DERSA 18
Mesîhiyên Rast Kî ne?
Bi mîlyarda meriv xwe hesab dikin Mesîhî. Lê hînkirin û prînsîpên wan ji hev cude dibin. Gelo em çawa dikarin têderxin, Mesîhiyên rast kî ne?
1. Çi tê hesabê Mesîhî?
Mesîhî tê hesabê şagirt yan jî peyçûyên Îsa Mesîh (Bixûne Karên Şandiya 11:26.) Lê ewana ça îzbat dikin, wekî şagirtên Îsa ne? Îsa got: “Heger hûn ser hînkirina min bimînin, hûnê rast şagirtên min bin” (Yûhenna 8:31). Dêmek ev tê hesabê, wekî Mesîhiyên rast gerekê li gora hînkirinên Îsa bijîn. Îsa li ser hîmê Nivîsarên Pîroz hîn dikir, lema jî hînkirinên Mesîhiyên rast ser hîmê Kitêba Pîroz in (Bixûne Lûqa 24:27.)
2. Mesîhiyên rast ça hizkirinê didine kifşê?
Îsa gote şagirtên xwe: “Hevdu hiz bikin, çawa ku min hûn hiz kirin” (Yûhenna 15:12). Îsa ça da kifşê wekî şagirtên xwe hiz dike? Ewî wedê xwe tevî wan xerc dikir, ewana hêlan dikirin û alîkarî dida wan. Îsa hela hê emirê xwe jî bona wan da (1 Yûhenna 3:16). Mesîhiyên rast jî mîna Îsa derheqa hizkirinê ne ku tenê dibêjin, lê hê zêde dikin. Ewana bi gotin û kirên xwe didine kifşê, ku hevdu hiz dikin.
3. Mesîhiyên rast çi şixulî dikin?
Îsa şixulekî ferz da şagirtên xwe. Ewî “ew şandin, ku Padşatiya Xwedê dannasîn kin” (Lûqa 9:2). Mesîhiyên qirna yekê ne tenê ciyên hebandina xweda xizmet dikirin, lê usa jî ciyên ku gelek meriv hebûn û mal bi mal (Bixûne Karên Şandiya 5:42; 17:17.) Îro jî Mesîhiyên rast hemû ciya, kîderê ku meriv hene, rastiya ji Kitêba Pîroz bela dikin. Ewana hemû meriva hiz dikin, lema jî bi dil wede û qewata xwe xerc dikin, seva mizgîniya Kitêba Pîroz ya ku hêviyê û dilbîniyê dide, merivara gilî kin (Marqos 12:31).
KÛR LÊKOLÎN KE
Bifikire ku tu ça dikarî têderxî firqiya orta Mesîhiyên rast û wan meriva, yên ku pey hînkirinên Îsa naçin û çev nadine wî.
4. Ewana rastiya Kitêba Pîroz qîmet dikin
Mesîhiyên qirna yekê Xebera Xwedê qîmet dikirin
Hine meriv dibêjin wekî ewana Mesîhî ne, lê hesab nakin ku ferz e rastiya Kitêba Pîroz emirê xweda bînin sêrî. Vêxe VÎDÊO, û paşê evê pirsê şêwir ke:
-
Ça tu difikirî, Mesîhiyên rast çida cude dibin?
Îsa rastiya ji Xebera Xwedê hîn dikir. Bixûne Yûhenna 18:37, û paşê evê pirsê şêwir ke:
-
Li gora gotinên Îsa, em ça dikarin têderxin wan Mesîhiya, yên ku “aliyê rastiyê” ne?
5. Ewana rastiya Kitêba Pîroz meriva hîn dikin
Mesîhiyên qirna yekê mizgînî bela dikirin
Pêşiya ku Îsa biçûya li ezmana, ewî şixuleke ferz da peyçûyên xwe û ew şixul heta îro berdewam dibe. Bixûne Metta 28:19, 20 û Karên Şandiya 1:8, û paşê evê pirsê şêwir ke:
-
Mizgîniya xêrê heta kîderê gerekê bihata belakirinê?
6. Ewana li gora rastiya Kitêba Pîroz dijîn
Çi merivekî bi navê Tom da bawerkirinê, ku ewî ew meriv dîtine, yên ku bi rastî Mesîhî ne? Vêxe VÎDÊO, û paşê van pirsa şêwir ke:
-
Çima Tom ji rêlîgiyayê eciz bû?
-
Çi wî da bawerkirinê, ku ewî rastî dîtiye?
Şixul diha ferz e ne ku gotin. Bixûne Metta 7:21 û paşê evê pirsê şêwir ke:
-
Bona Îsa çi diha ferz e, kirên me yan giliyên me?
7. Ewana hevdu hiz dikin
Mesîhiyên qirna yekê hevdu hiz dikirin
Gelo Mesîhî bi rastî hazir in emirê xwe bona hev bidin? Vêxe VÎDÊO, û paşê van pirsa şêwir ke:
-
Çi Loyd hêlan kir, wekî bona birê Cohansin emirê xwe bike bin qeziyê?
-
Tu ça difikirî, kirê wî da kifşê ku ew Mesîhî ye?
Bixûne Yûhenna 13:34, 35, û paşê van pirsa şêwir ke:
-
Şagirtên Îsa, dêmek Mesîhiyên rast hindava miletên dinda gerekê çawa bin?
-
Ewana wedê şer gerekê ça xwe bidine kifşê?
HINE MERIV DIBÊJIN: “Mesîhiya haqas tiştên zulm kirine, rêlîgiya wan ça dikare rast bê hesabê?”
-
Tu kîjan rêzê dikarî bidî xebatê, wekî bidî kifşê ku Mesîhiyên rast kî ne?
TEMAMKIRIN
Mesîhiyên rast li gora hînkirinên Kitêba Pîroz dijîn, hizkirinê didine kifşê, û rastiya Kitêba Pîroz bela dikin.
Wekilandin
-
Hînkirinên Mesîhiyên rast ser hîmê çi ne?
-
Mesîhiyên rast bi kîjan hunurî eyan dibin?
-
Mesîhiyên rast kîjan şixulê ferz dikin?
HÊ ZÊDE PÊBIHESE
Pêbihese derheqa wan meriya, yên ku ji aliyê xweda hemû tiştî dikin, wekî çev bidine Îsa û hînkirinên wî.
Pêbihese ku xizmetkara dêrê çawa rastî dît.
“Wana pê Kitêba Pîroz Cabên Hemû Pirsa Dan!“ (“Birca Qerewiliyê”, 1 Nîsanê, 2014)
Pêbihese ku ça Mesîhiyên rast hindava hevda hizkirinê didine kifşê.
“Wedê Teşqelên Tebiyetê Alîkariyê Didin Xûşk-Bira”; Parek (3:57)
Pêbihese ku ça Mesîhiyên îroyîn mîna Mesîhiyên qirna yekê eyan dikin, wekî ewana peyçûyên Îsa ne.
“Mesîhiyên Rast bi Çi Eyan in?“ (“Birca Qerewiliyê”, 1 Adarê, 2012)
Dibeke Wera Hewas be
PIRSÊN GELEK MERIYA
Çi Tê Hesabê Kûrsa Hînbûna Kitêba Pîroz Tevî Şedên Yehowa?
Wedê kûrsa bêpere tevî Şedên Yehowa, tu dikarî vê welgerandina Kitêba Pîroz bidî xebatê kîjan tu dixwazî. Tu dikarî aza nefer û hevalên xwe jî teglîfî ser hînbûnê kî.
