Li gora hesabê Teşkîleta Saxlemiyêye Hemdinyayê ya 23 Gulanê, sala 2022, ji bo nexweşiya COVID-19, 6.27 mîlyon meriv mirin e. Lê nûçeyêda ya 5 Gulanê, sala 2022 hatibû gotinê, wekî Teşkîleta Saxlemiyêye Hemdinyayê elam kiriye, ku hesabê hejmara merivên ku ji bo COVID-19 mirin e, diha zêde ye. Vê nûçeyêda dihate gotinê, wekî nava salên 2020 û 2021-da, “hejmara yên mirî ku raste-rast pê COVID-19 yan jî bi sebebiya vê mirin e . . . weke 14.9 mîlyon e”. Gelo Kitêba Pîrozda derheqa derdekî usa giran tiştek hatiye nivîsarê?

•    Îsa pêxembertî kiribû, wekî “rojên axiriyê” nexweşiyên hal wê hebin, dêmek pandemiya (Lûqa 21:11; 2 Tîmotêyo 3:1).

 Pêxembertiya Îsa rojên meda tê sêrî. Seva ku hê zêde pêbihesin, binihêrin gotar “Gelo Çi ye ‘Nîşana Rojên Axiriyê’?”

•    “Bavê dilşewatiyê û Xwedêyê hemû berdiliyê. Ew nava hemû telî-tengiyada dil dide ber me” (2 Korintî 1:3, 4).

 Gelekên ku merivên xweye nêzîk unda kirine dilbîniyê ji sozên Kitêba Pîroz distînin. Hê zêde pêbihesin ji wan gotara “Ça Teyax kin Mirina Merivê Nêzîk” û “Alîkariya Baş Bona Wan, yên ku Merivên Xwe Unda Kirine”.

•    “Padşatiya te bê, emirê te be, çawa li ezmên, usa jî li ser erdê” (Metta 6:10).

 Zûtirekê “Padşatiya Xwedê” wê usa bike ku “tu rûniştiyê li wir nebêje: ‘Ez nexweş im’” (Marqos 1:14, 15; Îşaya 33:24, ÎM). Seva ku pêbihesin wekî çi ye serwêrtiya ezmanî û ew wê çi bike, binihêre vîdêo “Çi ye Padşatiya Xwedê?”

 Em we teglîf dikin hê zêde derheqa Kitêba Pîroz pêbihesin, seva ku hûn û malbeta we bikaribin ji soz û şîretên wêye bîlanî karê bistînin.