Vê derecê bide ber çevê xwe: Alêks xemgîn bûye. Ewî hertim baweriya xwe Xwedê û efirandinê dianî. Lê îro mektebêda dersdarê bîolojiyayê digot, wekî êvolûsiya ew bi rastî rêalî ye û her tişt bi zandariyê hatiye îzbatkirinê. Alêks naxwaze bêaqil bê kifşê. Alêks xwexa xwera dibêje: “Axiriya-axiriyê hergê zandar îzbat kirine, wekî êvolûsiya rast e, dêmek ez kê me, wekî himberî wan derêm?”

Bi nihêrandina we, Alêks gerekê baweriya xwe êvolûsiyê bîne, tenê ji bo wê yekê, ku kitêbêda ew çawa îzbatkirin hatiye nivîsar ê?

Meriv tiştekî bawer dikin, lê ewana heta xilaziyê nikarin fem bikin çira wê yekê bawer dikin.

• Hine meriv baweriya xwe efirandinê tînin, tenê ji bo wê yekê, ku dêrêda wana usa hîn kirine.

• Hine meriv baweriya xwe êvolûsiyê tînin, tenê ji bo wê yekê, ku mektebêda wana usa hîn kirine.

Kitêba Pîrozda tê gotinê: “Femdarî ye, her malek bi destê yekî tê çêkirinê, lê yê her tişt efirandiye, Xwedê ye” (Îbranî 3:4). Gelo bawerkirina wê yekê bîlanî ye?

MERIV DIBÊJIN: Her tişt gerdûnêda bi saya teqandina mezin hatiye çêkirinê.

MERIV DIBÊJIN: Însanet ji heywana pêşda hatiye.

MERIV DIBÊJIN: Êvolûsiya ew fakta îzbatkirî ye.

“Hergê hûn nava mêşeda bivînin maleke bedew, gelo hûnê usa bifikirin: ‘Ça bedew e! Darên bax usa ketin, wekî maleke bedew çêbû’. Hemikî hûnê usa nefikirin, çimkî ew ne logîkî ye. Lê çira em gerekê bifikirin, wekî her tiştên ser erdê bi xwe hatiye çêkirinê” (Cûliya).

“Diqewime kesek tera gilî dike, wekî îdarekêda kîderê kitêba neşir dikin, tiştek teqiya û ji bo wê yekê hubir belayî ser dîvar bû û usa ferengok hate sazkirinê. Gelo tuyê ewê yekê bawer kî?” (Gwên).

Kitêba Pîroz me hêlan dike, hiş-aqilê xwe bidine xebatê (Romayî 12:1). Ew yek tê hesabê, wekî baweriya te hindava Xwedê gerekê ne ser hîmê wan tişta be

• ÊMOSIYA (Ez texmîn dikim, wekî wêderê qewata jorin gerekê hebe)

• HUKUMÊ MERIVA (Ez wêderê dijîm, kîderê meriv baweriya xwe Xwedê tînin)

• NIHÊRANDINA MERIVA (Ez malbeta bawermendda mezin bûme û çi minra gotine, ez wê jî bawer dikim)

Dewsê baweriya te gerekê ser hîmê zanebûna rast be.

“Çaxê dersdarê me mektebêda gilî dike, çawa bedena meriva dixebite, wî çaxî ez dudilî nabim, wekî Xwedê heye. Her endemên bedena me, hela hê ya lape biçûk jî, rola xwe tîne sêrî, wî çaxî jî gava em ne jî haş pê hene. Bedena me bi rastî jî gelek ecêbmayî hatiye çêkirinê!” (Têrêza).

“Çaxê ez dibînim avayên terikî, gemiyên mezin yan ereba, ez pirsê didime xwe: ‘Kê ew her tişt çêkir?’ Mesele, tenê hosteyê lapî baş dikare erebê bi temamî çêke, çimkî seva ku erebe bixebite, lazim e her tiştên hûr jî navda bê çêkirinê. Hergê seva çêkirina erebê lazim e hosteyê baş, dêmek çi em dikarin bêjin derheqa çêkirina meriva!” (Rîçard).

“Min çiqas kûr zandarî lêkolîn dikir, haqas hê kêm dibû baweriya min hindava êvolûsiyayê . . . . ‘Bawerî’ diha zêde lazim e, seva êvolûsiyayê bawer kî, ne ku, haqas bawerî lazim e, seva Efirandar bawer kî” (Êntonî).

Zandar bi deha sala lêkolîn dikin û hela hê nehatine ser nêtekê hindava şirovekirina êvolûsiyê. Rast e zandar gerekê diha zêde bizanibin derheqa rastiya êvolûsiyê, lê hergê ewana hê nehatine ser nêtekê, dêmek çira tu gerekê wê yekêda bawer bî?