Нав тʹәмамийа дьнйайеда дәԝләтада тʹәвльһәвбун пешда тен. Һәла һе ԝан ԝәлатада жи, йед кӧ ԛәԝи тенә кʹьфше, әʹдьлайи тʹӧнә жь бо проблемед политики, протестед алийе щьмәʹтеда у бьжартьна сәрԝерада.

 Кʹьтеба Пирозда те готьне, ԝәки сәрԝертикә ӧса һәйә, кӧ тʹьме ԛәԝи дьминә. Дьбәкә ԝә бьһистийә дәрһәԛа ве сәрԝертийе. Чахе Иса һин дькьр кӧ ча дӧа бькьн, әԝи ви дӧайида бәʹса ве сәрԝертийе кьр.

•   «Һун аһа дӧа бькьн: ‹Баве мәйи әʹзмана, бьра наве тә пироз бә. Бьра Пʹадшатийа тә бе. Бьра ԛьрара тә чаԝа ль әʹзмен, ӧса жи ль сәр рʹуйе әʹрде бе сери›» (Мәтта 6:9, 10).

 Гәло Кʹьтеба Пироз дәрһәԛа ве Пʹадшатийе чь дьбежә?

 Әв Пʹадшати жь әʹзмен сәрԝертийе дькә.

•   Иса ве сәрԝертийе нав кьр «Пʹадшатийа әʹзмана» (Мәтта 4:17; 5:3, 10, 19, 20). Ләма жи әԝи гот: «Пʹадшатийа мьн нә жь ве дьнйайе йә» (Йуһʹәнна 18:36).

 Әв Пʹадшати ԝе дәԝса һʹәму сәрԝертийа мәрьва бьгьрә.

•   Кʹьтеба Пироз дьбежә: «Әв пʹадшати . . . ԝе әԝан һʹәму пʹадшатийа һурдәхԝәши кә у кʹӧта кә, ле хԝәха ԝе һʹәта-һʹәтайе бьминә» (Данийел 2:44, ДТʹ).

 Әв Пʹадшати у Пʹадше ве Иса Мәсиһ, ԝе тʹӧ щар кʹӧта нәбьн.

•   Кʹьтеба Пироз дьбежә: «Сәрԝертийа ԝи сәрԝертикә һәр-һәйи йә у пʹадшатийа ԝи ԝе тʹӧ щара һьлнәшә» (Данийел 7:13, 14, ИМ).

 Пʹадшати ԝе әʹдьлайи у бехофийе бинә сәр әʹрде.

•   Кʹьтеба Пироз дьбежә: «Ԝе һәр кәс бьн меԝа [бәред] хԝәда у бьн даре хԝәйи һежиреда рʹунен у йе кӧ ԝан бьтьрсинә тʹӧнә бә» (Миха 4:4).

 Чахе Иса сәр әʹрде бу, әԝи һʹәчʹи зәʹф ԝәʹде хԝә сәр бәлакьрьна «мьзгинийа Пʹадшатийе» хәрщ дькьр (Мәтта 9:35). Әԝи ӧса жи пʹехәмбәрти кьр:

•   «Әв мьзгинийа Пʹадшатийе ԝе сәр тʹәмамийа дьнйайе бе бәлакьрьне, кӧ һʹәму мьләтарʹа бьбә шәʹдәти, у һьнге хьлази ԝе бе» (Мәтта 24:14).

 Иро мьзгинийа хере дәрһәԛа Пʹадшатийе, 240 ԝәлатада те бәлакьрьне. Әм ԝә һелан дькьн һе зедә дәрһәԛа ве сәрԝертийе пебьһʹәсьн у ӧса жи ча һун дькарьн жь ве сәрԝертийе кʹаре бьстиньн.

 Жь кʹәрәма хԝә бьньһерʹьн видеойа бь наве Чь йә Пʹадшатийа Хԝәде?