Те бира ԝә Геил, дәрһәԛа кʹижани кӧ мә дь ԝан готарада дьгот? Әԝе баԝәр нәдькьр кӧ ԝе бькарьбә мьрьна мере хԝә тәйах кә. Ле ньһа әԝ бь шабун ль ахьрийе дьньһерʹә у һивийа дьнйа тʹәзә йә, кӧ Хԝәде соз дьдә. Чьмки бь сайа ве йәке, әԝе бькарьбә диса мере хԝә Роберт бьвинә. Әԝ дьбежә: «Готьнәкә жь Ньвисаред Пироз гәләк мьн хԝәш те. Әв Әʹйанти 21:3, 4 йә, кʹидәре кӧ ньвисар ә: ‹Хԝәде хԝәха жи ԝе тʹәви ԝан бьминә, чаԝа Хԝәдейе ԝан. Әԝе жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун›».

Геил дьбежә: «Әв готьн һʹәму тьшти әʹйан дькә. Бь рʹасти жи гӧне мьн ԝан мәрийа те, йед кӧ мәрьвед хԝәйә незик ӧнда кьрьнә у йед кӧ ньзаньн дәрһәԛа созе Хԝәде, ԝәки ԝе бькарьбьн диса ԝана бьвиньн». Геил ль гора баԝәрийа хԝә дьжи у бь рʹәзәдьли шьхӧле пешәнгийе дькә. Әԝ мәрийарʹа гьли дькә дәрһәԛа созед Хԝәде у ԝе ахьрийе, кʹидәре кӧ «иди мьрьне тʹӧнәбә».

Дьбәкә һуне бежьн: ‹Баԝәр накьм!›. Ԝәрен әм дәрһәԛа Ибо шеԝьр кьн. Әԝ бь нәхԝәшикә гьран нәхԝәш бу (Ибо 2:7). Рʹаст ә Ибо һьзрәта мьрьна хԝә бу, ле әԝи йәкә баԝәр дькьр ԝәки ԛәԝата Хԝәде дьгьһиже кӧ ԝи ԝәгәрʹинә жийине. Әԝи бь баԝәрийе гьлийе ӧса гот: «Те гази мьн бьки, әзе жи щаба тә бьдьм. Те бира әʹфьрандьнед дәстед хԝә бьки» (Ибо 14:13, 15, ДТʹ). Ибо баԝәр дькьр кӧ Хԝәдайе ԝи, ԝе бира ԝи жи бькә у һьзрәт бә ԝи ԝәгәрʹинә жийине.

Зутьрәке, Хԝәде ԝе әве йәке сәва Ибо у мәрьвед дьнена бькә. Әԝана ԝе ԝәгәрʹьнә жийине, чахе әʹрд бьбә щьнәт (Луԛа 23:42, 43). Дь Кʹьтеба Пирозда, Кʹаред Шандийа 24:15-да те готьне, мәрьв ԝе «жь мьрьне рʹабьн». Иса жи мәрʹа дьбежә: «Ль ве йәке әʹщебмайи нәминьн, чьмки ԝәхт незик дьбә, кӧ һʹәмуйед тʹьрбада ԝе дәнге ԝи бьбьһен . . . рʹабьн» (Йуһʹәнна 5:28, 29). Ибо ԝе пʹе чʹәʹве хԝә бьвинә, кӧ чаԝа әв созе Хԝәде, ԝе бе сери. Әԝе мәщале бьстинә, сәва кӧ ԝәгәрʹә «рʹожед хԝәйи» щаһьлтийе (Ибо 33:24, 25). Әԝ йәк ӧса жи реали йә сәва ԝан мәрийа, йед кӧ ԛимәт дькьн у ԛәбул дькьн кʹьрина кӧ Хԝәде дабу.

Һәрге тә жи кәсәки хԝә ӧнда кьрийә, дьбәкә әв һʹәму тьштед готи нькарә бь тʹәмами еша дьле тә сьвьк кә. Ле һәрге тӧ бьфькьри дәрһәԛа созед Хԝәде, йед кӧ дь Кʹьтеба Пирозда ньвисар ьн, әв йәк ԝе баԝәрийа тә ԛәԝи кә у те бькарьби хԝә ԛайим бьгьри (1 Тʹесалоники 4:13).

Дьхԝази һе зедә пебьһʹәси кӧ чаԝа әм дькарьн дьлтәнгийа хԝәда тәйах кьн? Йан дьбәкә щәм тә пьрсәкә ӧса пешда те «Чьма Хԝәде дьһелә, ԝәки зӧлми у кӧл-дәрд һәбьн?» Жь кʹәрәма хԝә бькʹәвә малпәра мә, jԝ.org у бьвинә кӧ чаԝа Кʹьтеба Пироз дькарә бәрдьли бьдә мә у щабед пьрсед мә бьдә.