Мәһа Мьждареда, әме дьһа зедә мәщала бьдьнә хәбате, ԝәки мьзгине бәла кьн кӧ дьнйа хԝәш незик ә (Зб. 37:10, 11; Әʹнт. 21:3-5). Графика хԝәда гӧһастьна бькә, ԝәки бь тʹәмами ве кампанйайеда кʹар бьки. Һәгәр тӧ сафи ки ве мәһеда ча пешәнге ԝәʹдәлу хьзмәт ки, тӧ дькари бьжбери 30 йан жи 50 сьһʹәти хьзмәт ки.

Рʹеза жь Кʹьтеба Пироз дәрһәԛа дьнйа тʹәзә һазьр кә у чьԛас дәсте тә те тʹәви гәләк мәрьва шеԝьр кә. Гава тӧ рʹез дьжбери, бьфькьрә кӧ мьһала тәда кʹижан рʹез ԝе дьһа дьле мәрьва бьгьрә. Һәгәр ԝәʹде сәрледана пешьн мәрьв гӧһ бьдә тә, һьнге ԝирʹа «Бьрща Ԛәрәԝьлийе» йа № 2 сала 2021, бьһелә. Паше, сәва кӧ һе зедә һʹәԝаса ԝи пешда бе, ԝәʹдәда сәрледана ԝи бькә у һинбуна Кʹьтеба Пироз пе брошура «Ша бә Жийинерʹа Һʹәта-Һʹәтайе!» тʹәви ԝи дәстпекә. Шабунәкә чьԛас мәзьн ә кӧ әм дькарьн «мьзгинийа ԛәнщийе» мәрьварʹа гьли кьн! (Иш. 52:7)

БЬНЬҺЕРʹЬН КʹЬЛАМА БЬ ВИДЕО «ДЬНЙА ТʹӘЗӘ НЕЗИК Ә», У ПАШЕ ЩАБА ԜАН ПЬРСА БЬДЬН:

• Кәчʹька бьчʹук кʹижан дьнйакә хԝәш дьдә бәр чʹәʹве хԝә?

• Тӧ илаһи һивийа кʹижан кʹәрәмед дьнйа тʹәзә йи?

• Фькьрандьна сәр һевийа баш чь щурʹә дькарә али тә бькә кӧ дьле хԝә һазьр ки, ԝәки мәһа Мьждареда бь хирәт кампанйайеда кʹар бьки? (Лԛ. 6:45)