1. Чахе Иса бь кʹәрәмәти али Пәтрус кьр, әԝи чь сәр хԝә тʹәхмин кьр?

 ПӘТРУС тʹәмамийа шәве ԛә мәʹси нәгьрт. Иса жерʹа гот: «Ԛәйьке бьбә щийе кʹур у тʹорʹед хԝә бавежьнә нечʹире» (Луԛа 5:4). Пәтрус дӧдьли дьбу, ле диса жи гӧрʹа Иса кьр. Әԝи тʹәви мәʹсигьред дьн һаԛас мәʹси гьртьн, кӧ тʹорʹед ԝан дьԛәтийан. Гава ԝана фәʹм кьр, кӧ Иса кʹәрәмәт кьрийә әԝана гәләк әʹщебмайи ман. Пәтрус гот: «Хӧдан, дури мьн һәрʹә, әз йәки гӧнәкʹар ьм» (Луԛа 5:6-9). Ӧса те кʹьфше, кӧ Пәтрус хԝә һежа һʹәсаб нәдькьр, ԝәки кʹеләка Иса бә.

2. Чьрʹа керһати йә кӧ әм дина хԝә бьдьнә мәсәла Пәтрус?

² Пәтрус рʹаст гот, кӧ әԝ «йәки гӧнәкʹар» ә. Ван рʹезада те кʹьфше кӧ щара әԝ жь бо готьн у кьред хԝә пʹошман дьбу. Гәло тӧ жи щара хԝә ӧса тʹәхмин дьки? Гәло тӧ һьмбәри ԛьсур у кемасийед хԝә, йан жи хԝәстьнед нәрʹаст шәрʹ дьки? Һәрге әре, мәсәла Пәтрус дькарә бәрдьлийе бьдә тә. Һәла бьфькьрә: Кемасийед Пәтрус дькарьбун Кʹьтеба Пирозда нә жи бьһатана ньвисаре. Ле Йаһоԝа әԝ данә ньвисаре, ԝәки әм жь ԝан шашийед ԝи һин бьн (2 Тимотʹейо 3:16, 17). Пәтрус мәрьвәки мина мә бу. Жь мәсәла ԝи әме бьвиньн, кӧ Йаһоԝа беԛьсуртийе жь мә дәʹԝа накә. Әԝ дьхԝазә кӧ әм һьмбәри ԛьсур у кемасийед хԝә шәрʹ бькьн у тʹьме хирәт бьн.

3. Чьрʹа әм гәрәке хирәта хԝә ӧнда нәкьн?

³ Чьрʹа фәрз ә кӧ әм хирәт бьн? Чахе әм сәр тьштәки  дьхәбьтьн әм ве йәкеда дьбьнә һостә. Мәсәлә, сәва кӧ мәрьв бькарьбә бьбә сазбәндәки баш, жерʹа гәләк сал лазьм ә. Ԝәʹде һинбуне әԝ гәләк шашийа дькә, ле һәрге әԝ һәртʹьм ве йәкева мьжул бә, әԝе пешда һәрʹә. Һәрге әԝ бьбә һостә жи, дьбәкә әԝ щара шашийа бькә. Ле диса жи, әԝ бәрдәԝам дькә ве йәкеда пешда һәрʹә. Мина ве йәке, гава әм сәр кемасикә хԝә бьхәбьтьн у хԝә рʹаст кьн, дьбәкә әм диса ве шашийе бькьн. Ле әм хирәт дькьн кӧ бьгьһижьн нета хԝә. Әм щарна тьштәки дьбежьн йан дькьн у паше жи пʹошман дьбьн. Ле һәрге әм хирәта хԝә ӧнда нәкьн, Йаһоԝа ԝе али мә бькә кӧ әм пешда һәрʹьн (1 Пәтрус 5:10). Әме ньһа дина хԝә бьдьнә хирәта Пәтрус. Рʹаст ә кемасийед Пәтрус һәбун, ле йәкә Иса һьндава ԝида дьлован бу. Әв йәк дькарә дьле мә ԛәԝи кә, кӧ әм бәрдәԝам кьн Йаһоԝарʹа хьзмәт кьн.

4. Ль гора Луԛа 5:5-10, Пәтрус хԝә чаԝа һʹәсаб дькьр, ле Иса ча дьле ԝи рʹьһʹәт кьр?

⁴ Ньвисаред Пирозда найе готьне кӧ Пәтрус чьрʹа хԝә ча мәрьвәки «гӧнәкʹар» һʹәсаб дькьр (Бьхунә Луԛа 5:5-10). Ле дьԛәԝьмә әԝи һьнә шашийед гьран кьрьбун у ләма жи хԝә беԛимәт һʹәсаб дькьр. Иса һаш жь тьрса ԝи һәбу у заньбу, кӧ Пәтрус диса жи дькарә амьн бьминә. Ләма жи әԝи бь дьловани Пәтрусрʹа гот: «Нәтьрсә!» Готьнед Иса әʹмьре Пәтрус бь тʹәмами гӧһаст. Пәтрус у бьре ԝи Әндраԝьс шьхӧле мәʹсигьрийе һиштьн у пәй Мәсиһ чун (Маркос 1:16-18). Бона ве сафикьрьна хԝә, ԝана кʹәрәмед мәзьн стандьн.

5. Әв йәк кӧ Пәтрус тьрса хԝә алт кьр у пәй Иса дьчу, әԝи чь кʹәрәм станд?

⁵ Пәтрус ча пәйчуйе Мәсиһ, бу шәʹде гәләк кʹәрәмәта. Әԝи дит, кӧ Иса ча нәхԝәша ԛәнщ дькьр, щьна дәрдьхьст у һәла һе мьрийа жи рʹадькьр b (Мәтта 8:14-17; Маркос 5:37, 41, 42). Ӧса жи Пәтрусрʹа хәйаләк һатә дайине, кʹижанеда әԝи дит кӧ Иса ча Пʹадше Пʹадшатийа Хԝәде сәрԝертийе дькә. Пәтрус ве йәке тʹӧ щар бир нәдькьр (Маркос 9:1-8; 2 Пәтрус 1:16-18). Бәле, һәрге Пәтрус нәбуйа шагьрте Иса, әԝи әв тьшт ԝе ԛә нәдита. Бе шьк, Пәтрус гәләк ша бу кӧ әԝи фькьред хԝәйә негатив һьндава хԝәда алт кьр у әв һʹәму кʹәрәм дит!

6. Чь нишан дькә, ԝәки Пәтрус һьмбәри кемасийед хԝә шәрʹ дькьр?

⁶ Рʹаст ә Пәтрус гәләк кʹәрәмәт дитьн у  бьһистьн, ле диса жи әԝи һьмбәри ԛьсуред хԝә шәрʹ дькьр. Мәсәлә, Иса сәр хԝә гот, кӧ ль гора Ньвисаред Пироз, әԝе еше бькʹьшинә у бьмьрә. Сәр ве йәке Пәтрус жерʹа гот, кӧ әв йәк ԝе тʹӧ щар нәйе сәре ԝи (Маркос 8:31-33). Пәтрус у шагьртед дьн һәврʹа дькʹәтьнә дәʹԝе, кӧ кʹе нав ԝанда йе һәри мәзьн ә (Маркос 9:33, 34). Шәва пешийа мьрьна Иса, Пәтрус бь һерсе гӧһе мерәки жекьр (Йуһʹәнна 18:10). Һәма ве шәве, Пәтрус жь бо тьрса бәр мәрьва се щара гот, кӧ әԝ Иса нас накә (Маркос 14:66-72). Паше әԝ жь ԝедәре чу у кʹәлә-кʹәл гьрийа (Мәтта 26:75).

7. Паши мьрьна Иса, чь мәщал кʹәтә дәсте Пәтрус?

⁷ Ле Иса пьшта хԝә нәда шагьрте хԝәйә дьлшкәсти. Чахе Иса жь мьрьне рʹабу, әԝи мәщал да Пәтрус, кӧ әԝ һʹәзкьрьна хԝә ԝирʹа бьдә кʹьфше. Иса Пәтрусрʹа гот, кӧ әԝ бь мьлукти мьԛати бәрхед ԝи бә (Йуһʹәнна 21:15-17). Пәтрус әв йәк ԛәбул кьр. Рʹожа Пенщийе Һʹәсаб, әԝ Оршәлимеда бу у нав кәсед пешьнда бу, йед кӧ бь рʹӧһʹе пироз һатьнә кʹьфшкьрьне.

8. Ль Әнтакйайе, Пәтрус чь шашийа гьран кьр?

⁸ Чахе Пәтрус бу хьзмәткʹаре Хԝәде йе бьжарти, һьнге жи әԝи һьмбәри кемасийед хԝә шәрʹ дькьр. Сала 36 Д.М.-да, Хԝәде Пәтрус шандә щәм Корʹнелйо, йе кӧ нә Щьһу бу. Ԝедәре, Хԝәде Корʹнелйо бь рʹӧһʹе хԝәйи пироз бьжарт. Бь ве йәке Пәтрус фәʹм кьр, кӧ мәрьвед жь һʹәму мьләта бәр чʹәʹве Хԝәде йәк ьн, у әԝана жи дькарьн бьбьнә пʹара щьвата Мәсиһити (Кʹаред Шандийа 10:34, 44, 45). Паши ве йәке, Пәтрус тʹәви мәрьвед жь мьләтед дьн жи хԝарьн дьхԝар. Ле пешийа ве йәке, Пәтрус ԝе тьштәки ӧса ԛә нәкьра (Галати 2:12). Ԝи чахи, һьнә Мәсиһийед Щьһу дьфькьрин, ԝәки хушк-бьред Щьһу у йед жь мьләтед дьн, гәрәке тʹәвайи хԝарьне нәхԝьн. Гава һьнә жь ԝан Щьһуйа һатьнә Әнтакйайе, Пәтрус ида тʹәви хушк-бьред кӧ нә Щьһу бун, хԝарьн нәдьхԝар, чьмки нәдьхԝәст дьле Мәсиһийед Щьһу бешинә. Паԝлосе шанди әв дӧрʹутийа ԝи дит у бәр һʹәму мәрьва ширәт да ԝи (Галати 2:13, 14). Паши ви шашийе жи, Пәтрус бәрдәԝам дькьр бь хирәт хьзмәт кә. Гәло чь али ԝи дькьр?

9. Пәтрус амьнийа хԝә чаԝа нишан кьр? (Йуһʹәнна 6:68, 69)

⁹ Пәтрус йәки амьн бу. Әԝи изьн нәдьда тʹӧ тьшти, кӧ рʹийа ԝи бьгьрә пәй Иса һәрә. Щарәке, гава Иса тьштәк шагьртед хԝәрʹа гот у ԝана фәʹм нәкьр, ве дәме Пәтрус амьнийа хԝә нишан кьр (Бьхунә Йуһʹәнна 6:68, 69). Гәләк пәйчуйед Иса һивийа шьровәкьрьна гьлийед ԝи нәсәкьньн у пьшта хԝә данә ԝи чун. Ле Пәтрус ӧса нәкьр, чьмки әԝи заньбу, кӧ «готьнед жийина һʹәта-һʹәтайе» щәм Иса нә.

10. Иса ча нишан кьр, ԝәки итʹбарийа хԝә Пәтрус тинә? (Бьньһерʹә ӧса жи шькьл.)

¹⁰ Иса тʹәрка Пәтрус нәдьда. Шәва пешийа мьрьна хԝә, Иса заньбу ԝәки Пәтрус у шандийед дьн, ԝе ԝи бьһельн. Ле йәкә әԝ баԝәр бу, кӧ Пәтрус ԝе диса вәгәрʹә у амьн бьминә (Луԛа 22:31, 32). Иса фәʹм дькьр кӧ «рʹӧһʹ рʹази йә, ле бәдән сьст ә» (Маркос 14:38). Ләма жи чахе Пәтрус ле инкʹар кьр, Иса жь ԝи нәхәйди. Паши рʹабуна хԝә, Иса Пәтрусрʹа әʹйан бу у дьԛәԝьмә Пәтрус ԝи чахи тʹәне бу (Маркос 16:7; Луԛа 24:34; 1 Корьнтʹи 15:5). Бь ви щурʹәйи, Иса дьлбини да Пәтрус!

11. Иса ча Пәтрус да баԝәркьрьне, ԝәки Йаһоԝа ԝе бона ԝи хәм бькә?

 ¹¹ Иса Пәтрусрʹа гот, кӧ Йаһоԝа ԝе али ԝи бькә у бона ԝи хәм бькә. Паши рʹабуна жь мьрьне, Иса бь кʹәрәмәт али Пәтрус у шандийед дьн кьр, кӧ әԝана гәләк мәʹсийа бьгьрьн (Йуһʹәнна 21:4-6). Жь ве кʹәрәмәте, Пәтрус фәʹм кьр ԝәки Йаһоԝа ԝе һʹәму һʹәԝщед ԝи рʹази кә. Ԝи чахи, дьԛәԝьмә әв гьлийед Иса һатьнә бира ԝи: Йаһоԝа ԝе ԝан мәрьва бьбә хԝәйи, йед кӧ «бәре пешьн ль Пʹадшатийа Хԝәде бьгәрʹьн» (Мәтта 6:33). Ләма жи, Пәтрус пешийа һәр тьшти дина хԝә дьда хьзмәтийе, нә кӧ шьхӧле мәʹсигьрийе. Рʹожа Пенщийә Һʹәсаб сала 33 Д.М., әԝи али бь һʹәзара мәрьва кьр, кӧ әԝана мьзгинийе ԛәбул кьн (Кʹаред Шандийа 2:14, 37-41). Паше әԝи али Самәрйа у кәсед жь мьләтед дьн дькьр, кӧ әԝана бьбьнә хьзмәткʹаред Хԝәде (Кʹаред Шандийа 8:14-17; 10:44-48). Бәле, Йаһоԝа Пәтрус да хәбате, ԝәки мәрьвед жь һʹәму мьләта бьбьнә пʹара щьвата Мәсиһити.

12. Һәрге әм һьмбәри кемасийед хԝә шәрʹ дькьн, мәсәлә Пәтрус ча дькарә али мә дькә?

¹² Йаһоԝа дькарә али мә бькә, ԝәки әм бәрдәԝам кьн бь хирәт ԝирʹа хьзмәт кьн. Ле әв йәк дькарә һеса нибә, һәрге әм ида гәләк ԝәхт һьмбәри кемасикә хԝә шәрʹ дькьн. Щара дьбәкә ӧса те кʹьфше, ԝәки кемасийед мә жь йед Пәтрус мәзьнтьр ьн. Ле Йаһоԝа дькарә ԛәԝате бьдә мә, ԝәки әм дьлтәнг нәбьн (Зәбур 94:17-19). Мәсәлә, бьраки мә пешийа кӧ рʹастийе нас кьра, әԝ гәләк сал ча һомосексуал дьжит. Бь аликʹарийа Кʹьтеба Пироз, әԝи жийина хԝә бь тʹәмами гӧһаст. Ле диса жи, әԝи щара һьмбәри хԝәстьнед хԝәйә хьраб шәрʹ дькьр. Ле гәло чь али ԝи дькьр амьн бьминә? Әԝ дьбежә: «Йаһоԝа ԛәԝате дьдә мә. Бь сайа рʹӧһʹе пироз . . . мьн дит, ԝәки мәрьв дькарә бәрдәԝам кә сәр рʹийа рʹастийе бьминә. . . . Рʹаст ә, әз мәрьвәки гӧнәкʹар ьм, ле диса жи Йаһоԝа мьн ԛәԝи дькә у хьзмәтийеда дьдә хәбате».

13. Ль гора Кʹаред Шандийа 4:13, 29, 31, әм чаԝа дькарьн чʹәʹв бьдьнә Пәтрус? (Бьньһерʹә ӧса жи шькьл.)

¹³ Чаԝа мә дит, Пәтрус жь бо тьрса бәр мәрьва шашийед гьран дькьр. Ле әԝи жь Йаһоԝа аликʹари дьхԝәст, кӧ бьбә  йәки мерхас (Бьхунә Кʹаред Шандийа 4:13, 29, 31). Әм жи дькарьн һьмбәри тьрсед хԝә сәркʹәвьн. Ԝәрә әм дина хԝә бьдьнә сәрһатийа бьре мә Һорст. Ԝәʹде Шәрʹе Һʹәмдьнйайе йа II, әԝ ль Алманйайе дьжит. Чәнд щара гава дәрсдар у һәвалдәрсханед ԝи зоре ле дькьрьн, әԝи дьгот: «Һайл Һитлер!», чь кӧ те һʹәсабе Һитлер ԝе мә хьлаз кә». Ле әԝи заньбу, кӧ әв йәк нә рʹаст ә. Дәԝса кӧ де-баве ԝи сәр һерс кәвьн, ԝана тʹәви ԝи дӧа дькьр у жь Йаһоԝа лава дькьр, ԝәки мерхаси бьдә ԝи. Бь аликʹарийа Йаһоԝа у де-баве хԝә, әԝи ԛәԝат дьстанд кӧ амьн бьминә. Паше әԝи гот: «Йаһоԝа тʹӧ щара тʹәрка мьн нәдайә». c

14. Шьванед дьлован чаԝа дькарьн бәрдьли бьдьнә мәрьвед дьлшкәсти?

¹⁴ Йаһоԝа у Иса ԝе тʹӧ щар мә нәһельн. Чахе Пәтрус Иса инкʹар кьр, лазьм бу кӧ әԝ сафикьрьнед фәрз бькә. Гәло әԝе диса бәрдәԝам кьра пәй Иса бьчуйа у хьзмәтийеда хирәт буйа? Иса жь Йаһоԝа лава дькьр кӧ баԝәрийа Пәтрус сьст нәбә. Иса Пәтрусрʹа бәʹса ве дӧайе кьр. Әԝи гот кӧ Пәтрус ԝе паше бькарьбә дьле хушк-бьра ԛәԝи кә (Луԛа 22:31, 32). Бе шьк, Пәтрус жь ван гьлийед Иса гәләк ԛәԝат станд! Гава әм мәщбур бьн кӧ сафикьрьнед фәрз бькьн, Йаһоԝа ԝе бь сайа шьванед дьлован дьле мә ԛәԝи кә, ԝәки әм амьн бьминьн (Әфәси 4:8, 11). Рʹуспики щерʹьбанди бь наве Паул һәр тьшт дькьр, ԝәки дьле хушк-бьра ԛәԝи кә. Әԝ жь ԝан хушк-бьред дьлтәнг дьпьрсә, кӧ Йаһоԝа ча али ԝан кьрийә, ԝәки рʹастийе нас кьн. Паше әԝ бь дьловани ԝанрʹа дьбежә, ԝәки Йаһоԝа жь бо һʹәзкьрьна хԝәйә амьн ԝе тʹӧ щар ԝана нәһелә. Паул дьбежә: «Мьн дит, кӧ  гәләк мәрьвед дьлшкәсти бь аликʹарийа Йаһоԝа диса рʹадьбьн сәр хԝә».

15. Сәрһатийед Пәтрус у Һорст чаԝа дьдьнә кʹьфше, ԝәки гьлийед жь Мәтта 6:33 рʹаст ьн?

¹⁵ Чаԝа кӧ Йаһоԝа бона Пәтрус у шандийед дьн хәм дькьр, Әԝе бона һʹәԝщед мә жи хәм бькә, һәрге әм шьхӧле Пʹадшатийе дайньн сәр щийе пешьн. (Мәтта 6:33). Паши Шәрʹе Һʹәмдьнйайе йа II, бьре мә Һорст дьфькьри кӧ бьбә пешәнг. Әԝ гәләк кʹәсиб бу у гәләк шькед ԝи һәбун, чьмки әԝи ньзаньбу кӧ әԝе чаԝа әʹбура хԝә бькә у һьм жи ча пешәнг хьзмәт кә. Гәло әԝи чь кьр? Әԝи сафи кьр, ԝәки тʹәмамийа һʹәфтийа сәрледана бәрпьрсийаре мьһале, һәрә хьзмәтийе. Бь ве йәке, әԝи дьхԝәст бьщерʹьбанда, һәла Йаһоԝа ԝе али ԝи бькә йан на. Хьлазийа һʹәфтийе бәрпьрсийаре мьһале конвертәк да ԝи. Әԝи чʹәʹве хԝә баԝәр нәкьр! Теда һаԛас пʹәрә һәбу, кӧ әԝи дькарьбу чәнд мәһа ча пешәнг хьзмәт кьра. Һорст һʹәсаб кьр, ԝәки Йаһоԝа бь ве йәке жерʹа да кʹьфше, кӧ ԝе бона ԝи хәм бькә. Һʹәта хьлазийа әʹмьре хԝә, әԝи шьхӧле Пʹадшатийе датани сәр щийе пешьн (Малахи 3:10).

16. Әм жь сәрһатийа Пәтрус у нәʹмед ԝи чь кʹаре дькарьн бьстиньн?

¹⁶ Пәтрус чьԛас ша бу, кӧ Иса гӧһ нәда ве хԝәстьна ԝи, чахе әԝи гот, «Хӧдан, дури мьн һәрʹә»! Иса Пәтрус һин дькьр, ԝәки әԝ бьбә шагьрте ԝийи амьн у бона Мәсиһийа бьбә мәсәләки баш. Жь ԝан ширәтед кӧ Иса дабу Пәтрус, әм дькарьн гәләк дәрсед ԛимәт һин бьн. Ԛьрʹна йәкеда, Пәтрус дӧ нәʹмед хԝәда, һьнә жь ван ширәта у гәләк ширәтед дьн щьватарʹа ньвиси. Готара дьнда, әме дина хԝә бьдьнә һьнә жь ван дәрса у бьвиньн, кӧ әм чаԝа дькарьн әʹмьре хԝәда бьдьнә хәбате.