Ԝә рʹьнд дина хԝә да готаред жь «Бьрща Ԛәрәԝьлийе» йа ԝан пашԝәхтийа? Хԝә бьщерʹьбиньн, һәла һуне бькарьбьн щабед ԝан пьрса бьдьн:

Гава жь тʹәшкиләта Хԝәде рʹебәри тен, бьра, мәсәлә бәрпьрсийаред мьһале у рʹуспи гәрәке чь бькьн?

Әԝана гәрәке пәй ԝан рʹебәрийа һәрʹьн. Әԝана дькарьн пьрсед ӧса бьдьнә хԝә: «Гәло әз хушк-бьра һелан дькьм кӧ әԝана амьн бьн Йаһоԝарʹа? Чахе әз жь бьред щабдар рʹебәрийе дьстиньм, гәло әз дәрберʹа ԛәбул дькьм у пьштгьрийа ве рʹебәрийе дькьм?» (ԝ16.11, рʹупʹ. 11).

Мәсиһийед рʹаст кʹәнге кʹәтьнә дилтийа Бабилоне?

Әԝ йәк ԛәԝьмийә һьнә ԝәʹдә шунда паши мьрьна шандийа. Ԝи чахи ида сәрԝеред дера пешда дьһатьн. Дер у Дәԝләте, дине ԛәлпә Мәсиһти пешда анин, у дьхԝәстьн дәнге Мәсиһийед рʹаст бьдьнә бьрʹине. Ле ида бәри сала 1914, әԝана жь дилтийе дәрдькʹәтьн (ԝ16.11, рʹупʹ. 23-25).

Чьрʹа шьхӧле Лефевр Датапьл гәләк фәрз бу у кʹарәкә мәзьн ани?

Нава салед 1520-1529, Лефевр Кʹьтеба Пироз сәр зьмане Франси ԝәлгәрʹанд, сәва гәләк мәрьв бькарьбьн хԝәрʹа дәст хьн. Шьровәкьрьна ԝи дәрһәԛа пʹаред Кʹьтеба Пироз, һʹӧкӧм бун сәр Лутер, Ԝилиам Тиндал, у Щон Калвин (wp16.6, рʹупʹ. 10-12).

Чь фьрԛи һәйә ортʹа «фькьра бьнйатʹа мәрьвайе» у «фькьра рʹӧһʹ»? (Рʹом. 8:6)

Әԝед кӧ бь бьнийатʹа мәрьвайе дьжин, бьн һʹӧкӧме бәдәна хԝәйә гӧнәкʹарда дьжин. Һʹьш-аԛьле ԝан тʹәне сәр хԝәстьнед ԝан ә у әԝана тʹьме дәрһәԛа ԝан тьшта хәбәр дьдьн. Жийина ӧса ахьрийеда дьбә бәрбь мьрьне. Ле әԝ Мәсиһийед кӧ әʹмьре хԝәда шьхӧлед Хԝәде у ԛьрара ԝи датиньн щийе пешьн, әԝана бьн рʹебәрийа рʹӧһʹе пирозда дьжин. Ахьрийа ԝан жийин у әʹдьлайи йә (ԝ16.12, рʹупʹ. 15-17).

Әм чь дькарьн бькьн сәва дьһа кем хәма бькьн?

Тьштед лапи фәрз дайньн щийе пешьн, сәрԝахт бьн у рʹаст сәр тьшта бьньһерʹьн, һәр рʹож хԝәрʹа ԝәʹдә бьвиньн сәва һьнәки һеса бьн, ша бьн әʹфьринед Йаһоԝарʹа, һәнәкчи бьн, спортева мьжул бьн, у тʹьме хәва хԝә бьстиньн (ԝ16.12, рʹупʹ. 22-23).

«Һәнох жь дьне һатә һьлатьне, кӧ мьрьне нәбинә» (Ибрн. 11:5). Гәло әԝ чь те һʹәсабе?

Ча те кʹьфше Хԝәде ӧса кьр ԝәки жийина Һәнох ӧса бе сәкьнандьне кӧ әԝ нә жи һʹаш жь хԝә һәбу у мьрьн нәдит (ԝp17.1, рʹупʹ. 12-13).

Чьрʹа гәләк фәрз ә ԝәки әм мьлук бьн?

Һәрге әм мьлук ьн, әԝ те һʹәсабе ԝәки әм хԝә рʹьнд нас дькьн у синоред хԝә заньн. Әм гәрәке фәʹм бькьн кӧ рʹабун-рʹуньштьна мә дькарә сәр мәрьвед майин һʹӧкӧм бә у әм гәрәке хԝә сәр мәрьварʹа нәгьрьн (ԝ17.01, рʹупʹ. 18).

Чь избат дькә ԝәки ԛьрʹна йәкеда Хԝәде рʹебәри кʹома рʹебәрийе дькьр, у кӧ иро жи әԝ рʹебәрийе Кʹома Рʹебәрийе дькә?

Бь сайа рʹӧһʹе пироз ԝана рʹастийед Ньвисара фәʹм кьрьн. Бь аликʹарийа мьлйакʹәта ԝана рʹебәри шьхӧле бәлакьрьна мьзгинийе дькьрьн, у гава рʹебәри дьдан пәй Хәбәра Хԝәде дьчун. Кʹома Рʹебәрийе иро жи ӧса дькә у әԝ избат дькә кӧ Хԝәде рʹебәрийе ԝан дькә (ԝ17.02, рʹупʹ. 26-28).

Чь мә һелан дькә кӧ дьһа зәʹф кʹьрʹин бьшекьриньн?

Чар тьшт һәнә: Кʹе әԝ кʹьрʹин да, чьрʹа әԝ һатә дайине, чь һатә ԛӧрбанкьрьне, у ча әве кʹьрʹине һʹәԝщәтийед мә рʹази кьр. Әм гәрәке бьфькьрьн сәр ԝан тьшта, сәва бьвиньн кӧ әв ԛӧрбан кʹарәкә чьԛас мәзьн тинә (wp17.2, рʹупʹ. 4-6).

Һәрге Мәсиһи тьштәк сафи кьр, әԝ дькарә сафикьрьна хԝә бьгӧһезә?

Әм гәрәке хԝәйе гьлийе хԝә бьн, ле щара лазьм ә сәр һьнә сафикьрьна диса кʹур бьфькьрьн. Мәсәлә, чахе щьмәʹта Нинеԝайе гӧнед хԝә анинә рʹуйе хԝә, Хԝәде сафикьрьна хԝә дәрһәԛа ԝан гӧһаст. Щара, дәрәщә йан жи информасйа тʹәзә дькарә мә һелан кә, кӧ сафикьрьна хԝә бьгӧһезьн (ԝ17.03, рʹупʹ. 16-17).

Чьрʹа гәвәсти дькарә зийане бинә?

Гәвәсти дькарә чәтьнайе һе мәзьн кә. Фьрԛи тʹӧнә әм рʹаст ьн йан на, гәвәсти тʹӧ щар ԝе чәтьнайа сафи нәкьн (ԝ17.04, рʹупʹ. 21).