ನೊಬ್ರು ಎಡವಿಇಬ್ರೂ ಕೆಳಗೆ ಬೀಳ್ತಾರೆ.”
13 ಬಾಬೆಲಿನ ರಾಜ ನೆಬೂಕದ್ನೆಚ್ಚರ* ಈಜಿಪ್ಟ್‌ ದೇಶವನ್ನ ಸೋಲಿಸೋಕೆ ಬರೋ ವಿಷ್ಯದ ಬಗ್ಗೆ ಯೆಹೋವ ಪ್ರವಾದಿ ಯೆರೆಮೀಯನಿಗೆ ಹೀಗೆ ಹೇಳಿದನು+
14 “ಈಜಿಪ್ಟಿಗೆ ಇದನ್ನ ಹೇಳಿ, ಮಿಗ್ದೋಲಿಗೆ ಹೀಗೆ ಹೇಳಿ.+
ನೋಫ್‌,* ತಹಪನೇಸಲ್ಲಿ+ ಸಾರಿಹೇಳಿ.
ಏನಂದ್ರೆ ‘ಒಂದು ಕತ್ತಿ ನಿಮ್ಮ ಸುತ್ತಾ ಇರೋ ಜನ್ರನ್ನ ಕೊಂದು ಹಾಕುತ್ತೆ,ಹಾಗಾಗಿ ನಿಮ್ಮ ನಿಮ್ಮ ಜಾಗದಲ್ಲೇ ನಿಲ್ಲಿ, ತಯಾರಾಗಿ ಇರಿ.
15 ನಿಮ್ಮಲ್ಲಿರೋ ಬಲಶಾಲಿಗಳು ಯಾಕೆ ನಾಶ ಆದ್ರು?
ಅವ್ರನ್ನ ಕೆಳಗೆ ತಳ್ಳಿಬಿಟ್ಟಿದ್ದು ಯೆಹೋವ,ಹಾಗಾಗಿ ಹೋರಾಡೋಕೆ ಅವ್ರಿಗೆ ಆಗಲಿಲ್ಲ.
16 ತುಂಬ ಜನ ಎಡವಿ ಬೀಳ್ತಾ ಇದ್ದಾರೆ.
ಅವರು ಒಬ್ಬರಿಗೊಬ್ರು“ಏಳು, ನಾವು ಕ್ರೂರವಾದ ಕತ್ತಿಯಿಂದ ತಪ್ಪಿಸ್ಕೊಂಡು ಓಡಿಹೋಗೋಣ!
ನಮ್ಮ ಜನ್ರ ಹತ್ರ, ನಮ್ಮ ದೇಶಕ್ಕೆ ವಾಪಸ್‌ ಹೋಗೋಣ”ಅಂತ ಮಾತಾಡ್ಕೊಳ್ತಾ ಇದ್ದಾರೆ.’
17 ‘ಈಜಿಪ್ಟಿನ ರಾಜ ಫರೋಹ ಸುಮ್ಮನೆ ಕೊಚ್ಕೊಳ್ತಾನೆ,ಅವನಿಗೆ ಸಿಕ್ಕಿದ ಅವಕಾಶನ ಬಿಟ್ಟುಬಿಟ್ಟಿದ್ದಾನೆ’+ಅಂತ ಅಲ್ಲಿ ಅವರು ಎಲ್ರಿಗೂ ಹೇಳಿದ್ದಾರೆ.
18 ಸೈನ್ಯಗಳ ದೇವರಾದ ಯೆಹೋವ ಅನ್ನೋ ಹೆಸ್ರಿರೋ ರಾಜ ಹೇಳೋದು ಏನಂದ್ರೆ ‘ನನ್ನ ಜೀವದಾಣೆ,ಬೆಟ್ಟಗಳ ಮಧ್ಯ ಇರೋ ತಾಬೋರ್‌+ ಬೆಟ್ಟದ ತರಸಮುದ್ರಗಳ ಹತ್ರ ಇರೋ ಕರ್ಮೆಲ್‌ ಬೆಟ್ಟದ+ ತರ ಅವನು* ಬರ್ತಾನೆ.
19 ಈಜಿಪ್ಟಲ್ಲಿ ಇರೋ ಮಗಳೇ,ನೀನು ಕೈದಿಯಾಗಿ ಹೋಗೋಕೆ ಗಂಟುಮೂಟೆ ಕಟ್ಕೊ.
ಯಾಕಂದ್ರೆ ನೋಫ್‌* ಪಟ್ಟಣಕ್ಕೆ ಎಂಥ ಗತಿ ಬರುತ್ತೆ ಅಂದ್ರೆ ನೋಡೋರ ಎದೆ ಭಯದಿಂದ ಹೊಡ್ಕೊಳ್ಳುತ್ತೆ.
ಅದಕ್ಕೆ ಬೆಂಕಿ ಹಚ್ತಾರೆ,* ಅಲ್ಲಿ ಒಬ್ರೂ ವಾಸ ಮಾಡಲ್ಲ.+
20 ಈಜಿಪ್ಟ್‌ ಅನ್ನೋಳು ಅಂದವಾದ ಕಡಸು* ತರ ಇದ್ದಾಳೆ,ಆದ್ರೆ ಉತ್ತರದಿಂದ ಭಯಾನಕ ಸೊಳ್ಳೆಗಳು ಬಂದು ಅವಳನ್ನ ಕಚ್ಚುತ್ತೆ.
21 ಅವಳ ಹತ್ರ ಕೂಲಿಗೆ ಕೆಲಸ ಮಾಡೋ ಸೈನಿಕರು ಕೂಡ ಕೊಬ್ಬಿದ ಕರು ತರ ಇದ್ದಾರೆ,ಆದ್ರೆ ಅವ್ರೆಲ್ಲ ಬೆನ್ನು ಹಾಕಿ ಓಡಿಹೋಗಿದ್ದಾರೆ.
ನಿಂತು ಹೋರಾಡೋಕೆ ಅವ್ರಿಗೆ ಆಗಲಿಲ್ಲ,+ಯಾಕಂದ್ರೆ ಅವರು ನಾಶ ಆಗೋ ಕಾಲ ಬಂದಿದೆ,ಅವ್ರಿಂದ ಲೆಕ್ಕ ಕೇಳೋ ಸಮಯ ಬಂದಿದೆ.’
22 ‘ಅವಳ ಧ್ವನಿ ಹರಿದಾಡೋ ಹಾವು ಬುಸುಗುಟ್ಟೋ ತರ ಇದೆ,ಯಾಕಂದ್ರೆ ಮರಕಡಿಯೋ ಜನ್ರ* ಹಾಗೆಅವರು ಕೊಡಲಿಗಳನ್ನ ಹಿಡ್ಕೊಂಡು ಗುಂಪು ಗುಂಪಾಗಿ ಅವಳ ಹಿಂದೆ ಬರ್ತಾರೆ.
23 ಯೆಹೋವ ಹೇಳೋದು ಏನಂದ್ರೆ, ಅವಳ ಕಾಡು ಯಾರೂ ಹೋಗೋಕೆ ಆಗದಷ್ಟು ದಟ್ಟವಾಗಿದ್ರೂ ಅದನ್ನ ಕಡಿದು ಹಾಕ್ತಾರೆ.
ಯಾಕಂದ್ರೆ ಅವ್ರ ಸಂಖ್ಯೆ ಮಿಡತೆಗಳಿಗಿಂತ ಜಾಸ್ತಿ ಇದೆ, ಅವರು ಲೆಕ್ಕ ಮಾಡಕ್ಕಾಗದಷ್ಟು ಇದ್ದಾರೆ.
24 ಈಜಿಪ್ಟ್‌ ಅನ್ನೋಳಿಗೆ ಅವಮಾನ ಆಗುತ್ತೆ.
ಅವಳನ್ನ ಉತ್ತರದ ಜನ್ರು ವಶ ಮಾಡ್ಕೊಳ್ತಾರೆ.’+
25 ಸೈನ್ಯಗಳ ದೇವರಾದ ಇಸ್ರಾಯೇಲಿನ ದೇವರಾದ ಯೆಹೋವ ಹೇಳೋದು ಏನಂದ್ರೆ ‘ನಾನು ನೋ* ಪಟ್ಟಣದ+ ಆಮೋನ+ ದೇವರಿಗೆ,+ ಫರೋಹನಿಗೆ, ಈಜಿಪ್ಟಿಗೆ, ಅಲ್ಲಿನ ದೇವರುಗಳಿಗೆ, ರಾಜರಿಗೆ ಶಿಕ್ಷೆ ಕೊಡೋಕೆ ಅವ್ರ ಮೇಲೆ ಕಣ್ಣಿಡ್ತೀನಿ. ಹೌದು, ನಾನು ಫರೋಹನ ಮೇಲೆ ಅವನನ್ನ ನಂಬಿರೋ ಎಲ್ರ ಮೇಲೆ ಕಣ್ಣಿಡ್ತೀನಿ.’+
26 ಯೆಹೋವ ಹೇಳೋದು ಏನಂದ್ರೆ ‘ನಾನು ಅವ್ರನ್ನ ಅವ್ರ ಜೀವ ತೆಗಿಯೋಕೆ ಕಾಯ್ತಿರೋರ ಕೈಗೆ, ಬಾಬೆಲಿನ ರಾಜನಾದ ನೆಬೂಕದ್ನೆಚ್ಚರನ,*+ ಅವನ ಸೇವಕರ ಕೈಗೆ ಕೊಡ್ತೀನಿ. ಆಮೇಲೆ ಈಜಿಪ್ಟಲ್ಲಿ ಮುಂಚಿನ ತರ ಜನ್ರು ವಾಸ ಮಾಡ್ತಾರೆ.’+
27 ‘ಆದ್ರೆ ನನ್ನ ಸೇವಕ ಯಾಕೋಬನೇ, ನೀನು ಹೆದ್ರಬೇಡ,ಇಸ್ರಾಯೇಲೇ, ನೀನು ಭಯಪಡಬೇಡ.+
ಯಾಕಂದ್ರೆ ತುಂಬ ದೂರದಲ್ಲಿರೋ ನಿನ್ನನ್ನ ನಾನು ಕಾಪಾಡ್ತೀನಿ,ನಿನ್ನ ವಂಶದವರನ್ನ ಕೈದಿಗಳಾಗಿ ಹೋಗಿರೋ ದೇಶದಿಂದ ಬಿಡಿಸ್ತೀನಿ.+
ಯಾಕೋಬ ವಾಪಸ್‌ ಬರ್ತಾನೆ, ಏನೂ ತೊಂದರೆ ಇಲ್ದೆ ನೆಮ್ಮದಿಯಾಗಿ ಬದುಕ್ತಾನೆ,ಅವ್ರನ್ನ ಹೆದರಿಸೋರು ಯಾರೂ ಇರಲ್ಲ.+
28 ಹಾಗಾಗಿ ನನ್ನ ಸೇವಕ ಯಾಕೋಬನೇ, ನೀನು ಹೆದ್ರಬೇಡ, ಯಾಕಂದ್ರೆ ನಿನ್ನ ಜೊತೆ ನಾನು ಇರ್ತಿನಿ.
ನಾನು ಯಾವ ದೇಶಗಳಲ್ಲಿ ನಿನ್ನನ್ನ ಚದರಿಸಿಬಿಟ್ನೊ ಆ ಎಲ್ಲ ದೇಶಗಳನ್ನ ನಾಶ ಮಾಡ್ತೀನಿ.+
ಆದ್ರೆ ನಿನ್ನನ್ನ ನಾಶ ಮಾಡಲ್ಲ.+
ನಿನ್ನನ್ನ ಸರಿಯಾದ ಪ್ರಮಾಣದಲ್ಲಿ ತಿದ್ದುತೀನಿ,+ಆದ್ರೆ ನಿನಗೆ ಶಿಕ್ಷೆ ಕೊಡ್ದೆ ಮಾತ್ರ ಇರಲ್ಲ’ ಅಂತ ಯೆಹೋವ ಹೇಳ್ತಾನೆ.”
ಪಾದಟಿಪ್ಪಣಿ
^ ಅಕ್ಷ. “ನೆಬೂಕದ್ರೆಚ್ಚರ.” ಆ ಹೆಸ್ರನ್ನ ಹೀಗೂ ಬರಿತಿದ್ರು.
^ ಇದನ್ನ ಹೆಚ್ಚಾಗಿ ಬಿಲ್ಲುಗಾರರು ಹಿಡ್ಕೊಳ್ತಿದ್ರು.
^ ಅಥವಾ “ಒಂದು ಸಂಹಾರ ನಡಿಯುತ್ತೆ.”
^ ಅಕ್ಷ. “ನೆಬೂಕದ್ರೆಚ್ಚರ.” ಆ ಹೆಸ್ರನ್ನ ಹೀಗೂ ಬರಿತಿದ್ರು.
^ ಅಥವಾ “ಮೋಫ್‌.”
^ ಅಂದ್ರೆ, ಈಜಿಪ್ಟನ್ನ ಸೋಲಿಸುವವನು.
^ ಅಥವಾ “ಮೋಫ್‌.”
^ ಬಹುಶಃ, “ಬಂಜರು ಭೂಮಿ ಆಗುತ್ತೆ.”
^ ಅಂದ್ರೆ, ಇನ್ನೂ ಕರು ಹಾಕದಿರೋ ಹಸು.
^ ಅಥವಾ “ಸೌದೆ ಕೂಡಿಸುವವರ.”
^ ಅದು, ಥೀಬ್ಸ್‌.
^ ಅಕ್ಷ. “ನೆಬೂಕದ್ರೆಚ್ಚರ.” ಆ ಹೆಸ್ರನ್ನ ಹೀಗೂ ಬರಿತಿದ್ರು.
