Хԝәгьртьн те һʹәсабе

• бькарьби хԝә зәфт ки

• емосийед хԝә контрол ки

• шьхӧле хԝә бини сери

• бәре пешьн бона һʹәԝщед мәрийа хәм бьки

Зарʹед кӧ дькарьн хԝәгьртьне бьдьнә кʹьфше, накʹәвьнә бәр байе хәлԛе һәла һьнге жи, гава әв йәк гәләк дина ԝан дькʹьшинә бәр бь хԝә. Ле кʹижанарʹа кӧ чәтьн ә хԝәгьртьне бьдьнә кʹьфше,

• һерс дькʹәвьн

• дькʹәвьнә депресийайе

• дәстпедькьн щьхаре бькʹьшиньн, ичке вәдьхԝьн у наркотикайе дьдьнә хәбате

• хԝәрьна нәбаш дьхԝьн

Ль гора леколинәке һатә кʹьфше, ԝәки әԝед кӧ жь бьчʹуктайе хԝәгьртьне дьдьнә кʹьфше, гава мәзьн дьбьн, проблемед ԝан һьндьк ьн. Әԝана бьнәлийед гӧһдар ьн у сьһʹәта ԝан жи баш ә. Ль сәр һʹиме ве леколине, Зандар Анщела Дакԝортʹ жь Заньнгәһа Пәнсилванйайе, ӧса гот: «Хԝәгьртьн тʹӧ щар бадиһәԝа нинә».

Бьра готьна ԝә на бьбә на.

ПРИНСИПА КʹЬТЕБА ПИРОЗ: «Бьра готьна ԝә бьбә ‹бәле-бәле› йан жи ‹на-на›» (Мәтта 5:37).

Щарна гава зарʹ дьхԝазьн тьштәки ԛазанч кьн, дәстпедькьн бәр гьшка бькьнә ԛажини у бьгьрин. Бона де-бава әв дькарә бьбә щерʹьбандьн, чьмки де-бав һәрге һьнге ль гора хԝәстьна зарʹе бькьн, әԝе бьфькьрә, кӧ ԝе тʹьме һеса чь бьхԝазә, бьстинә.

Хенщи ԝе йәке, һәрге ве дәрәщеда готьна де-бава на дьбә на, ӧса зарʹ һин дьбә ԝәки әԝе нькарьбә тʹьме ԝе йәке бьстинә, чь кӧ дьхԝазә. Псикʹолог Девид Ԝолш дь кʹьтеба хԝәда ӧса ньвисийә: «Тьштәкә әʹщеб ә, ле бь рʹасти әԝе кӧ хԝәгьртьне дьдә кʹьфше дьһа бәхтәԝар ә, нә кӧ әԝе кӧ нькарә хԝә бьгьрә. Чахе һʹәму хԝәстьнед зарʹа найньн сери, ӧса әм ԝи һин дькьн, кӧ һәр тьшт ԝе ԝирʹа нәйе стандьн». *

Гава һәр хԝәстәкед зарʹе найньн сери, әв йәк дькарә али ԝи бькә, ԝәки чахе мәзьн бә бькарьбә  хԝәгьртьне бьдә кʹьфше. Мәсәлә, һәрге кәсәк бьхԝазә наркотикайе бьдә ԝи, йан жи ԝи һелан кә кӧ бенамусийе бькә, жь бо чь жи әԝ дькарә зийане бьдә хԝә у йед дьн, әԝе бькарьбә нәкʹәвә бәр байе ԝан у хԝә ԛайим бьгьрә.

Али зарʹа бькә фәʹм бькьн, кӧ кьред ԝан чь ахьрийе пәй хԝә тинә.

ПРИНСИПА КʹЬТЕБА ПИРОЗ: «Чьмки мәрьв чь дьчинә, ԝе жи дьчьнә» (Галати 6:7).

Зарʹ гәрәке фәʹм бькә, кӧ кьред ԝи дькарә йан ахьрийа хьраб йан жи ахьрийа баш пәй хԝә бинә. Ләма жи гава мәрьв нькарә хԝәгьртьне бьдә кʹьфше, әв йәк проблема дькарә ԝирʹа бинә. Мәсәлә, һәрге кӧрʹе тә зу һерс дькʹәвә, мәрьв ԝе хԝә жь ԝи дур бьгьрьн. Ле һәрге әԝ һин бә дәрәщед чәтьнда хԝә бьгьрә у сәбьре бьдә кʹьфше, һьнге ԝе мәрийа хԝәш бе тʹәви ԝи һәвалтийе бькьн. Зарʹерʹа бьдә кʹьфше, кӧ һәрге әԝ хԝәгьрти бә, әԝе бькарьбә хԝә жь гәләк проблема дур бьгьрә.

Зарʹа һин кә, ԝәки фәʹм бькьн чь нә тьштед фәрз.

ПРИНСИПА КʹЬТЕБА ПИРОЗ: «К′ижан һәрә ԛәнщ ә, һун ԝе бьбьжерьн» (Филипи 1:10).

Хԝәгьртьн нә тʹәне аликʹарийе дьдә, кӧ хԝә жь тьштед хьраб хԝәй кьн. Әв ӧса жи те һʹәсабе кӧ шьхӧле хԝә һʹәта хьлазийе биньн сери һьнге жи, гава әв шьхӧл гәләк мә хԝәш найе. Ләма жи әм гәрәке зарʹед хԝә һин кьн, ԝәки тедәрхьн чь йә дьһа фәрз у бәри пешьн хԝә ль тьштед фәрз бьгьрьн. Мәсәлә, пешийе бьра зарʹ дәрсед хԝә бькә, ижа паше хԝәрʹа һеса бә.

Мәсәләки баш бә бона зарʹа.

ПРИНСИПА КʹЬТЕБА ПИРОЗ: «Мьн нәхшәк нишани ԝә кьр, ԝәки чаԝа мьн бона ԝә кьр, һун жи ӧса бькьн» (Йуһʹәнна 13:15).

Зарʹ дьвиньн ԝәки чаԝа һун дәрәщед чәтьнда хԝә дьдьнә кʹьфше. Бь рʹабун-рʹуньштьна хԝә ԝанарʹа әʹйан кьн, ԝәки гава хԝәгьртьне дьдьнә кʹьфше, әв йәк ахьрийа баш тинә. Соз мәсәлә, гава зарʹ һерса ԝә рʹадькә, һун дәрбера ԛайим һерс дькʹәвьн, йан хԝәгьртьне дьдьнә кʹьфше?