Дәрса 8
Чьр′а Хԝәде Дьһелә, ԝәки Зӧлми у Кӧл-Дәрд Һәбьн?
Хԝәде сәрк′артийа мәрийа һаԛас ԝә′дә һишт, чьԛас кӧ лазьм бу сәва кӧ ә′йан бә, ԝәки мәрьв нькарьн проблемед мәрийа сафи кьн
1. Ча зӧлми пешда һат?
Зӧлми ль сәр ә′рде пешда һат, чахе Шәйт′ан дәрәԝа пешьн кьр. Сәре-серида Шәйт′ан мьлйак′әтәки беԛӧсур бу, ле әԝи хԝә дь р′астийеда нәгьрт (Йуһ′әнна 8:44). Әԝи тьштәки ӧса хԝәст, кӧ т′әне Хԝәде һежайи ве йәке бу, әԝи хԝәст кӧ һәр кәс ԝир′а ԛӧльх кә, нә кӧ Хԝәдер′а. Шәйт′ан жьна пешьн Һеԝа хапанд, у ӧса кьр кӧ Һеԝайе гӧр′а ԝи кьр, нә кӧ гӧр′а Хԝәде. Адәм жи дь ве гӧр′анәкьрьнеда т′әви Һеԝайе бу йәк. Әв кьред Адәм, пешда ани чәрчьрандьн у мьрьн. Бьхунә Дәстпебун 3:1-6, 19.
Бь ԝе йәке кӧ Шәйт′ан һелан да Һеԝайе гӧр′а Хԝәде нәкә, Шәйт′ан мьԛабьли Хԝәде дәрк′әт у изьна Хԝәде сәрк′артийе бькә кьрә бьн шьке. Паши ве йәке гәләка инк′ар кьр сәрк′артийа Хԝәде у бь ве йәке т′әви Шәйт′ан бунә йәк. Ӧса Шәйт′ан бу «сәрԝере ве дьнйайе». Бьхунә Йуһ′әнна 14:30; 1 Йуһ′әнна 5:19.
2. Дь ә′фьринед Хԝәдеда кемаси йан ԛӧсур һәбу, йан на?
Һ′әму кьред Хԝәде бекемаси у беԛӧсур ьн. Хԝәде мәри у мьлйак′әт ӧса ә′фьрандьнә, ԝәки әԝана бькарьбьн бь беԛӧсуртийе гӧр′а ԝи бькьн (Ԛануна Дӧщари 32:4, 5). Ле Хԝәде ӧса жи әм бь азабуна бьжартьне ә′фьрандьнә, ԝәки әм хԝәха бьжберьн ԛәнщийе бькьн йане хьрабийе. Әв азабуна бьжартьне мәщале дьдә мә, ԝәки әм һ′әзкьрьна хԝә һьндава Хԝәде к′ьфш кьн. Бьхунә Аԛуб 1:13-15; 1 Йуһ′әнна 5:3.
3. Чьр′а Хԝәде һишт кӧ һ′әта иро кӧл-дәрд һәбьн?
Йаһоԝа Хԝәде һишт ԝәки мьԛабьлийа һьндава сәрк′артийа ԝи, йе кӧ дь бахче Адәнеда дәстпебу, диса һьнәк ԝә′дә дьреж бә. Ле гәло чьр′а? Сәва кӧ бе к′ьфше, ԝәки сәрк′артийа бейи ԝи нькарә к′аре мәрийар′а бинә (Ԝаиз 7:29; 8:9). Паши ве йәке 6 000 сал дәрбаз бун, у жь т′әрихийа дьнйайе әшкәрә дьбә кӧ сәрк′аред дьнйайе нькарьн шәр′, зӧлми, нәһәԛи йан жи нәхԝәшийе бьдьн һьлдане. Бьхунә Йерәмйа 10:23; Р′омайи 9:17.
Бәле сәрк′артийа мәрийа нькарә к′аре бинә мәрийар′а, ле сәрк′артийа Хԝәде ида к′аре тинә ԝан мәрийар′а, к′и кӧ әве сәрк′артийе ԛәбул дькә (Ишайа 48:17, 18). Зутьрәке Хԝәде ԝе һ′әму сәрк′артийед дьнйайе к′ӧтакә. К′и кӧ хԝәр′а сәрк′артийа Хԝәде жьбартийә, т′әне әԝ ԝе бьбьнә хԝәйе ә′рде (Ишайа11:9). Бьхунә Данийел 2:44.
Бьжартьна мә әшкәрә дькә, ԝәки әм дьхԝазьн кӧ сәрк′аре мә Хԝәде бә
4. Бь сайа сәбьркьрьна Хԝәде әм чь дькарьн бькьн?
Шәйт′ан шәр′ авитә ль сәр һ′әмуйа, кӧ т′ӧ кәс бек′ар Хԝәдер′а ԝе ԛӧльх нәкә. Ле тӧ дьхԝази избат ки, кӧ әв йәк дәрәԝ ә? Бәле, тӧ дькари әве йәке бьки! Бь сайа сәбьркьрьна Хԝәде, ԝә′де мә һәр кәси һәйә кӧ нишан кьн к′ижан сәрк′артийе әм дьжберьн, сәрк′артийа Хԝәде йане йа мәрийа. Әв йәк дь ә′мьре мәда ԝе р′ьнд бе к′ьфше. Бьхунә Ибо 1:8-12; Мәт′әлок 27:11.
5. Ча әм дькарьн ча сәрк′аре хԝә бьжберьн Хԝәде?
Әм дькарьн бьжберьн сәрк′артийа Хԝәде, һәгәр әм жь Хәбәра Хԝәде демәк К′ьтеба Пироз, һин бьн ча р′аст Хԝәде бьһ′әбиньн, у паше әве занәбуне дь ԛӧльхкьрьнеда бьдьн хәбате (Йуһ′әнна 4:23). Ӧса жи әм дькарьн инк′ар кьн сәрк′артийа Шәйт′ан, һәгәр әм ч′ә′в бьдьнә Иса Мәсиһ у нәк′әвьнә нав шьхӧлед политике у шәр′кьрьне. Бьхунә Йуһ′әнна 17:14.
Шәйт′ан иро ԛәԝата хԝә дьдә хәбате, ԝәки тьштед һ′әрам, бенамуси у хьраб, мәр′а ӧса бьдә к′ьфше ча тьштед баш. Һәгәр әм т′әрка ԝан шьхӧлед хьраб бьдьн, дьбәк жи һәвал йан бьра-пьсмамед мә, ль сәр мә бьк′әньн, йан жи пьшта хԝә бьдьнә мә (1 Пәтрус 4:3, 4). Ле әм гәрәке сафи кьн: Әм т′әви ԝан мәрийа к′и кӧ Хԝәде һ′әз дькьн, һәвалтийе бькьн? Әм гӧр′а ԛанунед Хԝәдейә аԛлайи у бь һ′әзкьрьн бькьн? Р′аст ә чәтьнайи дькарьн һәбьн, ле һәгәр әм ӧса бькьн, әме избат кьн ԝәки гьлийед Шәйт′ан кӧ т′ӧ кәс дь нав чәтьнайада ԝе гӧр′а Хԝәде нәкә, дәрәԝ ә. Бьхунә 1 Корьнт′и 6:9, 10; 15:33.
Хԝәде ԝе ә′сәйи һ′әму зӧлмийе у чәрчьрандьне бьдә һьлдане, чьмки әԝ мәрийа һ′әз дькә. К′и кӧ әԝе йәке баԝәр дькә у баԝәрийа хԝә жи әшкәрә дькә, ԝе ль сәр ә′рде һ′әта-һ′әтайе бьжи. Бьхунә Йуһ′әнна 3:16.
