ಜ್ಞಾನೋಕ್ತಿ 8:1-36
8 ನೋಡು, ವಿವೇಕ ಗಟ್ಟಿಯಾಗಿ ಕೂಗ್ತಿದೆ!
ಬುದ್ಧಿ* ಜೋರುಜೋರಾಗಿ ಕರಿತಿದೆ!+
2 ದಾರಿ ಪಕ್ಕದಲ್ಲಿರೋ ಎತ್ತರವಾದ ಜಾಗಗಳಲ್ಲಿ,+ದಾರಿಗಳು ಸೇರುವಲ್ಲಿ ವಿವೇಕ ನಿಂತಿದೆ.
3 ಪಟ್ಟಣದ ಬಾಗಿಲು ಹತ್ರ,ಪ್ರವೇಶಸ್ಥಳಗಳ ಪಕ್ಕ, ಬಾಗಿಲುಗಳ ಹತ್ರ,ಅದು ಗಟ್ಟಿಯಾಗಿ ಹೀಗೆ ಕೂಗ್ತಿದೆ:+
4 “ಜನ್ರೇ, ನಾನು ನಿಮ್ಮ ಹತ್ರಾನೇ ಮಾತಾಡ್ತಾ ಇದ್ದೀನಿ,ನಿಮ್ಮಲ್ಲಿ ಪ್ರತಿಯೊಬ್ರಿಗೂ ಹೇಳ್ತೀನಿ.
5 ಅನುಭವ ಇಲ್ಲದವ್ರೇ, ಜಾಣ್ಮೆಯಿಂದ ಕೆಲಸ ಮಾಡೋಕೆ ಕಲೀರಿ,+ಮೂರ್ಖರೇ, ಅರ್ಥ ಮಾಡ್ಕೊಳ್ಳೋ ಹೃದಯ ಗಳಿಸಿ.
6 ನಾನು ಹೇಳೋ ವಿಷ್ಯಗಳನ್ನ ಕೇಳಿಸ್ಕೊಳ್ಳಿ, ಯಾಕಂದ್ರೆ ಅವು ತುಂಬ ಮುಖ್ಯ,ನನ್ನ ತುಟಿಗಳು ಸರಿಯಾದ ವಿಷ್ಯವನ್ನೇ ಹೇಳುತ್ತೆ.
7 ನನ್ನ ಬಾಯಿ ಸತ್ಯವನ್ನೇ ಹೇಳುತ್ತೆ,ನನ್ನ ತುಟಿಗಳಿಗೆ ಕೆಟ್ಟ ವಿಷ್ಯಗಳಂದ್ರೆ ಇಷ್ಟ ಇಲ್ಲ.
8 ನನ್ನ ಬಾಯಿಯಿಂದ ಒಳ್ಳೇ ವಿಷ್ಯಗಳೇ ಬರುತ್ತೆ,ಮೋಸದ ಮಾತಾಗಲಿ, ಕೊಂಕು ಮಾತಾಗಲಿ ಬರಲ್ಲ.
9 ನನ್ನ ಮಾತುಗಳೆಲ್ಲ ವಿವೇಚನೆ ಇರುವವರಿಗೆ ನೇರಮಾತಾಗಿ,ಜ್ಞಾನವನ್ನ ಪಡ್ಕೊಂಡವ್ರಿಗೆ ಸರಿಯಾಗಿ ಕಾಣುತ್ತೆ.
10 ಬೆಳ್ಳಿ ಬದ್ಲು ನಾನು ಕೊಡೋ ಶಿಸ್ತು ತಗೊ,ಅಪ್ಪಟ ಚಿನ್ನದ ಬದ್ಲು ಜ್ಞಾನ ಆರಿಸ್ಕೊ.+
11 ಯಾಕಂದ್ರೆ ವಿವೇಕ ಹವಳಕ್ಕಿಂತ* ಶ್ರೇಷ್ಠ.
ಬೆಲೆಬಾಳೋ ವಸ್ತುಗಳಿಗೆ ಅದನ್ನ ಹೋಲಿಸೋಕೆ ಆಗಲ್ಲ.
12 ವಿವೇಕ ಅನ್ನೋ ನಾನು ಜಾಣ್ಮೆ ಜೊತೆ ಇರ್ತಿನಿ,ಜ್ಞಾನ, ಬುದ್ಧಿ ನನ್ನ ಹತ್ರ ಇದೆ.+
13 ಯೆಹೋವನಿಗೆ ಭಯಪಡೋದು ಅಂದ್ರೆ ಕೆಟ್ಟದ್ದನ್ನ ದ್ವೇಷಿಸೋದು.+
ಗರ್ವ, ಅಹಂಕಾರ,+ ಕೆಟ್ಟ ದಾರಿ, ಸುಳ್ಳು ಮಾತುಗಳನ್ನ ವಿವೇಕ ಅನ್ನೋ ನಾನು ಇಷ್ಟಪಡಲ್ಲ.+
14 ಒಳ್ಳೇ ಸಲಹೆ, ವಿವೇಕ*+ ನನ್ನ ಹತ್ರ ಇದೆ,ಅರ್ಥ ಮಾಡ್ಕೊಳ್ಳೋ ಸಾಮರ್ಥ್ಯ,+ ಬಲ+ ನನ್ನ ಸೊತ್ತು.
15 ನನ್ನ ಸಹಾಯದಿಂದ ರಾಜರು ಆಳ್ತಾರೆ,ದೊಡ್ಡದೊಡ್ಡ ಅಧಿಕಾರಿಗಳು ನೀತಿಯಿಂದ ನಿಯಮಗಳನ್ನ ಮಾಡ್ತಾರೆ.+
16 ನನ್ನ ಸಹಾಯದಿಂದ ನಾಯಕರು ಆಳ್ತಾರೆ,ದೊಡ್ಡದೊಡ್ಡ ಅಧಿಕಾರಿಗಳು ನೀತಿಯಿಂದ ನ್ಯಾಯತೀರಿಸ್ತಾರೆ.
17 ನನ್ನನ್ನ ಪ್ರೀತಿಸುವವ್ರನ್ನ ನಾನು ಪ್ರೀತಿಸ್ತೀನಿ,ನನ್ನನ್ನ ಹುಡುಕುವವ್ರಿಗೆ ನಾನು ಸಿಗ್ತೀನಿ.+
18 ನನ್ನ ಹತ್ರ ಆಸ್ತಿ, ಅಂತಸ್ತು ಇದೆ,ಶಾಶ್ವತ ಸಂಪತ್ತು,* ನೀತಿ ಇದೆ.
19 ನನ್ನಿಂದ ನಿಮಗೆ ಸಿಗೋ ಉಡುಗೊರೆಗಳು ಚಿನ್ನಕ್ಕಿಂತ, ಶುದ್ಧ ಚಿನ್ನಕ್ಕಿಂತ ಉತ್ತಮ,ನಾನು ನಿಮಗೆ ಏನನ್ನ ಕೊಡ್ತೀನೋ ಅದು ಶ್ರೇಷ್ಠ ಬೆಳ್ಳಿಗಿಂತ ಉತ್ತಮ.+
20 ನಾನು ನೀತಿಯ ದಾರಿಯಲ್ಲಿ ನಡಿತೀನಿ,ನ್ಯಾಯದ ದಾರಿ ಮಧ್ಯದಲ್ಲೇ ಹೋಗ್ತೀನಿ.
21 ನನ್ನನ್ನ ಪ್ರೀತಿಸುವವ್ರಿಗೆ ನಾನು ಬೆಲೆಬಾಳೋ ಆಸ್ತಿ ಕೊಡ್ತೀನಿ,ಅವ್ರ ಗೋಡೌನ್‌ ತುಂಬಿಸ್ತೀನಿ.
22 ಯೆಹೋವ ಸೃಷ್ಟಿ ಮಾಡುವಾಗ ಮೊದ್ಲು ನನ್ನನ್ನ ಸೃಷ್ಟಿ ಮಾಡಿದನು,+ಆತನ ಕೈಯಿಂದ ಸೃಷ್ಟಿಯಾದ ಮೊದಲ ಸೃಷ್ಟಿ ನಾನೇ,ತುಂಬತುಂಬ ವರ್ಷಗಳ ಹಿಂದೆನೇ ದೇವರು ನನ್ನನ್ನ ಸೃಷ್ಟಿ ಮಾಡಿದನು.+
23 ಬಹಳ ಮುಂಚೆನೇ,* ಅಂದ್ರೆ ಭೂಮಿಯನ್ನ ಸೃಷ್ಟಿ ಮಾಡೋ ಮುಂಚೆನೇ+ಆತನು ನನಗೆ ಒಂದು ದೊಡ್ಡ ಸ್ಥಾನ ಕೊಟ್ಟನು.+
24 ನಾನು ಹುಟ್ಟಿದ ಸಮಯದಲ್ಲಿ* ಆಳವಾದ ಸಾಗರ ಆಗಲಿ+ಉಕ್ಕಿ ಹರಿಯೋ ಬುಗ್ಗೆಗಳಾಗಲಿ ಇರ್ಲಿಲ್ಲ.
25 ಪರ್ವತಗಳನ್ನ ಸೃಷ್ಟಿ ಮಾಡೋ ಮುಂಚೆನೇ,ಬೆಟ್ಟಗಳಿಗಿಂತ ಮುಂಚೆನೇ ನನ್ನನ್ನ ಸೃಷ್ಟಿ ಮಾಡಿದನು.
26 ಆಗಿನ್ನೂ ಆತನು ಭೂಮಿ ಆಗಲಿ, ಅದ್ರ ಬಯಲುಗಳಾಗಲಿಮಣ್ಣಿನ ಮೊದಲ ಕಣವನ್ನಾಗಲಿ ಮಾಡಿರಲಿಲ್ಲ.
27 ಆಕಾಶವನ್ನ ಮಾಡಿದಾಗ,+ಆತನು ನೀರಿಗೆ ಗಡಿರೇಖೆ* ಹಾಕಿದಾಗ+ ನಾನು ಅಲ್ಲಿದ್ದೆ.
28 ಆತನು ಮೋಡಗಳನ್ನ ಮಾಡಿದಾಗ,ಆಳವಾದ ಸಮುದ್ರಗಳನ್ನ ತುಂಬಿಸಿದಾಗ ನಾನಲ್ಲಿದ್ದೆ.
29 ಆತನು ಸಮುದ್ರಕ್ಕೆ ಗಡಿ ಹಾಕಿದಾಗ,ಆ ಗಡಿ ದಾಟಿ ಬರಬಾರದು ಅಂತ ನೀರಿಗೆ ಅಪ್ಪಣೆ ಕೊಟ್ಟಾಗ,+ಭೂಮಿಗೆ ಅಲುಗಾಡದ ಅಡಿಪಾಯ ಹಾಕಿದಾಗ,
30 ಅತ್ಯಂತ ನಿಪುಣ ಕೆಲಸಗಾರನ ತರ ನಾನು ಆತನ ಪಕ್ಕದಲ್ಲೇ ಇದ್ದೆ.+
ಆತನು ಪ್ರತಿದಿನ ನನ್ನನ್ನ ನೋಡಿ ಖುಷಿಪಡ್ತಿದ್ದ,+ನಾನು ಆತನ ಮುಂದೆ ಯಾವಾಗ್ಲೂ ನಗುನಗ್ತಾ ಇದ್ದೆ.+
31 ಆತನು ಮನುಷ್ಯರಿಗೆ ಅಂತಾನೇ ಮಾಡಿದ ಭೂಮಿಯನ್ನ ನೋಡಿ ನಾನು ಖುಷಿಪಟ್ಟೆ,ಮನುಷ್ಯರಂದ್ರೆ ನನಗೆ ಪಂಚಪ್ರಾಣ.
32 ನನ್ನ ಮಕ್ಕಳೇ, ಈಗ ನಾನು ಹೇಳೋದನ್ನ ಕೇಳಿ,ಯಾಕಂದ್ರೆ ನನ್ನ ದಾರಿಯಲ್ಲಿ ನಡಿಯುವವರು ಸಂತೋಷವಾಗಿ ಇರ್ತಾರೆ.
33 ನಾನು ಕೊಡೋ ಶಿಸ್ತನ್ನ ಸ್ವೀಕರಿಸಿ+ ವಿವೇಕಿ ಆಗ್ತಾರೆ,ಯಾವತ್ತಿಗೂ ಅದನ್ನ ಅಸಡ್ಡೆ ಮಾಡಬೇಡಿ.
34 ಪ್ರತಿದಿನ ಬೆಳಬೆಳಿಗ್ಗೆನೇ ನನ್ನ ಬಾಗಿಲ ಹತ್ರ ಬರ್ತಾನೆ,ನನ್ನ ಬಾಗಿಲ* ಮುಂದೆ ಕಾಯ್ತಾನೆ,ನನ್ನ ಮಾತನ್ನ ಕೇಳುವವನು ಖುಷಿಯಾಗಿ ಇರ್ತಾನೆ.
35 ಯಾಕಂದ್ರೆ ನನ್ನನ್ನ ಹುಡುಕುವವನಿಗೆ ಜೀವ ಸಿಗುತ್ತೆ,+ಯೆಹೋವನ ಮೆಚ್ಚುಗೆ ಸಿಗುತ್ತೆ.
36 ಆದ್ರೆ ನನ್ನನ್ನ ಅಸಡ್ಡೆ ಮಾಡಿದ್ರೆ ಅವನಿಗೇ ಹಾನಿ,ನನ್ನನ್ನ ದ್ವೇಷಿಸುವವನಿಗೆ ಸಾವಂದ್ರೆ ಪ್ರೀತಿ.”+
ಪಾದಟಿಪ್ಪಣಿ
^ ಅಥವಾ “ವಿವೇಚನಾ ಶಕ್ತಿ.”
^ ಅಥವಾ “ಪ್ರಯೋಜನ ಆಗೋ ವಿವೇಕ.”
^ ಅಥವಾ “ಪರಂಪರೆಯಿಂದ ಬಂದ ಮೌಲ್ಯಗಳು.”
^ ಅಥವಾ “ಅನಾದಿ ಕಾಲದಿಂದಾನೇ.”
^ ಅಥವಾ “ಪ್ರಸವವೇದನೆಯಿಂದ ನನ್ನನ್ನ ಹುಟ್ಟಿಸಿದಾಗ.”
^ ಅಕ್ಷ. “ವೃತ್ತವನ್ನ.”
^ ಅಥವಾ “ನಿಲುವು ಪಟ್ಟಿ.”
