ИСА пʹехәмбәрти кьр, ԝәки шагьртед ԝи ԝе ԝан рʹожед ахьрийеда, жь гәләк нандьруне шабуне бьстиньн (Мәт. 9:37; 24:14). Дина хԝә бьдьне, чаԝа гьлийед ԝи бь щурʹәки мәхсус әʹйан бун Закарпатскайа Областеда, (Украин). Нава се шәһәред дор бәре ԝи щийи 50 щьват һәнә у 5 400 мьзгинвана зедәтьр. * Бь рʹасти һәрге ван се шәһәрада һәжмара мәрьва һʹәсаб кьн, дәрте кӧ жь 4 мәрьва 1 Шәʹде Йаһоԝа йә.

Ле чаԝа ԝан щийада хьзмәти дьчә? Бьраки мә бь наве Васили, гьли дькә: «Мәрьвед ԝьра ԛәдьре Кʹьтеба Пироз дьгьрьн, һәԛийе ԛимәт дькьн, тʹәви нәфәред хԝә незик ьн, у һʹәлал аликʹарийа һәвдӧ дькьн. Рʹаст ә әԝана һәр гав тʹәви баԝәрийа мә ԛайил ниньн, ле чахе жь Кʹьтеба Пироз ԝанрʹа тьштәки нишан дьки, әԝана рʹьнд гӧһ дьдьн».

Фәʹмдари йә ԝәки хушк-бьред ԝьра рʹасти һьнә чәтьнайа жи тен, чахе ԝи щийида хьзмәт дькьн кʹидәре һаԛас зәʹф мьзгинван һәнә. Мәсәлә, щьватәкеда 134 мьзгинван һәнә, ле мьһала ԝанда тʹәне 50 мал ьн. Ле чаԝа әԝ мьзгинван ве дәрәщеда хԝә дьдьнә кʹьфше?

Гәләк хушк-бьра дәстпекьрьн хьзмәт кьн ԝан щийада, кʹидәре һʹәԝщәти һәйә. Бьраки мә бь наве Йонаш, кӧ 90 сали йә, дьбежә: «Мьһала мәда мьзгинванәкирʹа 2 мал дькʹәвьн. Әз гӧнде хԝәда хьзмәт дькьм, ле һʹәта кӧ сьһʹәт-ԛәԝата мьн дьһа хьраб нәбьбу, мьн ӧса жи хьзмәт дькьр щики дьн, кʹидәре кӧ щьват тʹӧнә у 160 километр дур ә. Ԝедәре мьн сәр зьмане Һунгари мьзгини бәла дькьр». Мьзгинван сәва кӧ мьһалед дьнда аликʹарийе бьдьн, гәрәке ԛӧрбана бькьн, демәк һьнәки зәʹмәте бьвиньн. Йонаш дьбежә: «Сәва бьгьһижьмә трене, әз шәбәԛе сьһʹәта 4:00 рʹадьбум. Мьн ԝедәре мьзгини бәла дькьр һʹәта сьһʹәта 18:00, у диса пе трене дьчумә мала хԝә. Мьн һʹәфтекеда 2 йан 3 щара ӧса дькьр». Гәло Йонаш пʹошман буйә кӧ һаԛас щәфа кʹьшандийә? Әԝ дьбежә: «Ԝи щурʹе хьзмәтийеда мьн шабунәкә гәләк мәзьн станд. Дьле мьн ша дьбә кӧ ԝедәре мьн аликʹари да малбәтәке, ԝәки рʹастийе пебьһʹәсьн».

Фәʹмдари йә һʹәму мьзгинван жь ԝи щийи ԝе нькарьбьн ль щийед дур хьзмәт кьн. Ле әԝана һәр тьшти дькьн сәва мьһала хԝәда рʹьнд хьзмәт кьн. Бь сайа хирәта ԝан, сала 2017 сәр Евара Биранине жь ԝан се шәһәра мәрьв һаԛас тʹоп бьбун, кӧ ԝәкә дӧ щара жь мьзгинвана зедәтьр бун, демәк ниве бьнәлийед ԝан шәһәра һатьбун. Бәле, фьрԛи тʹӧнә әм кʹидәре хьзмәт дькьн, йәкә әм дькарьн «шьхӧле Хӧданда пешда һәрʹьн» (1 Корн. 15:58).