Хьзмәткʹаре Дәлал, йе кö Йаһоwа һʹьз дьки!

Иса гот: «Һуне рʹастийе нас кьн у рʹастийе wә аза кә» (Йуһʹәнна 8:32). Әва гьлийа чьqас мә дьлгәрм дькә! Бәле, әм дькарьн рʹастийе пебьһʹәсьн һәла һе ван «рʹожед ахьрийеда» жи, чахе дәрәw у нәһәqи һʹәму дәра бәләбуйи йә (2 Тимотʹейо 3:1). Те бира тә, чахе тә щара пешьн рʹастийа Хәбәра Хwәде qәбул кьр, тә шабунәкә ча сьтанд?

Рʹаст ә гәләк фәрз ә кö занәбуна рʹастийе бьстиньн у тʹьме әʹлами мәрьвед майин жи бькьн, ле öса жи гәләк фәрз ә бьжин анәгори ве рʹастийе. У сәва wе йәке лазьм ә wәки әм хwә нава һʹьзкьрьна Хwәдеда хwәй кьн. Чь дькʹәвә нава wе йәке? Щаба wе пьрсе әм дькарьн пебьһʹәсьн жь гьлийе Иса. Әw шәва кö Иса wе бьмьра, әwи шагьртед хwәйи амьнрʹа гот: «Һәгәр һун тʹәмийед мьн хwәй кьн, һуне һʹьзкьрьна мьнда бьминьн, чаwа кö мьн тʹәмийед Баве хwә хwәй кьрьн у һʹьзкьрьна wида дьминьм» (Йуһʹәнна 15:10).

Иса нава һʹьзкьрьна Хwәдеда ма, чьмки тʹәмийе Баве хwә хwәй дькьр. Сәва кö әм хwә нава һʹьзкьрьна Хwәдеда хwәй кьн, мәрʹа лазьм ә һәр рʹож анәгори рʹастийе бьжин. Wе шәве Иса öса жи гот: «Һәгәр һун ве йәке заньн, һуне хwәзьли бьн гава бьqәдиньн» (Йуһʹәнна 13:17).

Әм баwәр ьн, кö әва кʹьтеба wе али тә бькә wәки һәртʹьм бьжийи анәгори рʹастийе у бь wи щурʹәйи хwә нава һʹьзкьрьна Хwәдеда хwәй ки. У әw йәк wе тәрʹа жийина һʹәта-һʹәтайе бинә (Щьһуда 21).