Жийин пʹешкʹешәкә ԛимәт ә. Әԝ кӧ чаԝа әм һәр рʹож әве пʹешкʹеше дьдьнә хәбатә, дьдә кʹьфше кӧ чьԛас әм әв ԛимәт дькьн. Әм Шәʹдед Йаһоԝа фәрәсәтед хԝә дьдьнә хәбате, кӧ һӧрмәт-румәт кьн Йаһоԝа, чьмки әԝ Жийиндаре мә йә (Зб. 36:9; Әʹнт. 4:11). Ле хәмед һәр рʹожи дь ве дьнийа зӧлмда, дькарьн һеса дина мә жь тьштед рʹӧһʹани дәрбази тьштед дьн кьн (Мԛ. 4:18, 19). Ләма жи ԝе баш бә кӧ һәр кәс жь мә хԝә бьпьрсә: «Әз бь рʹасти тьштед лапи баш дьдьмә Йаһоԝа?» (Һс. 14:2). Чаԝа хәбата мьн һʹӧкӧм дькә сәр хьзмәта мьн Йаһоԝарʹа? Чь нетед мьнә рʹӧһʹани һәнә? Чаԝа әз дькарьм хьзмәтеда һе зедә бькьм? Һәрге дьвини кӧ тьштәкида тӧ гәрәке даһа щерʹьбанди би, Йаһоԝарʹа бона аликʹарийе дӧа бькә у хԝә бьгӧһезә. Бе шьк һәрге әм һәр рʹож пәсна дьдьнә Йаһоԝа, әм жийина хԝәда ләзәте дьвиньн у бәхтәԝар дьбьн! (Зб. 61:8)

БЬНЬҺЕРʹӘ ВИДЕО «ФӘРӘСӘТЕ ХԜӘ БОНА ЙАҺОԜА БЬДӘ ХӘБАТЕ», У ЩАБА ԜАН ПЬРСА БЬДӘ:

• Чьма нәаԛлани йә фәрәсәтед хԝә бьдьнә дьнйа Шәйтʹан? (1 Йн. 2:17)

• Кʹижан кʹәрәм ԝе бьстиньн әԝ мәрьв, йед кӧ тьштед лапи баш дьдьнә Йаһоԝа?

• Чаԝа хьзмәтеда, тӧ дькари фәрәсәтед хԝә бьди хәбате?