Тә ԛә мәрьве хԝәйи незик ӧнда кьрийә? Һәрге әре, дьбәкә ԝи ԝәʹде чәтьн у гьранда әван пьрса рʹьһʹәти нәданә тә: Гәло паши мьрьне чь дьԛәԝьмә? Гәло әме бькарьбьн диса ԝана бьвиньн? Ве дәрседа у дәрса дьнда, тӧйе пебьһʹәси кӧ Кʹьтеба Пироз ча щаба ван пьрса дьдә, у тӧйе дьлбиникә мәзьн бьстини.

1. Гәло паши мьрьне чь дьԛәԝьмә?

Иса мьрьн бәрамбәри хәԝа кʹур кьр. Мәрьве кӧ хәԝа кʹурда нә, һаш пе тʹӧнә кӧ дор-бәре ԝи чь дьԛәԝьмә. Әм мьрьне чьда дькарьн бәрамбәри хәԝе кьн? Чахе мәрьв дьмьрә, әԝ ида нә еше тʹәхмин дькә, нә жи тʹәнебуне. Кʹьтеба Пирозда те готьне: «Мьри тьштәки ньзаньн» (Бьхунә Ԝаиз 9:5.)

2. Занәбуна рʹастийа дәрһәԛа мьрийа, ча али мә дькә?

Гәләк мәрьв жь мьрьне у һәла һе жь мьрийа жи дьтьрсьн. Һәрге әв тьрс бал тә жи һәйә, тӧ дькари дьлбинийе бьстини жь ԝе йәке, чь кӧ Кʹьтеба Пирозда те готьне. Иса гот «рʹастийе ԝә аза кә» (Йуһʹәнна 8:32). Гәләк религийа һин дькьн ԝәки чахе мәрьв дьмьрә, рʹӧһʹ йан нәфса ԝи бәрдәԝам дькә бьжи, ле Кʹьтеба Пироз ве йәке һин накә. Демәк тʹӧ кәс паши мьрьне начәрчьрә. Мьри нә жи дькарьн зийане бьдьнә мә, чьмки һаш тьштәки тʹӧнә нә. Ләма жи нәлазьм ә мьрийа бьһʹәбиньн у нә жи лазьм ә бона ԝан дӧа бькьн.

Һьнә мәрьв баԝәр дькьн, ԝәки әԝана дькарьн тʹәви мьрийа хәбәр дьн. Ле әв тьшт нәрʹаст ә, чьмки ча әм пеһʹәсийан «мьри тьштәки ньзаньн». Әԝед кӧ дьфькьрьн ԝәки әԝана тʹәви мьрийед хԝә хәбәр дьдьн, бь рʹасти әԝана тʹәви щьна хәбәр дьдьн, йед кӧ хԝә дькьнә дьлԛе мьрийед ԝан. Ләма жи занәбуна рʹастийа дәрһәԛа мьрийа, мә жь щьна хԝәй дькә. Йаһоԝа мәрʹа пешда дәрһәԛа ве йәке готийә, чьмки занә ԝәки бь ԝи щурʹәйи щьн дькарьн зийане бьдьнә мә (Бьхунә Ԛануна Дӧщари 18:10-12.)

3. Рʹастийа дәрһәԛа һʹале мьрийа

Нав тʹәмамийа дьнйайе баԝәрийа мәрьва дәрһәԛа һʹале мьрийа, щурә-щурә йә. Һәмьки жь ван баԝәрийа һʹәму рʹаст ниньн.

• Щийе тӧ дьжийи, дәрһәԛа һʹале мьрийа кʹижан баԝәри бәлабуйи йә?

 4. Рʹастийа дәрһәԛа мьрьне мәрʹа кʹаре тинә

Занәбуна рʹастийа дәрһәԛа мьрийа, мә жь тьрсе аза дькә. Бьхунә Ԝаиз 9:10, у паше әве пьрсе шеԝьр кә:

• Гәло мьри дькарьн зийане бьдьнә мә?

Рʹастийа Кʹьтеба Пироз мә аза дькә жь ԝе дәрәԝийе, кӧ йан чь сәва ԛәдьре мьрийа бьзаньбьн, гәрәке әʹсә әʹйд-ԛәйда биньн сери. Бьхунә Ишайа 8:19 у Әʹйанти 4:11, у паше әве пьрсе шеԝьр кә:

• Тӧ ча дьфькьри, Йаһоԝа чь сәр хԝә тʹәхмин дькә, чахе мәрьв мьрийа дьһʹәбинә у аликʹарийе жь ԝан дьхԝазә?

5. Рʹастийа дәрһәԛа мьрийа һевийе дьдә мә

Гәләк мәрьв дьфькьрьн кӧ чахе әԝана бьмьрьн, ԝе бона кьред хԝәйә хьраб бьчәрчьрьн. Ле әм дьлбиникә мәзьн дьстиньн жь занәбуна ве йәке, кӧ тʹӧ мәрьв паши мьрьне начәрчьрә, чьԛас жи гӧне ԝан гьран бә. Бьхунә Рʹомайи 6:7, у паше әве пьрсе шеԝьр кә:

• Кʹьтеба Пирозда те готьне, ԝәки паши мьрьне мәрьв жь гӧне хԝә аза дьбә. Ль гора ве йәке, тӧ ча дьфькьри, мәрьв дькарә паши мьрьне бьчәрчьрә жь бо гӧне хԝәйи бәре?

Әм чьԛас Йаһоԝа рʹьнд нас дькьн, һаԛас әм һе зедә избат дьбьн, кӧ тьште ӧса ԝе тʹӧ щар нәԛәԝьмә ԝәки Хԝәде мьрийа бьчәрчьринә. Бьхунә Ԛануна Дӧщари 32:4 у 1 Йуһʹәнна 4:8, у паше ван пьрса шеԝьр кә:

• Ль гора ԝан рʹеза, Хԝәде пе һʹӧнӧред хԝәйи ӧса баш, дькарә мәрьва паши мьрьне бьчәрчьринә?

• Рʹастийа дәрһәԛа мьрийа дьлбинийе дьдә тә? Шьровәкә.

 ТʹӘМАМКЬРЬН

Чахе мәрьв дьмьрә, әʹмьре ԝи дьсәкьнә, әԝ иди нажи. Ләма жи мьри начәрчьрьн, нә жи дькарьн зийане бьдьнә мәрьва.

Ԝәкʹьландьн

• Паши мьрьне чь дьԛәԝьмә?

• Рʹастийа дәрһәԛа һʹале мьрийа чь кʹаре дьдә мә?

• Рʹастийа дәрһәԛа мьрийа ча дьлбинийе дьдә мә?