1. Yehowa Xaliqê me ye,

em jê re heyran in.

Hemû eserên destê wî

çi xweş û bedew in!

Hilma heyatê ji wî ye,

em pesnê wî didin.

Tenê ew hêja ye ku em gişt

ji wî re xizmet bikin.

2. Gava Îsa hat dinyayê

li gor emrê Xweda,

ew hazir bû ku pêk bîne

daxwaza Yehowa.

Piştî ku Îsa bin av bû

ew êdî bû Mesîh.

Heta mirinê ew sadiq ma,

wî karê xwe anî cih.

3. Niha em hatine ber te,

serê xwe xwar dikin.

Em hazir in ku emrê xwe

teslîmî te bikin.

Bi hezkirineke mezin,

te Kurê xwe daye.

Bi xwîna wî te em kirîne,

em aîdî te bûne.