Nzambi u kwatekesa o athu a bhinga o ima ya lungu ni vondadi yê. Né mwene se eye nuka wa sambele kwa Nzambi, o phangu ya athu i tu sanga mu Bibidya i tena kukuswínisa. Ene asambe kiki: “Nzambi tata ngi kwatese.” Mu kifika:

•   “Ngi kwatekese-phe eye u Jihova, u Nzambi yami! Ngi bhulule mu jihenda jé javulu, ji wene na-ju!—Jisálamu 109:26.

•   “Eme-phe bhabha, ngi ngadyama ya hatu a ng’ehelela, nga tate! Endela-ku mu ku ngi sanga, Ngana Nzambi . . . kana kukokoloka tata, u Jihova!”—Jisálamu 70:5.

 Sé phata, o muthu wa soneka o izwelu yiyi wa kexile ni kixikanu kwa Nzambi. Nzambi wé wivwa o misambu ya athu ala ni mixima yambote, kála yó “a toloka mixima” mba “a talamana mu nzumbi.”—Jisálamu 34:18.

 Ki tu tokala ku kala ni wôma wa Nzambi mukonda mwéne u suwa o ibhindamu yetu. O Bibidya izwela: “Maji Jihova sumbala kota dya ngana, maji u suwa yó wa batama; mukwa izala-phe u mu mwena ngó mu kanga.” (Jisálamu 138:6) Jezú wambela o maxibulu me: “Enu-phe katé ni jindemba ku mítwe yenu a ji’aleka.” (Matesu 10:30) Nzambi u mona ima i u kamba ku mona. Kiki kilondekesa kwila mwéne wa-nda kwívwa o misambu yê, se u mu bhinga kikwatekesu kyoso ki u di bhana ni ibhidi!—1 Phetele 5:7.