Мастурбасийа тьштәки зийандар ә у алийе рʹöһʹанида ль сәр мәрийа хьраб һʹöкöм дькә. Жь бо wи хәйсәтәки хьраб мәрьв дьбә хwәһʹьз, у һьм жи ньһерʹандьн у фькьред wи жи хьраб дьбә. * Кʹи кö һини мастурбасийе дьбә, ль сәр мәрийа öса дьньһерʹә ча ль сәр кәсед бь кʹижана кö әw дькарә хwәстьне хwәйә сексуали бинә сери. Бона мәрьве öса һәләqәтийа сексуали ида һʹьзкьрьнева гьредайи нинә, секс бона wи дьбә чаwа рефлекс, у әwи тʹьре кö секс бона wе йәке йә wәки мәрьв ве моменте рʹьһʹәт бә. Мастурбасийа хwәстьнед öса ча «бенамусийе, һʹәрамийе, тәме хьраб» нә кö дькöжә, ле пешда тинә (Колоси 3:5).

Паwлосе шанди гьлийе öса гот: «Дәлално, дә әм хwә жь һʹәму кʹьретийа qальб у рʹöһʹе хwә паqьж кьн у бь хофа Хwәде лап бöһöрти-жьбарә бьн» (2 Корьнтʹи 7:1). Һәрге тәрʹа чәтьн ә ль гора wан гьлийа бьжийи, дьлтәнг нәбә. Йаһоwа тʹьме һазьр ә бьбахшинә мә у али мә бькә (Зәбур 86:5; Луqа 11:9-13). Һәрге дьле тә, тә сущдар дькә, у тö qәwате дьди хәбате wәки әwи хәйсәте хьраб тʹәрк бьди, демәк тö сәр рʹийа рʹаст и. Öса жи бира хwәда хwәй кә wәки «Хwәде жь дьле мә мәстьр ә у һәр тьшти занә» (1 Йуһʹәнна 3:20). Хwәде нә кö тʹәне гöне мә дьвинә, ле öса жи дьле мә. Чьмки әw дәрһәqа мә һʹәму тьшти занә, чахе әм бь дöа-дьрозга тʹобә  дькьн, әw һазьр ә рʹәʹма хwә бьде кʹьфше. Чахе тьштәк те сәре зарʹ әw дьчә бәрбь баве хwә у аликʹарийе дьхwазә, öса жи әм гәрәке бь дьл у мьлукти Хwәдерʹа дöа бькьн. Wи чахи Йаһоwа wе тә кʹәрәм кә у исафа тә жи wе тʹәмьз бә (Зәбур 51:1-12, 17; Ишайа 1:18). Ле тö әʹсәйи гәрәке ль гора дöайед хwә бьжийи. Соз мәсәлә, тö гәрәке хwә хwәй ки жь һʹәму щурʹә порнографийа, у жь һәвалтийа хьраб дур би. *

Һәрге тö нькари wи хәйсәти тʹәрк бьди, wи чахи тö дькари аликʹарийе бьхwази жь де-баве хwәйи кö Мәсиһи нә, йан жи жь һәваләки хwәйи рʹöһʹанида qәwи (Мәтʹәлок 1:8, 9; 1 Тʹесалоники 5:14; Тито 2:3-5). *