Ananyi Andaya ku Dyulu?
O Bibidya i tambwijila
Ku Jikidistá jafiyele Nzambi wasoloku athu ofele, o a asolo yâ kyoso kyandafwa andakwafukununa phala kuya kukala ku dyulu. (1 Phetele 1:3, 4) Kyoso ene kya asola, atokala asuluka mukwenda mu kuxikana kwâ ni mu ijila ya Ukidistá mukonda se kakibhange kandatambula o undundu wakukala ni mwenyu ku dyulu.—Efezu 5:5; Filipe 3:12-14.
O yó andaya ku dyulu, andaya mubhangaku ihi?
Ene andasidivila kumoxi ni Jezú kala jisobha ni akunji mu 1.000 ya mivu. (Dijingunwinu 5:9, 10; 20:6) Ene andakala o “maulu ma ubhe” mba o unguvulu wa dyulu wandatumina o “ixi ya ubhe” mba o athu mu ngongo. O atumini ku dyulu andakwatekesa mukubhangesa kwila o athu akala kyambote kala kyandalele Nzambi ku dimatekenu.—Izaya 65:17; 2 Phetele 3:13.
Athu akuxi andakwafukununa phala kuya ku dyulu?
O Bibidya ilondekesa kwila 144.000 a athu andakwafukununa phala kukala ku dyulu. (Dijingunwinu 7:4) Mu kisumwa kyosoneke mu divulu dya Dijingunwinu 14:1-3, poxolo Nzwá wamono o “Kambudi wemana ku Mulundu wa Ziyone kumoxi ni hama ni makwinyi awana ni kiwana kya midi.” Mu kisumwa kiki, “o Kambudi” kalombolola Jezú amufukununa. (Nzwá 1:29; 1 Phetele 1:19) O “Mulundu wa Ziyone” ulombolola o kididi kyakatunda kya Jezú ni kya 144.000 andatumina kumoxi ni mwene ku dyulu.— Jisálamu 2:6; Jihebelewu 12:22.
O yó “a exana athu a asolo” phala kutumina ni Kidistu mu Utuminu wa Nzambi, a exana kala “kakilunga kófele.” (Dijingunwinu 17:14; Luka 12:32) Kiki kilondekesa kwila ene ejitola, kejivula kala o jimbudi joso ja Jezú.—Nzwá 10:16.
Makutu alungu ni yó andaya ku dyulu
Makutu: Athu oso ambote andaya ku dyulu.
Kidi: Athu avulu Nzambi wa akanena kwabhana mwenyu wakalelaku mu ixi.— Jisálamu 37:11, 29, 34.
Jezú wambe: “kanaku muthu wabande ku dyulu.” (Nzwá 3:13) Mukuzwela kiki, Jezú walondekesa kwila o athu ambote afwile ande dya mwene o kufwa, mu kifika Mbalahamu, Mozé, Jobe ni Davidi kendele ku dyulu kana. (Ikalakalu 2:29, 34) Mu veji dya kiki, ene akexile ni kidyelelu kya ku afukununa n’a kale mu ixi.—Jobe 14:13-15.
O difukunukinu phala kukala ni mwenyu ku dyulu, adixana “difukunukinu dya dyanga.” (Dijingunwinu 20:6) Kiki kilondekesa kwila kwandakala difukunukinu dya kamukwa. Kyandakala difukunukinu mu ixi.
O Bibidya ilonga kwila kyoso o Utuminu wa Nzambi wandatumina o ngongo, “kikwanda kala dingi kufwa.” (Dijingunwinu 21:3, 4) O kikanenu kiki kyatokala mu ixi mukonda mu dyulu nuka mwakexile kufwa.
Makutu: Kala muthu mwéne usola se wandakala ni mwenyu ku dyulu mba mu ixi.
Kidi: Nzambi mwéne usola o Jikidistá ja Fiyele jandatambula ‘o kikôwe kya kuya ku dyulu’ kiki kilombolola, kukingila kukala ni mwenyu ku dyulu. (Filipe 3:14) O lwimbi lwa muthu mba jihanji jê ki jene jibhangesa kumusola mba kana.—Matesu 20:20-23.
Makutu: O kukala ni mwenyu wakalelaku mu ixi ki ujitu wadikota, aubhana ngo kwa yó kafwamena kuya ku dyulu.
Kidi: Nzambi wixana yó andakala ni mwenyu wakalelaku mu ixi kala “mundu wami,” “athu’ami òsole,” ni “athu a azediwisa kwa Jihova.” (Izaya 65:21-23) Ene andakala ni ujitu wakukumbidila o vondadi yakexile nayu Nzambi ku dimatekenu—o vondadi ya kwila athu akala ni mwenyu wakalelaku mu palayízu mu ixi, sé ituxi.—Dimatekenu 1:28; Jisálamu 115:16; Izaya 45:18.
Makutu: O konda ya 144.000 yotumbule mu divulu dya Dijingunwinu kijimbwete ngo ki konda ya kidi kana.
Kidi: Sumbala mu divulu dya Dijingunwinu mwala jikonda javulu jala ngo ijimbwete, sayi jikonda jilombolola mwene ima ya kidi. Mu kifika, dyene dizwela dyalungu ni “kwinyi ni kiyadi kya jipoxolo ja Kambudi.” (Dijingunwinu 21:14) Tala o ima ibhangesa kuxikina kwila o konda ya 144.000 konda yakidi mwene ki kijimbwete ngo kana.
Dijingunwinu 7:4 dizwela “o konda ya yó a ate o idimbu, [mba andakala ni mwenyu ku dyulu] ene atenesa hama ni makwinyi awana ni kiwana kya midi.” Maji o jivelusu jikayela o velusu yiyi, jitumbula kibuka kyengi kya “mundu wavulu, kana muthu utena ku ukondala.” O yó atokala mu “mundu wavulu” Nzambi wanda ku abhulula we. (Dijingunwinu 7:9, 10) Se o konda ya 144.000 yexile ngo kijimbwete kilombolola athu avulu kana muthu utena ku ukondala, se kyene kiki hinu kitwejitena kutungula o ibuka iyadi. a
Katuku o maka enyâ, o konda ya 144.000 aisoneka kwila “Ene a asumbu mwaxaxi ka athu mu ngongo kala ibundu ya dyanga.” (Dijingunwinu 14:4) O kizwelu “ibundu ya dyanga” kilombolola athu ofele a asolo. Kyatokala mwene ku yó a asolo phala kutumina ku dyulu kumoxi ni Kidistu. Andatumina athu avulu mu ixi kana muthu utena ku akondala.—Dijingunwinu 5:10.
a Kyene we kimoxi, o Mulongexi Robert L. Thomas wasoneka yalungu ni konda ya 144.000 yotumbule mu divulu dya Dijingunwinu 7:4: “O konda yiyi konda ya kidi mwene, ki idifwangana ni konda mu kibatulu 7:9. Se twamba kwila o konda yiyi kijimbwete ngo, seku kondaphe mu divulu yandakala konda ya kidi.”—Dijingunwinu 1-7: An Exegetical Commentary, difwe 474.
Eye Nange Wandawabhela we o Maka Yá
ESSENTIAL BIBLE TEACHINGS
O Utuminu wa Nzambi Ihi?
Mu kithangana kya ukunji wê mu ixi, Jezú wa zwela dingi ya lungu ni Utuminu mak’engi ndenge. Mu mivu yavulu, athu ene mu samba mu kubhinga kwila utuminu yu wize.
MILONGI YA BIBIDYA
Fikisa Kudilonga o Bibidya N’etu
Dilonge o Bibidya ni kikwatekesu kya mulongexi, eye kubhingi kufuta kitadi.