Ibhuidisu ia Bibidia io Tambuijile
Kiebhi ki tu tena kuijiia o kidi kia lungu ni Nzambi?
Mukonda Diahi Nzambi ua Mesena Kuila Tuijiia o Kidi? Nzuá 17:3
Nzambi uene mu zuela ni athu mu ixi. Bhu kaxi ka nzumbi ikola, muéne ua te o ibanzelu iê mu kilunji kia mala a soneka o Bibidia. (2 Phetele 1:20, 21) Tu tena kuijiia o kidi kia lungu ni Nzambi mu kutanga o Bibidia.—Tanga Nzuá 17:17; 2 Timote 3:16.
Mu Bibidia Nzambi u tu jimbulula ima iavulu ia lungu ni muéne. Muéne u tu tangela se mukonda diahi ua bhange o athu, ihi ia-nda bhanga phala o athu, ni ihi i tua tokala ku bhanga phala ku mu bheza. (Ikalakalu 17:24-27) Jihova Nzambi ua mesena tuijiia o kidi kia lungu ni muene.—Tanga 1 Timote 2:3, 4.
Mukonda diahi Nzambi u sota o athu a uabhela o kidi?
Jihova muéne o Nzambi ia kidi, muéne ua tumikisa Mon’ê Jezú mu ixi phala kulonga o kidi ku athu. Mukonda dia kiki o athu a zolo o kidi, a belesela Jezú. (Nzuá 18:37) Nzambi u sota o athu enhá phala ku mu bheza.—Tanga Nzuá 4:23, 24.
Satanaji o Diabhu uene mu fidisa athu avulu phala kejiie o kidi kia lungu ni Nzambi. (2 Kolindo 4:3, 4) O athu a zembe o ima ia iuka, ene mu kaiela o milongi iê. (Loma 1:25) Maji athu avulu a uabhela kuijiia, a mu sanga o kidi kia lungu ni Nzambi mu ku di longa o Bibidia.—Tanga Ikalakalu 17:11.
Eye Nange Wandawabhela we o Maka Yá
IA LUNGU N’ETU
Mukonda Diahi Tua Tokala ku di Longa o Bibidia?
O Bibidia i tambuijila o ibhuidisu ia beta-o-kota iene mu di bhanga mazunda ni mazunda a athu mu ngongo? Ua mesena ué?
