Бьбахшини, те һʹәсабе һьм хәйде жь дьле хwә дәрхи, һьм жи һʹәму һәстед кӧ хәйдева гьредайи нә. Бахшандьн найе һʹәсабе wәки тӧ кьред wийи нәрʹастрʹа qайил би, йан qә һьлнәди һʹәсаб, йан жи хwә ӧса кʹьфш ки, тебежи тьштәк нәqәwьмийә.

ПРИНСИПА КʹЬТЕБА ПИРОЗ: «Ль һәв сәбьр кьн у ль һәв бьбахшиньн, һәгәр газьне йәки ль һьндава йәкида һәбә» (Колоси 3:13).

Аарон дьбежә: «Чахе тӧ кәсәки һʹьз дьки, тӧ дина хwә нади кемасийед wи, ле дәwсе тӧ һʹӧнӧред баш нав wида дьвини у тӧ ӧса жи дьвини, wәки әwана ча сәр хwә дьхәбьтьн, wәки бьбьнә мәрьвнә баш».

Һәрге тӧ хәйде дьле хwәда хwәй дьки, әв йәк дькарә алийе физикида у емосийалида зийане бьдә тә. Әw ӧса жи дькарә зәwаща тә бькә бьн qәзийе.

Жулйа дьбежә: «Щарәке чахе мере мьн бона тьштәки жь мьн бахшандьн хwәст, әве йәке әз гәләк дьлтәнг кьрьм. Чьмки мьнрʹа зәʹф чәтьн бу бьбахшиньмә wи. Һәмьки ахьрийе мьн бахшандә wи, ле пашә әз пʹошман дьбум, кӧ дәрберʹа мьн нәбахшандә wи. Әв йәк ча барәки гьран бу нав һәләqәтийа мәда».

ХWӘ БЬЩЕРʹЬБИНӘ

Щарәкә дьн чахе мер йан жьна тә бь гьли у кьред хwә, тә бьдә хәйдандьне, һьнге пьрса бьдә хwә:

• «Дьбә кӧ әз гәләк хәйдок ьм?»

• «Гава мьн дьдьнә хәйдандьне әз һивийе мә, кӧ бахшандьне жь мьн бьхwазьн йан әз гәрәке бир кьм?»

ТʹӘВИ МЕР ЙАН ЖЬНА ХWӘ ШЕWЬР КӘ

• Хәйда мә чьqас wәʹдә дькʹьшинә?

• Чь әм гәрәке бькьн, кӧ дәрберʹа һәвдӧ бьбахшиньн?

ШИРӘТ

• Чахе тӧ дьхәйиди, һьнге бона мер йан жьна хwә, хьраб нәфькьре.

• Бьхәбьтә кӧ кьред щотед хwә бьбахшини у бир нәкә, кӧ «әм һʹәму жи гәләки шашийа дькьн» (Аqуб 3:2).

Кимберли дьбежә: «Һеса йә бьбахшини чахе һәрд жи нәһәq ьн, ле кʹәнге йәк жь wә нәһәq ә ида пʹьрʹ чәтьн ә, бахшандьне qәбул ки у хwәха жи бьбахшини. Бона wе йәке мьлукти лазьм ә».

ПРИНСИПА КʹЬТЕБА ПИРОЗ: «Рʹеда тʹәви wи зу ль һәв wәрә» (Мәтта 5:25).