Ль Гора Мәтта 1:1-25
1 Кʹьтеба дәрһәԛа жийина* Иса Мәсиһ,* кӧрʹе Даԝьд, кӧрʹе* Бьраһим:
2 Бьраһим баве Исһаԛ бу.Исһаԛ баве Аԛуб бу.Аԛуб баве Щьһуда у бьред ԝи бу.
3 Щьһуда баве Перес у Зәраһ бу, ле дийа ԝан Тʹамар бу.Перес баве Һәсрун бу.Һәсрун баве Рʹам бу.
4 Рʹам баве Аминадаб бу.Аминадаб баве Нәһшон бу.Нәһшон баве Салмон бу.
5 Салмон баве Боԝаз бу, ле дийа Боԝаз Рʹәхаб бу.Боԝаз баве Обед бу, ле дийа Обед Рʹутʹ бу.Обед баве Йеша бу.
6 Йеша баве Даԝьд пʹадша бу.
Даԝьд баве Сьлеман бу, у дийа Сьлеман пешийе жьна Урийа бу.
7 Сьлеман баве Рʹәһобоԝам бу.Рʹәһобоԝам баве Әбийа бу.Әбийа баве Аса бу.
8 Аса баве Йәһошәфат бу.Йәһошәфат баве Йәһорам бу.Йәһорам баве Узийа бу.
9 Узийа баве Йотам бу.Йотам баве Аһаз бу.Аһаз баве Һьзԛийа бу.
10 Һьзԛийа баве Мьнашә бу.Мьнашә баве Амон бу.Амон баве Йошийа бу.
11 Йошийарʹа, Йәхонийа у кӧрʹед дьн бун. Ԝи чахи, Щьһу дилти бьрьнә Бабилоне.
12 Паши бьрьна ԝанә ль Бабилоне, Йәхонийарʹа Шалтийел бу.Шалтийел баве Зәрубабәл бу.
13 Зәрубабәл баве Абийуд бу.Абийуд баве Елийаким бу.Елийаким баве Азор бу.
14 Азор баве Садок бу.Садок баве Ахим бу.Ахим баве Елйуд бу.
15 Елйуд баве Елйазар бу.Елйазар баве Мәтан бу.Мәтан баве Аԛуб бу.
16 Аԛуб баве Усьве мере Мәрйәме бу. Мәрйәмерʹа жи Иса бу, йе кӧ жерʹа Мәсиһ те готьне.
17 Демәк жь Бьраһим һʹәта Даԝьд 14 ньсьл бун. Жь Даԝьд һʹәта дилтийа ль Бабилоне 14 ньсьл бун. У жь дилтийа ль Бабилоне һʹәта Мәсиһ 14 ньсьл бун.
18 Буйина Иса Мәсиһ ӧса бу: Дийа ԝи Мәрйәм дәргистийа Усьв бу. Ле пешийа кӧ әԝана бьзәԝьщийана у бьгьһиштана һәв, әԝ бь сайа рʹӧһʹе пироз* һʹәмлә дәркʹәт.
19 Ле чьмки мере ԝе Усьв мәрьвәки ԛәнщ* бу у нәдьхԝәст ԝе бәр хәлԛе бькә рʹобәт, фькьри кӧ дьзикава ле бәрʹдә.
20 Чахе Усьв сәр ве йәке кʹур фькьри, мәләке Йаһоԝа* хәԝнеда ԝирʹа хӧйа бу у ӧса гот: «Усьве кӧрʹе Даԝьд! Нәтьрсә кӧ дәргистийа хԝә Мәрйәме бьстини у бьви мала хԝә. Чьмки әԝ бь сайа рʹӧһʹе пироз һʹәмлә йә.
21 Әԝе кӧрʹәки бинә, у тӧ гәрәке наве ԝи дайни Иса,* чьмки әԝе щьмәʹта хԝә жь гӧнед ԝан хьлаз кә».
22 Әв һәр тьшт ӧса ԛәԝьми, ԝәки готьна Йаһоԝа кӧ әԝи бь пʹехәмбәре хԝә готьбу, бе сери:
23 «Ва ԛиза бькʹьр ԝе һʹәмлә бә у кӧрʹәки бинә, у ԝе наве ԝи дайньн Имануйел», чь кӧ те һʹәсабе: «Хԝәде тʹәви мә йә».
24 Усьв жь хәԝе рʹабу, у чаԝа кӧ мәләке Йаһоԝа ԝирʹа готьбу, әԝи дәргистийа хԝә жьнти ани мала хԝә.
25 Ле Усьв тʹәви ԝе рʹанәза һʹәта ԝерʹа кӧрʹ бу. У әԝи наве зарʹе дани Иса.
Спартьн
^ Йан «рʹькʹьнйат».
^ Йан «йе бьжарти».
^ Хәбәра Йунани «кӧрʹ» дькарә бе һʹәсабе «зӧрʹәт», у хәбәра «бав» дькарә бе һʹәсабе кал-бав.
^ Демәк ԛәԝата Хԝәде.
^ Рʹастә-рʹаст «мәрьвәки һәԛ».
^ Ньвисаред Йунанида ве ԝәлгәрʹандьнеда наве Йаһоԝа 237 щара һатийә ньвисаре, у әва щара пешьн ә.
^ Наве Иса бь Ибрани «Йешуа» йан «Йошуа» йә, чь кӧ те һʹәсабе «Йаһоԝа Хьлазкʹар ә».
