Әԝ гьли һәваләкә Биби жерʹа гот. Бибийе гәләк баве хԝә һʹьз дькьр у һәвала ԝе пе ԝан гьлийа, нә кӧ ԝе дьлрʹьһʹәт кьр, ле һе зедә дьлбьриндар кьр. Бибийе һьше хԝәда дьгот, «мьрьна баве мьн, нә тьштәки баш бу». Пәй салара әԝе дәрһәԛа ве йәке кʹьтеб ньвиси у жь кʹьтеба ԝе әʹшкәрә дьһатә кʹьфше, ԝәки әԝ диса жи шина баве хԝә дькә у дьлтәнг ә.

Анәгори Биби, чахе мәрьв кәсәки хԝә ӧнда дькьн, ԝанарʹа гәләк сал лазьм ә, сәва кӧ дьлтәнгийа ԝан дәрбаз бә, илаки һәрге әԝана һәврʹа незик бун. Дь Кʹьтеба Пирозда сәр мьрьне те готьне «дьжмьне хьлазийе» (1 Корьнтʹи 15:26). Чахе кәсәк дьмьрә, әв жийина мә дьлтәнг дькә у тʹӧ тьшт нькарә әв бьдә сәкьнандьне. Әм жи нькарьн жь ве йәке хԝә хьлаз кьн. Ләма жи һәрге ԝәʹде дьлтәнгийа, әм ньзаньн чь бькьн, әв тьштәки нормал ә.

Дьбәкә һун дьфькьрьн: ‹Чьԛас ԝәʹдә лазьм ә, сәва кӧ дьлтәнгийа мьн дәрбаз бә? Чаԝа тәйах кьм? Чаԝа әз дькарьм дьлбинийе бьдьмә ԝан мәрийа, йед кӧ кәсәки ӧнда кьрьнә? Гәло әзе диса мьрийед хԝә бьвиньм?›