ҺʹЬШЙАР БЬМИНЬН!
Зордари Политикайеда—Кʹьтеба Пироз Чь Дьбежә?
Мәрьв нав тʹәмамийа дьнйайеда хәмгин дьбьн жь бо зордарийе кӧ политикайеда дьԛәԝьмә.
Мексикеда ԝәʹде бьжартьна йа салед 2023-2024, 39 әндәмед политикайе һатьнә кӧштьне у зордари бь щурʹед дьн жи ԛәԝьмин, жь бо чь жи тьрс кʹәтә дьле мәрьва.
Әԝропайеда ԝан пашԝәхтийа чәнд щара политикайеда зордари ԛәԝьми, мәсәлә 15 Гӧлане, сала 2024 хԝәст ьн сәрокԝәзире Словакйайе бькӧжьн.
Бьнәлийед Дәԝләтед Йәкбуйи зьравԛәтанди бун жь бо ве йәке, кӧ 15 Илоне сала 2024 президенте ԝанә бәре Доналд Трамп, щʹара дӧда хԝәст ьн бькӧжьн.
Чьма һаԛас зордари политикайеда дьԛәԝьмә? Гәло кʹәнге әв йәк ԝе хьлаз бә? Кʹьтеба Пироз чь дьбежә?
Пʹехәмбәртийа дәрһәԛа мьԛабьлибуна политикайеда
Кʹьтеба Пирозда һатьбу пʹехәмбәртикьрьне кӧ рʹожед мәда, йед кӧ тенә навкьрьне ча «рʹожед ахьрийе», хәйсәт-һʹӧнӧред гәләк мәрьва ԝе ӧса хьраб бә, ԝәки мьԛабьлибуне у зордарийе пешда бинә.
«Рʹожед ахьрийеда зәманед хьраб ԝе бен. Мәрьве бьбьнә . . . бешекьр, һʹәрам, . . . берʹәʹм, . . . зӧлмкʹар, . . . нәмам, щӧләʹт, хԝәрʹази» (2 Тимотʹейо 3:1-4).
Кʹьтеба Пирозда ӧса жи һатьбу пʹехәмбәртикьрьне, кӧ мәрьв ԝе мьԛабьли дәԝләте дәред у ԝи ԝәʹдәйи политика ԝе тʹәвльһәв бә (Луԛа 21:9). Ле диса жи әв йәк, ԝе һʹәта-һʹәтайе нәкʹьшинә.
Хьлазийа зордарийа политики
Кʹьтеба Пирозда те готьне, ԝәки Пʹадшатийа Хԝәде йа кӧ ль сәр әʹзмана йә, ԝе дәԝса һʹәму пʹадшатийед мәрьва бьгьрә.
«Хԝәдайе әʹзмана ԝе пʹадшатийе кʹьфш кә . . . Әԝ ԝе әԝан һʹәму пʹадшатийа һурдәхԝәши кә у кʹӧта кә, ле хԝәха ԝе һʹәта-һʹәтайе бьминә» (Данийел 2:44, ДТʹ).
Пʹадшатийа Хԝәде ԝе мәрьва бькә йәк у әʹдьлайе сәр әʹрде пешда бинә.
Сәрԝере ве Иса Мәсиһ, те навкьрьне «Мире Әʹдьлайе», у әԝе ӧса бькә кӧ «хьлазийа әʹдьлайе ԝе тʹӧнә бә» (Ишайа 9:6, 7, ДТʹ).
Бьнәлийед ве пʹадшатийе ида ньһада һин дьбьн ча әʹдьлайеда бьжин. Кʹьтеба Пироз ӧса дьбежә: «Әԝана ԝе жь шуред хԝә гисьна чекьн у жь рʹьмед хԝә жи мәԛәсед рʹәзвана. Мьләт ԝе шур һьлнәкʹьшинә сәр мьләт, у әԝана тʹӧ щар ԝе һин нәбьн кӧ шәрʹ кьн» (Ишайа 2:3, 4, ДТʹ).
Сәва кӧ һе зедә пебьһʹәсьн, бьхуньн готара бь наве «Пʹадшатийа Хԝәде ԝе Чь Бькә?» у бьньһерʹьн видео бь наве Чь йә Пʹадшатийа Хԝәде?
Дьбәкә Wәрʹа Һʹәwас бә
БЬРЩА QӘРӘWЬЛИЙЕ
Пʹадшатийа Хԝәде ԝе Чь Бькә?
Иса заньбу, ԝәки тʹәне Пʹадшатийа Хԝәде дькарә һʹәму проблемед инсанәте сафи кә. Пʹадшатийа Хԝәде ида чь кьрийә кӧ баԝәрийа мә ԛәԝи кә?
ҺʹЬШЙАР БЬМИНЬН!
Мәрьв Итʹбарийа Хԝә Һьндава Сәрԝеред Политикайе Ӧнда Дькьн—Кʹьтеба Пироз Дәрһәԛа Ве Йәке Чь Дьбежә?
Кʹьтеба Пироз мә һелан дькә, фәсал бьн һьндава ԝе йәке, кӧ әм итʹбарийа хԝә кʹе тиньн у ӧса жи мәрʹа дьбежә, кӧ бона ахьрийа баш әм дькарьн итʹбарийа хԝә кʹе биньн.
ҺʹЬШЙАР БЬМИНЬН!
Гәло Чьма жь бо Политикайе Һаԛас Тʹәвльһәвбун Пешда Тен?—Кʹьтеба Пироз Дәрһәԛа Ве Йәке Чь Дьбежә?
Сәр тʹәмамийа дьнйайе тʹәвльһәвбунед политики пешда тен. Кʹьтеба Пирозда те готьне дәрһәԛа сәрԝерәки, йе кӧ ԝе йәктийе нава мәрьвада пешда бинә.
БЬРЩА QӘРӘWЬЛИЙЕ
Хԝәде Кʹе Бьжартийә Чаԝа Рʹебәр?
ТʹЕМЕД ДЬН
Һевийа Баш бона Рʹожа Сьбе
Чьма созед кӧ Кʹьтеба Пирозда ньвисар ьн, щӧдә дьбьн жь созед кӧ мәрьв дьдьн?
ҺИНКЬРЬНЕД КʹЬТЕБА ПИРОЗ
Дәстпекьн Курса Һинкьрьне
Дәрбаз бә курса һинкьрьна Кʹьтеба Пирозә бепʹәрә тʹәви кәсе кӧ дькарә али тә бькә.
